كل واحد عنده استفسار عن المكرمه يدخل هنا ..

[رسام السعودية]

نسيت اضيف صورة الهوية الوطنية للارسالية الخاصة بالمكافئة

[روتانا السقاف]

السلام عليكم ورحمة الله وبركاته

اخواتي انا طالبة منتسبه في جامعة الملك عبدالعزيز
وكان السمستر الي فات اول سمستر ليه في السنة التحضيرية يعني بدأت عالترم الثاني
وانا يمنية ووالدتي سعودية وتصرف لنا مكافاءات مثل السعوديات
ولكن ..
لما ادخل على موقع مكرمة الملك عبد العزيز وادخل رقمي الجامعي والرقم السري
تطلع لي رساله مكتوب فيها ( هذا الموقع لطلاب الانتساب والتعليم عن بعد فقط )
مع العلم ان اختي خلصت السنة التحضيرية وسجلتها بنفسي في موقع المكرمة وقبلوها عادي
لكن لما جيت اسجل لنفسي ماقبلني نهائياً ..
هل السبب لان ماخلصت سنة كاملة يعني ان الملك صرف المكافات للطالبات الي بدأو من بداية السنة
او السبب غير ذلك ؟

و للمعلومية رحت الجامعة وسألت شؤون الطالبات عن المشكلة وقالتلي تراجعي القبول والتسجيل وتسوي تصنيف لان بياناتي ناقصة وقالتلي هذه هي المشكله ..
ورحت مرة ثانية للقبول والتسجيل وكملت بياناتي ورجعت اسجل برضوا نفس المشكلة وبتجيني نفس الرسالة ..

ارجوا المساعدة الله يوفقكم
والله يكون في عوننا جميعاً

[كتمان]

المشاركة الأصلية كتبت بواسطة hjh السلام عليكم ورحمة الله وبركاته اولاً : مبروك المكافاءه وعقبال الرسوم يشيلوها . ثانياً : مادريت الا اليوم وسجلت اليوم بس . ثالثاً : هل التقديم له وقت معين وينتهي . وشكراً .......

ايوه التقديم مفتوح لمدة اسبوعين فقط.. بدأ من يوم الاثنين اللي راح

[كتمان]

المشاركة الأصلية كتبت بواسطة فينا أنا حطيت الحساب باسم أخوي وأرسلت خطاب من البنك باسمه ومختوم لكن ماأرسلت صورة من هويته اللي هو المستند اللي يثبت صلة القرابة هل الخطاب يكفي مكتوب فيه اسمه والله أخاف ماتوصلي المكافأة يعني ماراح يبان انه أخوية اللي يعرف الله يخليكم يفيدني

طيب انتي ايش كانت هويتك بطاقة احوال ولا كرت العائله ؟؟

اذا كانت كرت عائله خلاص صلة القرابه مثبته بس اذا كانت بطاقة احوال ياليت ترجعين تسويين الاوراق ثاني وترسلينها عشانهم بيقدون لنا على الحبه ويمكن يلاقوها سبب عشان مايرسلون لك شي ..

موفقه والله يعينك عالتعب ..

[كتمان]

المشاركة الأصلية كتبت بواسطة غرور سكر مرحبا كيفكم جميعا مبروووووووووك عليكم بس ابغا اعرف انا حسابي في بنك الراجحي رحت اجيب خطاب قالولي ماعندنا صلاحيه نعطيك خطاب قالتي صوري بطاقه الحساب حقك واعطيهم صحبتي اعطوها من بنك الراجحي اش اسوي انا اعطوني حل

بنك الراجحي ماحبه خير شر سبحان الله رحتله مره مع امي وشفت شكل الفرع وطريقة الخدمه ماعجبتني بصراحه سيئه لابعد حد مو بنك هذا كانه صاير بقاله ..لكن ميزته انه اسلامي ..

ع العموم اختي دام مانفع معاهم الطيب خذي معاك احد كبير امك ولا اختك ولا خالتك وخليها تاخذ الورقه الاولى اللي طبعتيها اللي مكتوب فيها احضار خطاب من البنك وتطول لسانها عليهم وتمسح فيهم البلاط وراح يطلعونها لكم اصلا مايبغالها لا صلاحيه ولاشي بس عاد ايش تقولين في الناس اللي ماتبغى تشتغل وبعدين انتي عميله عندهم يعطونك الخطاب وهم ساكتين ..

موفقه يارب ..

[كتمان]

المشاركة الأصلية كتبت بواسطة بسكوتة ايش الاوراق والمستندات المطلوبه بالضبط الله يخليكم ورقم الحساب بأسم االوالد افيدوني بليييييز

المستندات المطلوبه مكتوبه باول ورقه تطبعينها ..
صورة من الهويه
خطاب برقم الحساب من البنك
اذا كان الخطاب مو باسمك تثبتين صلة القرابه بينك وبين صاحب الحساب بمستند يعني اذا كان ابوك زي ماتقولين صوري كرت العائله وارسليه
صفحة الارساليه اللي طبعيتها
التعهد

[كتمان]

المشاركة الأصلية كتبت بواسطة سهر بس في عضو في المنتدى يقول وضع زوجته زي وضعي قال انه سأل مدير المكآفآت قاله الله يعوض عليك ياعمي مااافي

طيب راسليهم ايش خسرانه ؟؟ واذا كنتي بجده روحي للجامعه وكلميهم كمان ترى هذا حقك ومدير المكافآت مو من حقه يقول مافي لانكم مازلتم طلاب بالجامعه ومافي اي سبب يمنعكم منها ويمكن هذا العضو غلطان او شي لاتفقدين الامل روحي وطالبي بحقك انتي بحاجة ال2000 هذه ..

موفقه يارب ..

[كتمان]

المشاركة الأصلية كتبت بواسطة أم زهور وش سالفة ورقة الدي اتش ال وضحي لي اكثر

يوم دخلتي على الرابط حق التقديم على المكافآت وطبعتي الاوراق كان في صفحه بالاخر مكتوب عليها بيانات الدي اتش ال هذه اللي اقصدها لازم ترسلينها مع البيانات ..موفقه ..

[كتمان]

المشاركة الأصلية كتبت بواسطة رسام السعودية نسيت اضيف صورة الهوية الوطنية للارسالية الخاصة بالمكافئة

هذه اهم شي لازم ترجع تعيد بياناتك ثاني لانهم بكذا راح يقولون ما ارسلك الهويه يمكنك مو سعودي ويحرمونك منها ..

ارسلها ثاني .. موفق ..

[كتمان]

المشاركة الأصلية كتبت بواسطة روتانا السقاف السلام عليكم ورحمة الله وبركاته اخواتي انا طالبة منتسبه في جامعة الملك عبدالعزيز وكان السمستر الي فات اول سمستر ليه في السنة التحضيرية يعني بدأت عالترم الثاني وانا يمنية ووالدتي سعودية وتصرف لنا مكافاءات مثل السعوديات ولكن .. لما ادخل على موقع مكرمة الملك عبد العزيز وادخل رقمي الجامعي والرقم السري تطلع لي رساله مكتوب فيها ( هذا الموقع لطلاب الانتساب والتعليم عن بعد فقط ) مع العلم ان اختي خلصت السنة التحضيرية وسجلتها بنفسي في موقع المكرمة وقبلوها عادي لكن لما جيت اسجل لنفسي ماقبلني نهائياً .. هل السبب لان ماخلصت سنة كاملة يعني ان الملك صرف المكافات للطالبات الي بدأو من بداية السنة او السبب غير ذلك ؟ و للمعلومية رحت الجامعة وسألت شؤون الطالبات عن المشكلة وقالتلي تراجعي القبول والتسجيل وتسوي تصنيف لان بياناتي ناقصة وقالتلي هذه هي المشكله .. ورحت مرة ثانية للقبول والتسجيل وكملت بياناتي ورجعت اسجل برضوا نفس المشكلة وبتجيني نفس الرسالة .. ارجوا المساعدة الله يوفقكم والله يكون في عوننا جميعاً

لاعادي مو شرط تخلصين سنه كامله ..
ع العموم اتفضلي هذا الرابط راسليهم واذكري مشكلتك بالتفصيل وان شاءالله راح يساعدونك ..

موفقه يارب ..

DAR@KAU.EDU.sa