شروط التحويل .... لا تعليق

[توونآ]

المشاركة الأصلية كتبت بواسطة aljari7 اختي الحين الجامعات يالله تلحق على السعوديين وبعضهم ما انقبل وانتي غير سعودية وفي نفس الوقت تدرسين طبعا هذا انجاز تشكرين عليه بس الله يحفظك الحين يطالبون بسعودة الوظائف لان فيه من العاطلين ما الله به عليم من السعوديين يعني حتى لو تخصصتي اللي تبينه وتخرجتي ... الشركات والحكومة لازم تتبع نظام معين ونظام مكتب العمل يجبر اصحاب العمل وخاصة اصحاب الشركات على السعودة ... انا لا الومك على اللي انتي فيه من القهر بس برضه فيه انظمه هنا . وانتي لو سعودية كان فرشوا لك قدام الكليات ورود وقالوا لك اختاري اللي تبينه طبعا مو انقاص في الغير سعودي ولكن البلد محتاج ابن بلده عشان يمثل المكان اللي لازم يتخرج عليه. وانا نفسي شاهدت ملصق على احد الكليات وهي صورة لطالب في قسم الرياضيات سعودي طبعا واظن معدله فوق 4.90 والله نسيت بس كانوا كاتبين عنه كلام حلو وتشجيع له وافتخار فيه ..وهذا اللي يبونه ... واعرف بنت في الثانوية غير سعودية نقصها فقط درجه وحده عن 100% ولكنها ما اخذتها لان الدرجه الكاملة تعطي الغير سعودي فرصه احسن في جامعه او ابتعاث زي ما فهمت... ولو جبتي 5من 5 اظن كان فيه كلام ثاني ما ادري والله, عموما الله يوفقك ويكتب لك اللي فيه خير

طيب انا سعوديه وجبت معدل عالي وماشفت الا شوك قدام الكليات مو ورد مثل ماقلت
يقولون الاولويه للسعوديين ومدري وش وكلو كلام فاضي كلنا في الهواء سواء اللهم ان معدل القبول عندهم اعلى