الحريه والمرأه السعوديه!

[صقر الشمال]

المشاركة الأصلية كتبت بواسطة سكون الورد k.a.u موضوعك استحق تقييمي، وتستحق عليه الشكر ، وتستحق أوقف لك الحين احتراماً لغيرتك ولرجولتك ولتعليقاتك ولتحليلاتك ولتبريراتك .. يسلموو من طيب اصلك ,سكون الورد هذا الشي من زمآآآآآآآآن ابي نتكلم به .. السالفه ماتتعلق بنشر الغسيل .. ياصقر الشمال ، مع اني ابي اسميك (حر الشمال) الي الشرف ان احمل هذا الاسم نرجع للموضوع ... الكل شايف ان التطور والحضاره بطريق وحنا بطريق ثاني .. والكل يشوف ان البنت السعوديه متخلفه حضارياً وثقافياً .. حتى انتشرت المقارنات مابينها ومابين باقي الجنسيات .. وطبعاً الكل يرفع كل الجنسيات على السعوديات .. والكل يقدح بجمالنا وبأدبنا وبإدارتنا لأنفسنا .. وصفونا بالإمعات : مالنا شخصيه وان الرجل هو اللي يآمر وينهي وهي مالها لاحول ولا قوهـ (تنفذ فقط) .. وهالشي غلط جدااااااااااااا ، وموبـ صحيح ولايمت لنا بصله .. شخصياتنا هي محور تعاملنا مع الآخرين .. وصفونا بالمسجونات : مانقدر نطلع ولا ندخل وكله يانروح مع الزوج او احد المحارم ولا نبقى مسجونات ببيوتنا ، حتى قريت مقاله ان القطه افضل من الفتاه السعوديه لانها تأخذ كل اللي تبيه على عكس الفتاهـ ..!! فعلاً المحافظات منا ماتطلع الا وهي ماسكه يد ابوها ولا زوجها ولا اخوها .. والله ياجماعه انا توني دخلت 23 سنه برمضان .. كل الـ 22 سنه اللي فاتت وانا مااطلع اي مكان الا وانا ماسكه بيد أبوي كني ابنسرق !! ولا ابي اضيع !! دايماً ينتقدون فيني هالشي قريباتي ، وينعتوني بضعف الشخصيه .. بس انا ياجبل مايهزك ريح .. شخصيتي انا ادرى بها ، لكن عادي يقولون اللي يبونه اهم شي احس بالأمان وانا بالسوق ولا غيرهـ . ولو تزوجت هالشي تلقائي بسويه مع زوجي .. >> هذا طبعي مااقدر اغيرهـ وصفونا بذوات الاشكال الدميمه : هههههههه هذا كله علشان مانكشف .. ويبونا مثل الحلاوهـ المكشوفه .. لااااا طبعاً مانكشف الا على المحارم ، لان جمالنا بعفتنا ، جمالنا بديننا اللي ماشيين عليه ، انا متأكدهـ انكم انتم يالشباب المحافظين لما تشوفون المكشفه وتشبعون من شكلها والنظر لها تحتقرونها وتنزل من عيونكم .. على عكس المحافظه !! علشان حنا متغطيات يقولون : ايه لان اشكالكم ياساتر ماتتورى (جياكر) !!!!!!!! قبحكم الله >> احس بيدخل علينا الزير سالم بذا الفصحه ههههههههههههه الحمد لله جمالنا والله انه نادر .. ومحدٍ يقدر يطوله .. الكل يقول : دايما البنات يمدحون انفسهن وخصوصا السعوديات شايفات حالهن مدري وش عليه ؟؟؟ انا اقولهم على ايش شايفات حالنا ؟؟؟ على رجال غيورين يحمونا من الذياب العطشانه ، على انوثه مطلقه تحتوينا ، جالسات ببيوتنا ومانطلع الا عند الإناث امثالنا او مع آباءنا او أزواجنا ، مانسافر لحالنا وكأننا مالنا وآلي .. محترمات انفسنا ، ومحترمات الاسم اللي نشيله سواء بنت فلان ، او زوجة فلان .. اتهامات كثيرهـ مايمدني احصرها لك يالحر الشمالي .. لكن :: بالنسبه لليمنيه :: اقولها (لما يصير لك عيشه مثل عيشة السعوديه تعالي تكلمي واقدحي فيها ، عجيبه هالمرهـ مع ان في يمنيات محافظاااات جداً ومتغطيات بعد ، بس اكيد هذي من الحثاله اللي قاعده تتكلم علينا) بالنسبه لعارضة الازياء :: هي شلوووون تبي تبين انها على صح ؟؟؟؟ وان عرض جسمها مو غلط بل هو نوع من الحضاره والتمدن وان هي ماهي مقموعه ولا هي مسجونه مثل باقي السعوديات ؟؟؟؟!!! طبعاً مالها اي طريق الا انها تنعتنا بإننا عايشيين حياهـ تصعب على الكافر وان هي انفذت بجلدها هههههههههههههههههههههه طبعاً هالعارضه اقولها : (اللي يرخص نفسه .. لايلوم الناس لما تدوس عليه) بالنسبه للكويتيه :: صرآآآآحه اشكرها على صراحتهاااا .. واقولها : ابشرك حنا لازلنا اناث نتمتع بكل اللي قاعده تتمنينه . اشكرك اشكرك اشكرك ياحر الشمااااال .. وعسى ربي لايخلينا من امثالك من الرجال .. انت وكل من يستحق كلمة رجل بمعنى الكلمه .. دمتم بود لاشكر عا واجب كفيتي وفيتي في تعليقك وامانه من المعجبين جداً في تعليقك وثقافتك ولاقصور بالاعضاء عليك بياض الوجه لاخلا ولاعدم يسسسسلموو

احترامي000000000000