بنات ممكن دقيقة <<<

[شسيب123456]

السلام عليكم
ابغى اسأل يابنات ايش اسهل مادة في قسم علم النفس ومع مين ؟؟؟
بليز ردو عليا ابغى ارتب نفسي من بدري انا ابغى اخد مادة حرة من قسمكم وابغاها تكون سهلة وظريفة وخفيفة
انا انتساب ومااعرف الا استاذات قسمنا

اخت شسيب

[شمعة الجامعة]

وعليكم السلام ورحمة الله وبركاته
عزيزتي الأفضل تنتظري بداية السنة مع نزول أسماء الأستاذات
وانت في أي قسم لأنه لو إدارة مش مسموح للطالبات إضافة مادة من كلية الآداب
بالتوفيق

[شسيب123456]

تسلمي ع ردك وانا قسم ادارة
طيب ولا مادة حرة لان الي اعرفو الحرة من اي قسم وقريبي برضو ادارة اخد مادة حرة من قسم التاريخ

[شمعة الجامعة]

المشاركة الأصلية كتبت بواسطة شسيب123456 تسلمي ع ردك وانا قسم ادارة طيب ولا مادة حرة لان الي اعرفو الحرة من اي قسم وقريبي برضو ادارة اخد مادة حرة من قسم التاريخ

الله يسلمك
إدارة عامة أو إدارة أعمال ؟
الطلاب مسموح لهم إضافة أي مادة من أي قسم
بالتوفيق

[goood man]

الافضل الانتظار اختي

حتى تتعرفي على المادة واستاذها او استاذتها

وحينها ان كان بامكانك اخذ اي مادة من اي قسم
تختاري المادة وانتي مطمئنه من جميع النواحي

سواء المنهج او الاستاذ/الاستاذة


بالتوفيق لك وللجميع

[المحتاسه]

الانتظار طيب ياعسل

بالتووفيق لك

[مناير الحربي]

اول شي بالتوفيق


ثاني شي انتظري الترم الجاي بس حنا طلاب علم النفس ممكن تكون ماده عندنا سهله وحلوه لنه ذا تخصصنا وممكن الشي السهل اللي نشوفه عند الاقسام الثانيه صعبه بس اتوقع في مواد محدده تختارين منها المواد الحره بس افضل شي خذي ماده مافيها علماء يعني خذي شي يخص الارشاد والتوجيه اشياء تخص الاطفال ممكن ذي اسهل بالنسبه لي طالبه مو متخصصه علم النفس

[شمعة الجامعة]

عزيزتي
أختي قسم موارد بشرية وسألت في بداية الترم الأستاذة المسؤولة وأجابتها أن فقط تضيفي من قسم الإدارة
وإذا أنت إدارة أعمال تستطيعين إضافة مواد من قسم الإدارة العامة
وأنصحك بإضافة مبادئ الإدارة العامة مع الأستاذة عنود السبعان ربي يسعدها ما شاء الله ممتازة
وأنا أيضاً نصحت أختي بإضافتها معها ,,وإحدى الصديقات في الموارد البشرية أضافتها هذا الترم
بالتوفيق

[سمر آل احمد]

ابد خذي دلال موريا مدخل علم نفس والله تجنن هالاستاذه واخلاق واسلوب واسئله وشرح تعالي قابلين بعد ماتاخذينها وبتدعين لي تخيلي يعني اسئله سهله وشرح رائع وتراعي جدجد استاذه عظيمه

[شسيب123456]

الله يجزاكم الف خير وربي يوفقكم دنيا واخرة