~~ شــــــتــــــات ~~ ♥ مُصرهـ علـى قــراري ♥..

[مصره على قراري]

المشاركة الأصلية كتبت بواسطة د.نورهـ - مصرهـ حبيبتي و أختي ، لا تعتذري أبداً ماشاء الله تباركـ الله عليكـ أستفدت كثير من دوراتكـ و بمعنى الكلمة تغيرت نظرتي للوقت و الاهتمام فيه و لأشياء كثير ، لكن للامانة ممكن يجيني يوم قبل ما أنام أقول ايش استفدت اليوم ما ألقى شيء يذكر و أكتشف اني ضيعت وقتي لكن هذا مو معناهـ إني ما تغيرت لا مهتمة جداً ، علمتيني كثير منها ، كيف أستفيد من الوقت إلي أقضيه في السيارة و ما يمر علي كذا أبداً ، خاصة مع البحث أمور كثير أنجزها في السيارة مثل القراءة و أتركـ الكتاب في السيارة عشان أرجع الظهر أكملهـ و أنا راجعة و لا أنزل الكتاب البيت الا اذا انتهيت منهـ ،، - تعرفي الموضوع الموجود في ملتقى المنتظمين (بداية الطريق للوصول الى الهدف المنشود) وين حضرت له و قرأت الكتاب و الافكار في السيارة ، و نفس الشيء للموضوع القادم رتبت له في السيارة من الاسبوع الماضي ،، - رسايل الجوال أرد عليها في وقت الانتظار و أجري مكالمات لان اذا كنت مشغولة ما أرد إلا اذا متأكدة إنه ضروري و هذا حسب قاعدة الميزان ، و ترى قبل الدورة أبداً ما كنت كذا و أمور كثيرة تعلمتها من دورة الاهداف و الوقت مثل الميزان و الكايزن و الاقلام و نقسم الوقت حسب الاهم فالاهم ....الخ مما يطول ذكرهـ يا أروع مريم ،، - يجزاكـِ الجنة يا أختي ، تعلمت منكـ كثير و في شغلة بكتبها عنكـ في مدونتي مع الايام الجاية ان شاء الله لان في أمر بيسير و الفضل لله ثم لكـِ ،، - ربي يكتب لكـِ الاجر و يجزاكـِ كل خير و يجعل كل ما قدمتي لنا في موازين حسناتكـ ،، - للفائدة و المتعة ،،، محتوى دورت(إدارة الوقت)~ما نقصت ساعة من عمرك الا بقطعه من دهرك~ http://www.skaau.com/vb/showthread.php?t=428376 - و أنا قلبت الصفحة معكـ و أتعلمت أكثر اليوم بإلاهتمام بالوقت و بشدة ،،

والله ما اعرف ايش اقول
اي كلمه بقولها بحقك قليله
قبل شوي كنت فعلا حاسه اني قصرت مع كل الي كانوا معي بالدوره
وجالسه الوم نفسي اني ضيعت وقتكم بشي انا مو متمكنه منه
ولا اطبقه بالشكل الامثل
وكلامك رفعلي معنوياتي كثير
ويارب اكون فعلا افدتك
بلي كنت اقوله لان هذا هدفي
وهذا الي خلاني اطلب اعطي دورات بالساحه

والاهم من كل هذا انا(قلبنا الصفحه) سواء كانت الصفحه كامله او ناقصه
لازم نقلبها عشان نبداء صفحه جديده ونصحح فيها كل قصور الصفحات الي قبلها ان شاء الله

الله يسعدك ويوفقك يانوره

وشهادة حق اقولها
انتي من اكثر الاعضاء الي اعتبرت معرفتهم مكسب لي
وفعلا ندمانه اني ما عرفتك قبل كذا

ودعواتي لك يالغاليه مارح توقف ابد
واي شي اتمناه لنفسي اتمنى ضعفه لك
لانك تستاهلين