جامعة الملك عبدالله للعلوم والتقنية ....

[عماد الحسن]

ماشاء الله تبارك الله ،، الله يزيدكم من العلم النافع ومبروك مرة ثانية على معدلك المرتفع أنتي والأخت سوسن.
وأشكر كل المشاركين في الرد على موضوعك لأنه يهمني كثير وأتمنى أن ألتحق بهذه الجامعة في المستقبل

المشاركة الأصلية كتبت بواسطة seham alwead مشكورين على مشاعركم الطيبة .. بس هل اختبار ستيب يكفي عن التوفل العالمي ولا لا.. وكمان انا في موقف لا احسد عليه لانه المكان اللى كنت اشتغل فيه راح يجددون معاى العقد ان شاء الله في بداية شهر 10 وهو موعد بداية دراسة الماستر بالجامعة واخاف ما يوافقون على دراستي... انا بصرااحة محتاره لو كنتوا في مكانى كيف تتصرفون ؟؟؟

كما ذكرت أختكم همسة ،، لابد من التوفل العالمي وحسب علمي لا يوجد قبول مشروط الآن عندهم، لو كنت مكانك رايح أقبل العرض مباشرة وبعدين أفكر في التفاصيل، ولا تنسي إن مكافأة الدراسة كبيرة وتعادل الراتب في العمل بحدود 7500 ريال ماشاء الله، الآن كملي الطلب وخذي موافقة العمل وهم يتشرفوا إنك تدرسي في هذه الجامعة، ولو رفضوا قدمي على إجازة لمدة شهر وأدرسي وضعك وبعدها اتخذي القرار المناسب.

المشاركة الأصلية كتبت بواسطة seham alwead اليوم رجعوا واتصلوا على مره ثانية ... ولقيتها فرصة عشان اسال واستفسر وبصرااحة الموظفة جدا متعاونه ومحترمة..قالت انها منحة وان للطالب مكافئة بس المشكلة انه ممنوع الحجاب بالمعامل والقاعات لدواعي امنية.!!! ياريت يا استاذ عماد توضح هل بيكون فيه قاعة خاصة للبنات ولا كيف لانه انا بصراحة خايفة من حكاية الاختلاط لانه وضع جديد على ويمكن الوالد يتحفظ عليه فابغى اعرف عشان اقدر ارد عليه في حال طلب مني توضيح .

أنا رحت الجامعة وتجولت فيها بشكل سريع ولكن ما أعرف تفاصيل الدراسة لكن هذه الفرصة ما تتفوت أبداً ، كما تفضل الاخوان فإن الاختلاط موجود ولكن تذكري بأن النساء المحافظات لهم وجودهم في كل مكان ولا أعتقد أن أحد ممكن يفرض عليكم كشف الوجه أبداً ،، مكن تمشي بالنقاب الشرعي وتحافظي على نفسك وتكون كل معاملاتك رسمية، وتحية طيبة لكم وللوالد الله يحفظه على هذه المشاعر والحرص عليكم.. كملي الطلب وقيمي الوضع بنفسك في الأسبوعين الأولى وصدقيني ما راح تندمي،

المشاركة الأصلية كتبت بواسطة سوسن 88 السلام عليكم ،، تعرفي يا اختي انا ليا سنة احلم اني انقبل بهذه الجامعة ومعدلي الحمد لله اعلى من معدلك واختبرت الانجلش وجبت الدرجة المطلوبة.. نفسي احد مسؤول يقرا كلامي ويطلعني من الحزن اللي انا فيه بس اعرف ايش السبب ؟

أنا مثلكم أحلم كثير بهذه الجامعة ومازال الأمل موجود إن شاء الله، توكلي على الله وتابعي معاهم ومع غيرهم لأن وضعك ممتاز (الله يزيدكم) من ناحية المعدل والتوفل.. ونسمع منكم الأخبار الطيبة.