خـريجـي الســـــــجـون

[LeLou]

و عليكم السلام و رحمة الله و بركاته..
أنا معاك في النقطة هذي بيو كيميائية..
فعلا إذا الواحد تاب و أصلح فإحنا مو من حقنا نحاسبه على شي ربنا غفره له..
لكن إنت في نفس الوقت أيش ضمنك أنه هذا الانسان تاب عن حق و حقيقي..
في فرق بين الواحد لما يتوب لأنه حاس بالذنب و بين اللي زي فرعون يوم شاف الموت قال آمنت برب موسى و هارون..
يمكن تقولي أيش دخل بس القصد أنه انا اعرف ناس من غير ما يدخلوا السجن بمجرد أنهم يتعرضوا للعقوبة يقولوا خلاص احنا ندمنا و ما راح نعيدها..
و بعدين يرجعوا زي أول و أسوأ..
ما تابوا لانهم مقتنعين بأنه عملتهم فظيعة لكن فقط خوفًا من العقوبة..

أنا مو قصدي شي بس أنا قصدي مو كل من قال خلاص بطلت و ما أعيدها قالها عن قناعة و هو فعلا يبغى ده الشي..
هما من حقهم ياخذوا فرصة،، عشان الواحد يتأكد من صحة أقوالهم..
بعدين الواحد يحكم،، لكن برضو الواحد ياخذ حذره..

آسفة على الإطالة و مشكورة على الطرح~