استفسار عن مواد السمستر التالت ((تنظيم وتطوير اداري))

[saroOony]

السلام عليكم ورحمه الله وبركاته
لو سمحتوا يا اخوان حابه استفسر عن المواد التاليه(مبادى محاسب- مبادىالقانون-مبادى الاداره العامه -تقافه اسلاميه 2- عربي2 -مبادى الاقتصاد الجزئي))
كل واحد يقولي خبرته فيهم وكمان ابغى احذف ماده لانو ضغط 7 مواد وانا ع وشك زواج بعد اسبوعين فمحتاره ايش الماده الي احذفها
بالله ساعدوني
ما خاب من استشاروالله يجزاكم خيررررر مقدما الي يرد علي

[meas]

من رأي تحذفي المحاسبة ..
لانك زي ما قلتي على وجه زواج حتكوني في ضغط ..و المحاسبة يبغالها رواقة و تركييز صح
و لك القرار ^_^
الله يوفقك و يسعددك و يتمم لك على خيير :)

[saroOony]

طيب مبادى المحاسبه لازم اخذها لانو السمستر الجاي معتمده عليها وبعدين اذا هي زي الرياضيات ما عندي اشكال فيها
ومشكوررررره يا قلبي

[ممدوح حائل]

المشاركة الأصلية كتبت بواسطة sarooony السلام عليكم ورحمه الله وبركاته لو سمحتوا يا اخوان حابه استفسر عن المواد التاليه(مبادى محاسب- مبادىالقانون-مبادى الاداره العامه -تقافه اسلاميه 2- عربي2 -مبادى الاقتصاد الجزئي)) كل واحد يقولي خبرته فيهم وكمان ابغى احذف ماده لانو ضغط 7 مواد وانا ع وشك زواج بعد اسبوعين فمحتاره ايش الماده الي احذفها بالله ساعدوني ما خاب من استشاروالله يجزاكم خيررررر مقدما الي يرد علي

حسب ما ذكرتي أعلاه عندك ( 6 ) مواد ،، وليست ( 7 ) مواد ،،
شكلك نسيتي ( مبادي العلوم السياسية )

وعلى العموم دائماً الاخوه ينصحون بعدم جمع مادتين علميتين في ترم واحد
وانتي عندك ( محاسبة ، واقتصاد ) مادتين علميتين ،، والخيار لك .

ومبروك الزواج مقدماً ،،،، .

[لمار عزوز]

ألف مبروك والله يتمم لك على خير
أختي الخطه خطأ لأنك المفروض ماتتعدي 18 ساعه وبالخطه فيه زيادة ماده
أنا بذا الترم حذفت العربي ..و المواد كانت سهله نوعاً ما مو ذيك الصعوبه
بس ركزي بالسنترا وإن شاء الله تكون كل أمورك تماام
والله يوفقك بزواجك ودراستك

[devill]

مبروك التخصص

واذا تبين المواد هي كالتالي

1- مباديء محاسبة
2-ثقافة 201
3-تحرير كتابي
4- مباديء القانون
5-مباديء الادارة
6- مباديء علوم السياسه

وحذفي مباديء الاقتصاد الجزئي ... وراح تكون عدد ساعاتك 17 ساعه

مره كويسه ...

وبالتوفيق لك

[saroOony]

طيب الحين هي موادي 7(مبادى المحاسبه-مبادى القانون- مبادى الاداره العامه- مبادى الاقتصاد الجزئي-مبادى العلوم السياسيه-تقافه2 -عربي 2)طيب انتوا الحين خيرتوني احذف الاقتصاد الجزئي
طيب ابغى اسالكم كيف طبيعه المواد محد رد علي وانا بطبعي ما احب الحفظ بالمعنى اكرهه فايت المواد الي يبالها حفظ او فهم او تركيز
والله انا خايفه ومحتاره وجديده وما اعرف شي
فياليت الي عنده خبره واكيد الي درس المواد دي عنده خبره عنها يعلمني
وجزيتم خيرررررررررررررررر

[*soozee*]

انا حبيبتي زيك ونفس الخطه 7 مواد ومااحب الحفظ مره ففكرت احذف اما علوم سياسيه او قانون لانهم كلهم حفظ وكمان لا تنسي الاداره العامه دش فافضل لو انتي زيي ماعندك مشكله بالمواد العمليه زي المحاسبه والاقتصاد انك تحذفي وحده من المواد الثلاثه اللي كلها حفظ بس مادري انتي ظاهرلك الحذف والاضافه لان ماظهر عندي لسه

[Blair]

وانا كمان ماطلعلي الحذف والاضافه
بالله متى نقدر نحذف ونضيف