هنا تجمع طالبات بحث و تدريب عند الاستاذة سناء با ناجة

[الساهرة]

انا حمداالله سلمت البحث اليوم لاتخافوا من المناقشة مرة قصيرة ماطولت معايا لكن اللي تشوفها متردده في ايجاباتها تسألها اكثر عن البحث اهم شيء تكونوا قريتوا البحث كويس قبل المناقشة يعني فروض و نتائج والتوصيات ترى التوصيات مرة مهمة واهم شيء يابنات موضوعكم كيف شفتوه في مكان تدريب هذا اول سؤال ممكن تسألك هو يعني مثلا موضوعك عن الرضا الوظيفي راح تسألك كيف رضا الموظفات في مكان اللي تتدربت فيه ؟ انتي تقوليلها على حسب اللي شفتيه مثلا تقوليلها في نسبة الرضا عالية من قبل الموظفات يمكن تسألك ايش تتوقعي سبب الرضا؟ وهكذا
انا غريبة ماسالتني عن نتائج سألتني على توصيات
واللي تسأل فين غرفتها جب غرفت الحذف ولاضافة
التوفيق للجميع