::] اعرف نَفسك [::

[TURKI ALharbi]

المشاركة الأصلية كتبت بواسطة * تركي * / السلآم عَليكم ، يـَ ريت لو تجآوبون بـِ شكل بسيط وَ مختصر ، بدون اقتباسات وَ لآ قوقل. أبي أشوف نظرتكم انتم ;) ،’ طبعا بالعاميه الاجابات ، - قآبلت شَخص ، وَ قد سمعت عنه ان عقله نظيف. وش يعني لك العقل : عقله نظيف يعنى انسان يهتم بادق التفاصيل بعيد كل البعد عن الدشره والهمله انسان اغلب وقته يقضيه بتفكير وايجاد حلول بدل العب بشوارع - يقولك فلان ، انا افكاري مقتنع فيها. وش تعني لك القناعات : القناعات شيء ثابت وراسخ مستحيل تغيره الا اذا كنت انسان ضعيف - أيضا يقولك فلان ، أنا عندي مبادئ ما أتنازل عنها. طَيب وش هو المبدأ : المبداء بنظري هو الشيء الذي له حدود وتلتزم فيه لقناعتك به - زرت دولة معينة ، وَ قالك صديقك خلنا نسهر بـ هـ الحانة. تقول له ، لأ قيمي مآ تسمح. طيب وش هي القيم : القيم هى اشياء مكتسبه من الدين او الاهل ودوما ماتكون اشياء حميده ونادرا ماتكون خبيثه - زوجة تهاوشت مع زوجها ، جالسة ببيت هلها وَ تقول ، كرآمتي مآ تسمحلي أرجع. طيب وش هي الكرامة : الكرامه حفظ حقوق الانسان وعدم اهانته - تهاوشت مَع صديقك ، وَ عاتبك وقالك انت جرحت كبريائي. وش هو الكبرياء : الكبرياء هو عزه النفس - كنت بـ معرض دولي لـ الاختراعات. عجبك اختراع أخذت فكرته وسويت انت اختراع جديد من نفس الفكرة. رفع عليك شكوى ، وَ قالك انت سرقت فكرتي. طيب وش هي الفكرة ، و هل تؤمن بالحقوق الفكرية : الفكره مشروع, دواء, بحث, ينسب لمن قام به نعم اؤمن بها لكن لا اطبقها تماما - أختك تقولك ، انت فخري وَ عزوتي وَ سند ظهري ورآس مالي. طيب وش هي العزة : العزه الفخر :: كثير تصادفنا هالكلمات. وَ كثير من يفهمها على الي يشوفه هو. فـ هذه محاولة مني لجل نعرف انفسنا أكثر. كنت استخدم مثل هالكلمات لكن صراحة ما كنت أدري وش معناها بالنسبة لي أنا. مثل ما قلت لكم أبي أشوفكم مآ أبي أشوف غيركم. يعني لا تقتبسون . ثانكس

موضوع حلو