هناا ضعي ::استفسااااارك ::عن ..(جدولك ..وموادك )..؟؟!

[Back Back]

المشاركة الأصلية كتبت بواسطة gmoorh يَ قلبي بسسألكك شويات بالنسبه لَ نسرين خياط و هيفاء عبد الفتاح و بدريه في نفس المواد اللي قولتيها كيف أسئلتها - مقالي , صح وخطأ , اختياري - وشرحها كيف ؟ عندها تكاليف أو بحث أو غيرو ؟ ياليت تجاوبي على كل وحده بالتفصيل الملل تحمليني ربي يسعدكك ويوفقكك

إزا تسمحولي يا حلوات، حرد عليكي = )
أستازة هيفاء، في التنمية، في الدوريات، تجيب 5 فقرات عللي
والباقي صح وخطأ، بس والله ماني قادرة أتزكر مزبوط إزا كانت تجيب اختاري، بس كلو قريب من بعض "على العموم هيا حتقلكم الأسألة كيف حتيجي إن شاء الله وإزا ماقلت أسألوها"

في النهائي مافي مقالي "يعني مافي عللي" إنما كلو صح وخطأ، بس نوعين من الصح والخطأ، النوع العادي المعتاد، والنوع التاني إللي هوا تكتبلك عبارة تكون أصلًا عبارة عن تعليل، وتحطي بجمبها يا صح يا خطأ، يعني مسلًا تقلك تعاني الدول النامية من الجهل لأنها لاتواكب التكنلوجيا <<مثل ترى مو عبارة سليمة خخخ
فانتي تشوفي هيا صح ولا غلط وتحطي الإشارة، ودي جات اظن حوالي 10 أو 20 فقرة
يعني عارفة حطت معظم التعاليل بصيغة صح وخطأ، ودي صراحة فكرة رهيبة.

والأسألة حق النهائي تكون مرررة كتيرة الصراحة، يعني تتعبي وقت الحل بس حلو لأنو كلو تقريبًا أو نص درجة = )

بس شوفي، ترى أي أي أي مثال قالتو في المحاضرة أو ناقشتو، على طول اكتبه عندك لأنها تجيبو، وأي تعليل وأي شي تقول عندو "لييييش" تعرفي إنو مجال تعليل ويجي، فاكتبي معاها طوااالي، وبالعربي، خليكي مصحصحة معاها 100%

تحط درجات على المشاركة، الحضور والغياب، والتكليف
وتكليفها بسيط، حتقلكم عليه.

،،،

أما بالنسبة لسلوك تنظيمي مع أستازة بدرية، فالدوريات حقها حلوة ومن أبو نص درجة برضو،
واظن كلو كان اختياري...ما أتزكر إزا كان فيه صح وخطأ...بس كان مليان اختياري
بس برضو في كدا كم فقرة توقفي عندها شوية ^_^"

تحط درجات على المشاركة، الحضور والغياب، والتكليف، وتكليفها برضو بسيط وحتديكم شرح كيف تعملوه

والنهائي كلو اختياري وكتيييييير ومررة كان حلو ماشاء الله = )
<<ماني عارفة ليش بس ما افتكر إنها جابت صح وخطأ...
بس على العموم الصح والخطأ والاختياري مايفرقو عن بعض، إللي مزاكرة حتحل الاتنين بإزن الله