دكتورة باسد دقايق من فضلك

[عبدالله2012]

السلام عليكم....
صراحة ماني عارف من وين ابدا بس
صراااحه انا شفت كااتبة بموضوع انك درستي بمدرسة اجنبية ولغتك تمام
ابغى منك مساعده بسيطة يعني تقولين لي كيف اطور لغتي(يعني أنا عندي اساس)
بس المشكلة بالتطوير انا دخلت معاهد بس مجرد ماتنتهي احس ما عندي تطور
بستثناء الكلمات يعني اذا شفت كلمه اترجمها بس مو دااايم بس القرامر والسبكينق مررره مافي تطوير
وبس ذا اللي عندي...........

[Dr.Passed]

حاسه الموضوع مو في محلو حيتنقل

بس اقلك
انا من عمري سنتين وماما بس تكلمني انجليزي و الروضه و التمهيدي كانت انجليزي
مربيتي كانت امريكيه

فالبيس حقي الاساس كان انجليزي لدرجه القرامر استصعبو عشان ما اعرف اسمع يعني زي ماتقول لأحد دحين اعربلي كلمه فالمسأله مسأله تعود

وبعدين المتوسط درستها في مدارس اجنبيه

و صحباتي اهرج معاهم طول الوقت انجليزي حتى الي ما تعرف عشان تسير تعرف
يعني معودتهم كده يتفاهمو معايا لمصلحتهم كمان

( هادا طبعا لا يعني اني ما اعتز بلغتي العربيه طبعا )

بس فا انت عود نفسك كده اهرج بس انجليزي
الأفلام تابع واحد مترجم والتاني من غير ترجمه

جيب قصص اشرطه وأقعد اسمعها قبل ماتنام روايات محادثات
الجوال لو عربي..رجعو انجليزي

اقرأ كتييييييير وزي ماقلتلك اهم شي تمارس وتهرج انجليزي دايما

حتقولي حتلطش من دا ودا حيتريق و التاني ما اعرف ايش حيقول سيبك من الناس انت تبا تعود نفسك
المعاهد تضييع للوقت اشتغل انت على نفسك

شفلك اصحاب اجانب يعني..اهم شي تستعمل اللغه ولا تروح منك

[عبدالله2012]

امممممم طيب اللي فهمته انو انت ما تعبتى على اللغة يعنى كانها لغتك الام صح.........
طيب اخر سؤال معليش طفشتك
ما دخلتى معاهد اوسافرتى بره
ولغتك مرررررررره مساعدتك بالطب ولا عاااادى
ولكنتك زي الغرب ماااتفرق
وانت تقول تكلم بالانجليزي بيقلون حفظ كلمتين وجاااااااي يطبق علينا
ومنجد مشكورة على الرد
تسلمين وفالك 5من5 يااارب.........

[Dr.Passed]

ايوه وغلط كبيييييييييييييير انك تكتب معنى الكلمه جمبها بالعربي ألطريقه الصحيحه انك تحفظها في وقتها
وتمشي من غير ما تكتبها لأنو صعب المخ يتزكر كلمتين مرادفه بلغتين مختلفه

حاول كل كلمه جديده عليك تحطها في جمله و تعرف معناها من الجمله

زي مثلا

We cook in the kitchen

من الجمله دي لو تعرف kitchen حتقدر تعرف cook
والعكس صحيح ...

صح ؟

فاخلي اسلوبك كده في الحفظ
استنتج ( من غير ) ترجمه بالعربي

بس وزي ماقلنا لازم مممارسه دايما اهرج انجليزي حتى مع الي مايعرف حيضايقوك الناس في البدايه بس بعدين حيتعودو عليك =)

[Dr.Passed]

لا يا اخي مالك شغل في الناس أبدا

كل واحد حر في نفسو انت مصلحتك تسوي كده ايش عليك من كلام غيرك
انا ياما اتلطشت اتزكر اول ما دخلت المنتدى ماكنت اكتب مواضيع عربي اصلا
و المشرف بكبرو رسلي و قلي الله يخليكي اكتبي عربي الشكاوي منك كتيره بس شوف هما خصرانين والله كتير قالولي استفادو

فا انت حاول حتى لو حسيت انو في شي منتا قادر تقولو لازم تحاول او على الاقل تركب لو غلط شوف مين يصححك

بس لازم اجتهاد شخصي منك لازم تحاول مع نفسك لاااااااازم من اليوم بس اهرج انجليزي مع الكل
قلتلك القصص و الأفلام حتساعدك كتيييييير

انا أكيد مساعدتني اللغه في الدراسه يعني ما احتاج المترجم الحمد لله بس الكلمات الطبيه الي اصلها لاتيني ومو معروفه طبعا ما اكون عارفتها

فابحث عنها

ولا عادي مافي تعب

[عبدالله2012]

مشكورررررررة وإن شاء الله اطبق اللي قلتية
والله اني دعيت لك من قلبي
بس انت تقدري تاخذي التوفل او لايلتس
درستى انقلش بالجامعه ولا عادلتية.........

[Dr.Passed]

عندي توفل طبعا بس اخدته في الجامعه عشان لو عادلته ما يحسبو في المعدل يعني خصاره
فا اختو عشان ارفع المعدل