خواطر(8)~ سكاو يريد..

[jo0odi]

بدآية أشكرك أختي مصره على قراري لطرحك الهآدف والمفيد احترآمي لشخصك ولجميع القروب
..
مآشآء الله تبآرك الرحمن مآقصروا الأخوآن والأخوآت في الاقترآحآت !
..

لايخفى على الجميع ان برنامج خواطر مُشآهد من الجميع الكبير والصغير وكل فئآت المجتمع ولاسيمآ الشبآب حتى ان أغلب العآئلات تخلص تجهيز الفطور والسفره بسسرعه قبل موعد بث البرنامج حتى يمكن مشآهدة البرنامج كآمل من دون أي انشغال<-- من ضمنهم عآئلتي =) بالرغم من وقته القصير لكن فيه من الفوآئد مآ الله به عليم وأكثر فئه تشآهد وتتأثر بالبرنامج هم فئة الشباب
..
بودي لو إن البرنامج يستغل هذآ التأثر من الشباب ويسلط الضوء عليهم يسلط الضوء على الجانب الاخلاقي بالذات يعني كثير قضايا نعيشها اليوم في المجتمع ونشاهدها وكل مالها في ازديآد فظييع لكن لم يتطرق لهآ الاعلام بشكل يأثر فيهم مثل ظاهرة ( السحاقيات والبويآت مثل مايسمونهم بالنسبه للبنات والعياذ بالله ) في المدارس في الجامعات في كل مكان شيء يشيب له الرأس لم يتطرق الاعلام لها بشكل جريء يعني برنامج مثل خواطر ومُشاهد من الشباب ويأثر فيهم المفروض يستهدف الشباب في اطروحاته المجتمع كل ماله في تدهور من هالناحيه يعني مثال بسيط ( ادخل كافيتريا الجامعه القى العجب العُجاب وحده تزهم صاحبتهآ خالد , فهد , فيصل .. كنت واقفه اطلب كوب من الكوفي جت وحده جنبي تكلم صاحبتها تقول يافلانه خالد يزهمك من اول ليه ماتردين قالت فينه هوو ؟ قالت هناك جالس قالت اللحين اروح له انا استغربت من الموضوع لدرجة اني شكيت بسمعي الا لفيت بشوف وين تروح الا فعلاً راحت لخالد على قولتهم خالد صديقتها لكن مسترجله العبايه حقتها مثل تفصيل ثياب الاولاد بس ناقص تحط الكبك قصة الشعر والهيئه والجلسه ونبرة الصوت حركة اليد مافي شيء يدل انها انثى ) !!

يعني انا لما اشوف موقف مثل هذا !

هالفئه من يوعيهم من هالشيء هذا ؟ من يصحيهم من الغفله اللي هم فيهآ
بدون مبالغه الوضع بإزدياد مسسسستمر وبشكل يخوووف حلقه اللي تطرق لها فايز المالكي في مسلسل سكتم بكتم وهي حلقة كوميديا اثرت في الكثييييييييييير منهم انتشرت في الايملات والبلاك بيري حتى انه البعض صار يحطها صوره رمزيه وتحتها تعليق يهز الابدان !
..
يآ أختي شيء يخوف لدرجة وصلوا انهم يلبسون الدبل
سواء كانوا بنات أو أولاد
وتعرفون معنى كلامي بلبس الدبل
وغير كذا صارت نظرة بنات الجامعه او المدرسه لهذا الشيء نظره عاديه وين الامر بالمعروف والنهي عن المنكر اكلم وحده تقول يااامي خلينا نعيش حياتنا لاحقين بكره نتزوج وننسى !
ولا اللي يقول هالفئه ماتسمع عادي هاذي فترة مراهقه وتعدي اي فترة مراهقه اقسم بالله العظيم اني رأيت بنات متزوجات وامهات الوحده معها طفل ولا طفلين وثلاث وهي من هالفئه
اي مراهقه اللي تتكلمون عنهآ !!

!!!!!

توقعآتك برنامج مثل خواطر لو عمل حلقه وحده بس عن هالفئه كيف راح تكون درجة التأثير ؟!!
اذا ماناقشنا هالمواضيع الجريئه واخذناها في الحسبان الشباب كل ماله في تدهور !!
كثير يقولون يبيلهم نصح وارشاد ؟!
طيب انا انصح بس اللي انصحه ماعنده جآنب ديني أصلاً ؟!
صح ممكن يسمع منهم لكن الاغلب لأ لأن الجانب الديني عنده ضعيف أسآساً أو انه يسمع ويسوف كل يوم يقول بكره اتوب !
يعني لو نكلمهم عن الامراض اللي تنشأ من هالعلاقات نفسيه كانت او غيرها وايضاً لو نكلمهم عن نظرة المجتمع ...الخ
وغييره كثيير
اكيد راح يأثر فيهم كثيرر
أضيف إلى ذلك ان البرنامج رآح يكون في شهر رمضان المبآرك والنفوس نوعآ مآ تكون طاهره وقريبه من الله عز علاه والوقت هذا يتقبلون فيه ويسمعون

..
بالنسبه للشيء الثاني وهو النقطه اللي قالتها ( حبي لذاتي )
وهي العمل التطوعي وهذا ايضا جانب اخلاقي ممكن اننا نحث الشباب على العمل التطوعي الكل عارف ان فيه نسبة بطاله كبيره بالمجتمع ليه الشاب او الشابه مايتطوع ؟!
هذه نقطه جيده شيء جميل نوعي الشباب علييه
..
ايضا الصدقه في شباب عندنا لما تكون عنده فلوس اما انه يسلي نفسه ولا يسوي فيها شيء لسيارته يعني مثلا بالشارع الأن نشوف عمال يشتغلون اما في بناء او في الشوارع وقت الظهيره والشمس على روسهم ايش المانع لو أنت يالشاب نزلت عند اقرب سوبر ماركت واشتريت لك كرتون مويه ووزعته وانت بسيارتك اجره عظيم ولاتاخذ منك وقت ولاجهد هذه كمآن نقطه بسيطه لويتطرق لها البرنامج راح تأثر كثيير في شبابنا

..

اختم هذه النقطه بـ أن

( الشبآب يسمع لكن أين المتحدث)

احدى حلقات خواطر كانت تتكلم عن اماطة الاذى كنا نشوف الحلقه وقت الاعاده بعد الحلقه او حتى لاأذكر يمكن بالفاصل الاعلاني راح اخوي للشآرع اللي قدام بيتنا نظف الشارع كله لحاله كنت اشوفه من النافذه واعجبت صراحه فيه انه الحلقه اثرت فيه وخلته ينزل وينظف !

وايضاً في احدى الحلقات تتكلم عن التنظيم وتتطرق لطريقة الله يكرمكم لمنظر الأحذيه عند باب المسجد هالموضوع ايضا اثر فيهم اخواني لما يرحون المسجد صاروا يضعون الاحذيه في المكآن المخصص لها !
وغيرره كثير
..
اتمنى ان يستهدف البرنامج فئة الشاب والجانب الاخلاقي لهم
وأسأل الله العظيم ان يهدي شبابنا وفتياتنا لصراطه المستقبم
وان يجعلهم قدوة حسنه لغيرهم
..

اعتذر ان كان في كلامي بعض السلبيات والجرأه لكن هذا الواقع واللي عايشين فيه
..
(اتمنى من قلبي أن يكون في جزء ثامن للبرنامج )
أسأل الله لي ولكم التوفيق

..