قبل إختبار العربي اليوم ...

[candy 1989]

yesyes

الحمدالله ع الفوز..

من جدك ماشاءالله صحفي و العربي عقدتك سبحان الله..

العربي سهل بس لاتحط في راسك انو صعب..

انتا لو قريت القاعده راح تفهم ان شاءالله النحو كلو,,,


الوفا دربي..

اميييين ياااارب ..واشكررررك على خدمة امس حليت اللي شرحتي ليا ..

ربي يوفقك ويسعدك...



يلا اخدنا فاصل بروح اذاكر شويه و ارجع لكم..

[yesyes]

وربي زي ما اقول لكِ يا رنااااا " صحفي " ومُكاااافح في الدرجة الأولى ...وافهم في كل شيء الا ذا العربي ..لو كان أدب اجيب فيه الدرجة كاملة لو كان مقال ....لو كان تحقيق ...لو كان خطابة .....لكن الحركات الإعرابية ذي بالذات همي من يووومي ....مو داخله راسي ودائماً اقول ان النحو والصرف طُبع لغير العرب فما تحتوية كُتبنا هو لغير العربي وإلا فـــ العربي او " النحو " بــ المعنى الأصح هو مادة سائلة ونستطيع تشكيلها على الوجه الذي نُريد الا اننا مازلنا مُتمسكين بـــ أن العربي لا بُد وان يُشرح بذات الطريقة التي كان " صانعوها " ينتهجونها ....الأمر في غاية التعقيد للعرب وهو في غاية السهولة لــــ غيرهم ....ولولا ذلك ما جاء من هم من غير العربي لـــ يضعوا قواعد العرب ومثلاً ليس حرصاً ما جاء ....من بلاد فارس سيبوية من فراغ بل جاء لـــ يُثبت أن هذه اللغة هي لغة سهلة الفهم لكنها على من يضع مناهجها تــُنتهج ...ومناهجنا السعودية للأسف جداً سيئة منذ نعومة أوراقها ....منذ الصفوف الأولى الابتدائية وصولاً
بالصفوف العُلياء كل الأمور تتجه للصعوبة ولعدم التقنين ....ولكن لم يتبقى بــ أيدينا إلا ان نقبل بذلك رغماً عن انف اي حقيقة نؤمن بها .

على فكرة من أداب الكتابة مثلاً ان تسبق علامة الـــ إستفهام هذه " ؟ " علامة التعجب هذه " ! " قد يجيء هذا السؤال اليوم ....اعرفه لأنه تخصص كتابي وليس نحوي ..

صباحكِ ممزوج بسحابةٍ بيضاء يا رنا ...كوني أبد النبض بالود والخير معاً .

[waaw girl]

هااااااااااااااااااااي كيفكم رنا و yesye
انشاءالله تكونو تماااااامووووو
ومررررررررررره مبروووك والله زعيمكم قدر يزبطلكم النفسيه بسرعه

<<< اختبارها امس سيئ لدرجه فضييعه امممم امكن اول حااجه لأني اكره الرياضيات
وماافهم فيه .. تاني شي مرررره اتأخرت على الاختبار وصلت القاعه الاختبار بادئ له نص ساعه
ومتأكده تسعين بالميه اني حاملتو معايه هوا والتحليل

ومتفااائله لأختبار اليوووم مرررررررررره وانشاءالله يكون خير الختاااااااام
وبصراحه طفشت وبرجع المدينه خلاااااااااااااص

تحياااااااااااااااااااتي

[yesyes]

هلا waaw girl
هلا وصباحكِ خير يارب ....اجل احنا سوا في حمل " الرياضيات " اما من ناحية الطفش فــــ بحر يُنبع جداً واحشني
وزحااااام جدة سرق مني الأكسجين كثير ....كثير والله ....والقلب يخفق أشواقاً للمدينة الهادئة النائمة على أطراف الساحل يُنبووووع الحُب ..يُنبـــــُع .

ويارب يكون اليوم ختام المسك رغم اني والله حاسس مليون في المية اني جااايب العيد لكن الله يستر

[waaw girl]

المشاركة الأصلية كتبت بواسطة yesyes هلا waaw girl هلا وصباحكِ خير يارب ....اجل احنا سوا في حمل " الرياضيات " اما من ناحية الطفش فــــ بحر يُنبع جداً واحشني وزحااااام جدة سرق مني الأكسجين كثير ....كثير والله ....والقلب يخفق أشواقاً للمدينة الهادئة النائمة على أطراف الساحل يُنبووووع الحُب ..يُنبـــــُع . ويارب يكون اليوم ختام المسك رغم اني والله حاسس مليون في المية اني جااايب العيد لكن الله يستر

صبااااااااااااااحك ورد ياعسل ...من جد زحاام مو طبيعي
ومن جد واااااو على بحر ينبع الاليييييييييم وربي احلى بحر بالسعوديه
مو هنا . تصدق انا اعشق شي اسمو بحر بس هنا الصرااحه دحين ليا اسبوعين ولا شفتو
لأني ابدا مااسميه بحر اللي هنا
والله يسمع منك يااااارب ويكوون ختااام جدا رااائع
بس والله العربي مررره سهل كل مافي الموضووع تركييز على القاعدات وتمثل
بجمل من عقلك وربي تمشي وفعلا زي ماقالت قلبووو رنا لا تحط في بالك انو صعب
وتحطم نفسيتك كفاااااايه تحطيم من الرياضيات والتحليل الهمي

بالتوفيق يااارب
تحيااااااااااااااااااااتي

[yesyes]

دعواتكِ يا waaw girl وربي عن جد عن جد شااااااااااااااااااايل همُه ومن امس بس ادعي اني اجيب الستين ...وكل سؤال احله اقول "" هذي درجتين " صاروا اربعه .....صاروا سته ...ولما اصل الستين وربي لـــــ أرمي الورقة من الفرحة عن جد متعبني نفسياً ولو ربي يكرمني اليوم ح أكون أسعد انسان في الدنيا وح أشغل فيروز ...ح أسمع عيون القلب ههههههههههه

أممممم تصدقي waaw girl مو نقص في جدة ...بس والله جده زحامها بالمره خلاها مدينة كربونية بحته في كل مكان حتى بحرهاااا وربي يجيب المرض والله كله فئران وحشرات تجيب الأمراض والله اني شفت ذا الشيء بعيني لا تقولوا كيف فئران في البحر ....والله اني شفتها في بحر الحمرا القديم المشهور بــــ النافورة امام ابو شقرا ..

اما يُنبع فـــ الحمد لله بيني وبين البحر اقل من " 5 " كيلوات ...ودائماً اخذها مشيء على الأقدام اغلب الصباحات اللي ما يكون عندي في دوام ...وبصراحة ذي العادية الرياضية اللي انا احبها فقدتها كثير في جده ..

دعواتكِ للمرة الثانية ياااا waaw girl ...وسلامي الخاص جداً لـــ رنو امانة وصليه

[waaw girl]

لا انشاءالله ياااارب يعدي الاختبااار ولا احلى عليييك
واحلى مافي الموضوع فيروز هههههههههه ونااااسه

اما على حكاااية الفيراان الكل مصدقيين وبقووه اعتقد
لأنو الفاار هنا مو حاجه هينه ...الوااحد مافي فرق بينو بين البسه <<< صيغة مبالغه *_^


وللمرررره الالف الله يوفقك يااااااااارب ويسهلها عليك
نحيااااااااااااااااااااااااااااااااتي

[شذو]

حاسه انه بيصير ختامها زفت معاي

مدري ليش فيه عداوه بيني انا والنحو من ايام الابتدائي

الله يستر والله مابغى اذاكره عشان ما انقهر

على الوقت اللي راح بالمذاكره

وانا عارفه اني ماراح اجاوب ....

[waaw girl]

المشاركة الأصلية كتبت بواسطة شذو حاسه انه بيصير ختامها زفت معاي مدري ليش فيه عداوه بيني انا والنحو من ايام الابتدائي الله يستر والله مابغى اذاكره عشان ما انقهر على الوقت اللي راح بالمذاكره وانا عارفه اني ماراح اجاوب ....

يؤيؤيؤ ليش ياشذو التحطييييييييم ده كلو
استهدي بالله وزاااكري وركزييييييي بالقاعدات وانشاءالله
ربي محا يضيع تعبك .. والله يكووون بعووونك يارب
صدقيييني مو حلو التحطيم للنفس
حااولي انتي وشوفي

بالتوفيق يااااااااارب

[شذو]

طيب نائب الفاعل مو قادره افهمه
ممكن احد يشرحلي اياه