هم السابقون ونحن اللاحقون !!ياجامعتي العزيزة

[LeLou]

الله المستعان..

في عندي كم تعليق عالموضوع:~

أول حاجة بالنسبة لطلاب التحضيري إللي خايفين من المقاعد و يتكلموا عالواسطات و ما أعرف أيه..
أنا من خبرتي الشخصية في الجامعة كطالبة و أعرف موظفين في الجامعة كمان..
صح ما أنكر و لا واحد في المية أنه في كثير ناس بتدخل بالواسطات و جالسة في أماكن هي مو من حقها..
لكن في نفس الوقت ترى الجامعة هنا عشان الأمانة لو أنه كان الشخص مستوفي شروط التخصص يسكنوه من غير مشاكل..
لأنه عملية التسكين إليكترونية ترى فإذا الشخص مستوفي الشروط السيستسم راح يقبله..
و إذا في خطأ في النظام و ما اتستكنتوا في التخصص للي تبغوه و إنتوا مستوفيين الشروط أطبعوا كل أوراقكم و روحوا على عمادة القبول و التسجيل طبعًا أول ما تطلع النتايج ترى على طول يحولوكم..
فلا تشيلوا هم صح في ناس تدخل بالواسطة بس اللي معاه حق ربنا ما يضيع حق أحد..

ثاني حاجة بالنسبة للي صار مع أختنا في الله هذي..
بصراحة أنا كنت على وشك البكاء و أنا جالسة أشوف المقطع..
لكن في نفس الوقت لاحظت أنها الله يهديها قاعدة تلوم الناس..
أنا ما أنكر أنه وضعها أليم لكن بغض النظر عن السبب هذا قضاء وقدر..
يعني ربنا كاتب لها يجيها رعاش بيجيها من الجامعة و لا من غيرها..
غير كدا هي كان بامكانها ترفع تقرير في قسم الرجال و تحاول توصل مشكلتها للدكتورة أسامة..
معاملتها ضاعت تقدم واحدة ثانية،، أحس الآدمية الله يكون في عونها عندها ضعف..
و زي ما قالت المشتاقة لخالقها بإمكانها تقدم على وظيفة بالماجيستير و تنقبل معيدة في الجامعة دام ماشاء الله معدلها عالي..
يمكن لو أخذت الدكتوراه تقعد عاطلة يمكن في فترة دراستها يجيها دكتور و لا دكتورة ما ينجحوها..
ما تعرف أيش من مصيبة ممكن تصير لها لو حضرت دكتوراه ربنا منع الشي دا عنها معناها أنه مافيه خير لها..
الواحد ما يعرف فين الخير له و ربنا ما يظلم أحد..
حتى إللي ربنا يضيق عليه في الدنيا،، هذا إبتلاء و إن صبر عليه له عظيم الأجر في الآخرة..
و إللي ربنا يبتليه هذا شي كويس لأنه بالصبر و الدعاء تتخفف عنه ذنوبه..
و ربنا راح ياخذ حق كل مخلوق إن مو في الدنيا في يوم قيامة راح تتحاسب فيه جميع الخلائق..
و في معلومة مرة سمعتها من استاذة الثقافة أنه لو علم الشخص كيف راح يكون حاله على غير قدره لاختار قدره اللي كتبه الله له..

هذا رأيي الشخصي في الموضوع..
الله يفرج عنها و عن جميع المسلمين و يحقق لكل مجتهد أمنياته..
أعتذر عن الإطالة،، و تقبلوا مروري||~