ابي فكرة عن استاذة نجاة الساحلي

[ابتسام بابطين]

بنات بلييز سااعدووني

احسن استااذت في القسم من شرحهاوشرحها حلو في الانجليزي

طيب تعرفوون استاذة / نجاة خليفه سالم الساحلي

بلييز حكووني عنها كيف شرحها

[nour al3mr]

أختي الفاضلة

هل تدرسي في جامعة الملك عبد العزيز فرع السليمـآنية ..؟

[ابتسام بابطين]

لا انا في مقر الجامعه بجدة مو السلامنيه او الفيصليه وثاني شي سنترا نو حضور

[nour al3mr]

لذلك هذه الاستاذه لانعلم عنها

هنا طلاب وطالبات مقر السليمانية

ويوجد قسم في المنتدى لطالبات الفيصلية

[fofo_27]

نجاة الساحلي انا جربتها لاني كنت احضر عالجامعة السنه التحضيرية
وبصراحه عجبني شرحها هيا تونسيه اعتقد وكلامها العربي مكسر تقعد اكتر شي انقلش وتحاول توصلك المعلومة بالانقلش مره كويسه بالشرح
انا لاني تمام باللغه عجبتني بس كانو اغلب البنات متنحين بس حبوبه هيا وتحب تضحك وتفرفش مع البنات
ان شاء الله اكون افدتك هذا حسب تجربتي

[فلسوعه]

أنا درستني وعشت معاها مستوى كامل هههههه
درستني في المستوى الأول
شرحها حلو ما شاء الله وترى تحب الشغل الكثير
يعني راح تهلكم واجبات
بس صدقيني هذا كله في مصلحتكم
هي طيبه مع الطيبين
لكن مع الناس اللي قليله حيا ترى لها وجه ثاني
وعلى فكره تراها دقيقه في التصحيح حبيتين
يعني في الرايتنق لو نقصتي حرف تعتبر الكلمه غلط وتنقصك درجه
بس في الشرح والقرامر ماشاء الله عليها
أذكرها كانت تحاول توصل الفكره بكل طريقه
بصراحه هي اللي أسستني في القرامر
أنا زمان ما كنت أعرف أفرق بين المضارع البسيط والمضارع المستمر من ناحية الاستخدام
لكن ذحين قاعده أحمد ربي انها درستني
هي ماتتكلم عربي مع البنات لأن بعض البنات يقعدوا يتريقوا عليها << تعرفي التونسيين كيف يتكلموا
بس عموما أستاذه رائعه في الشرح
أنا ماأعرف كيفها في السنترا للانتساب
لكني جربتها لما كنت تحضيري

موفقه ان شاء الله

بس سؤااال
انتي تخصص انقلش ؟
لأنو غريبه نجاة تدرس تخصص
أنا أعرف انو بتدرس تحضيري

[فلسوعه]

المشاركة الأصلية كتبت بواسطة nour al3mr لذلك هذه الاستاذه لانعلم عنها هنا طلاب وطالبات مقر السليمانية ويوجد قسم في المنتدى لطالبات الفيصلية

سلام نور

نجاة تدرّس في السليمانية بس تدرّس تحضيري
أنا درست معاها في المستوى الأول
واللي أعرفه انو مالها علآقه بالتخصص << عز الله لو درست تخصص حتكون مشكله بالنسبه لطابات الانتظام لأنها شديده وتتوقع من البنت انها تكون بيرفكت في كل شي اللهم أبعدها عننا يارب

[ضاع الحلم]

استاذة نجاة خطييييييره وحبوبه ربي يسعدها

وفرفوشه صراحه ماطفش في محاضرتها

اتمنى تدرسني المستوى 2 كمان

[فلسوعه]

المشاركة الأصلية كتبت بواسطة ضاع الحلم استاذة نجاة خطييييييره وحبوبه ربي يسعدها وفرفوشه صراحه ماطفش في محاضرتها اتمنى تدرسني المستوى 2 كمان

هههههههههههه
ماشاء الله
يعني عجبتك وهي تتريق عليكم ؟!

طيب انتي خلصتي معاها مستوى 1 والا لسى ؟

لأنو لو ما خلصتي لآزم تشدي حيلك وتذاكري كويس لأنها دقيقه في تصحيح الرايتنق
تدقق على الحرف

[ام حمدان]

عزيزتي

الاستاذه هذي مامر علي اسمها في التخصص ابدا لا في الانتساب ولا في الانتظام ممكن تدرس فقط التحضيري

عموما ان كنتي مستوى ثالث

فافضل الاستاذات

لمواد التخصص المتاحين في هذا الترم هم

lane211 شعبه 1 مع استاذه ريم سائحي

lane212 شعبه 2 مع استاذه الاء المحمدي

lane213 مس مايا اليافي شعبه 1
او مس حنان الطرازي شعبه 2

كلهم تمام


لو تبغي فرنسي1
lanf221 شعبه 1 دكتوره ميرفت الببلاوي هي الافضل

مس سميه كمان يقولوا كويسه

وهذا موضوع يفيدكم عن تجارب الطالبات مع الاستاذات تصفحيه حتى تاخذي فكره عنهم


http://www.skaau.com/vb/showthread.php?t=329541


موفقه