جاوبوني من خبرآتكم السآبقهـ

[Margaretta]

السلام عليكم ورحمة الله وبركاته
اسعد الله مسائكم بكل خير ومحبه
لو سمحتو ياطلاب وطالبات كلية الاقتصاد والاداره تجاوبوني على بعض الاسئله واكون
شاكره لكم
انا طالبه مستجده بهذي الكليه وابغى اعرف متى اقدر اختار القسم اللي ابغاه والمسار حقو
وهل في معايير معينه لدخول قسم معين؟
يعني مثلا انا ابغى ادخل ادارة اعمال مسار الماليه والاستثمار
ادخلو دايركت باختياري والا في شروط؟
وكمان ابغى اعرف هل اقدر احول من كلية الاقتصاد والاداره الى كليه صحيه ؟؟
وايش الشروط؟؟ ومتى اقدر احول؟؟
وشكرا جزيلا

[crazy w0o0rld]

يووووووووووووووووووووووووه رجعتيني 4 سنين ورى الله يسامحك خخخخخخخخخ

شوفي ياستي اول شي التحويل من كليه لكليه يكون مرا وحده فقط الا ازا عندكم واسطه طبعا بمعنى اخر لو انتي محوله من كلية لكلية الاداره والاقتصاد محا يخلوكي تحولي مرا تانيا ولكن اتوقع في استثناء ازا كان معدلك عالي يعني 4 او 4.5 وعلى كدا بس حسب علمي والله اعلم انا كنت زيك ابا احول لكليات صحيه لكن ما سمحولي ما ادري ازا اتغير النظام دحين يعني شغلة التحويل في الجامعه يا واسطه يا انتي ومعدلك بس لو في واسطه احسلك لانه كدا الدنيا ماشيا مو بس الجامعه

تاني حاجه بالنسبه لاختيار التخصص او المسار كمان يعتمد ع المعدل ويختلف من ترم لترم كل ما كان التخصص جيد ومطلوب في سوق العمل يكون التحويل له للمعدلات العاليا ماليا واستثمار في سنتي كانو طالبين 3.5 وفوق مدري دحين كم

وتقدري تروحي من اول ترم للكلية وتختاري تخصصك او مسارك بمعنى اصح ازا معدلك عالي وانا افضل انه تسوي كدا لسببين
اول شي .. عشان معدلك لا يقل يا سمح الله
تاني شي .. عشان لا تقعدي تدرسي مواد وتتعبي ولمن تجي تحددي مسارك وتتوقعي انك متخرجه يبهروكي بانه الا انحسبلك فقط 10 ساعات اختياري والباقي ممكن ما انحسب لكن يدخل في المعدل زي ما ساو فيا 14 ساعه ما انحسبت يعني بتخرج وانا دارس 135 ههههههههههههههههههه الله يوفقك واتمنى اكون افدك واي سوال انا في الخدمه

سيا

[Margaretta]

نسبتي 4,10 تتوقع في أمل؟؟

[crazy w0o0rld]

والله ان شاء الله ليش لا ما شاء الله معدلك حلو روحي جربي منتي خسرانه

بالتوفيق

[Margaretta]

السلام عليكم ورحمة الله وبركاته

ياإلهي مانزلت لي التخصصات بس مكتوب (مستجد-كلية الاقتصاد والاداره)
انا اخاف انهم فتحو اتاحة اختيار التخصص مده معينه وتقفل وانا ماأدري عن شي
ابغى إدارة اعماااااااال
ومابغا اذا رحت بداية السنه يقولو الغلط مني اني ماخترت الكترونيا بس ورربي ماشفت حاجه تدل على انهم نزلو التخصصات والمشكلا اني اشووف بنات كتير يقولو اخترنا تخصصاتنا
هل المشكله مني والا من نظام موقعهم والا ايش بالضبط؟؟

والا بس نزلت تخصصات الانتساب والاداري والانتظام لا؟
طالعه نتيجتي من شهر والى الان لاحس ولاخبر عن التخصص والمسار...ماني قادره اتهنى بالاجازه طول الوقت بالي مشغوول بالتخصص ماني قادره استقر

أرجووكم ردو علي اذا كانت عندكم خلفيه عن هالموضوع....