ما تحسون مرات بضيقه بالصدر مدتها دقيايق وتروح؟

[ارفع راسك]

السلام عليكم ورحمة الله وبركاته



يمكن بعضكم يحس بضيقة دقايق وبعدها تروح عنه

ويمكن بعضكم يسال من وين يت هالضيقة وليش استمرت دقايق وراحت

ادري ان البعض يبي يعرف سبب هالضيقة المفاجئ

اخواني00 الشيطان يزين لكم المعصية بالشكل اللي تحبه النفوس لكن يوم تركبون الطائرة ويقول الطيار في خلل فني بالطائرة راح تحسون انكم كل هالفترة كنتم غافلين وتتذكرون المعصية اللي زينها الشيطان وتتحسرون وتقولون ياليت مافعلناها, تكرهون المعصية اللي حبيتوها ليش؟ لانكم عرفتوا حقيقة المعصية اللي كنتوا غافلين عنها وتضيق فيكم الدنيا بسبة هالمعصية

اخواني الضيقة اللي مدتها دقايق وتروح اصلها الحقيقي معصية عملتوها وهذي اثارها يمكن تكونون شايفين شي محرم او مسوين عمل حرام لان كل معصية تصاحبها ضيقة, وكل طاعة تصاحبها سعادة وجربوا لكن لو الانسان عصى ربه واسغفر كثير ماراح يحس ان شاء الله في هذه الضيقة لانه ندم عليها ولا استمر

تدرون لما تقعدون على فلم او مسلسل شنو راح تحسون بعد فترة؟ بضيقة تجيكم فجأة وتستغربون من هالضيقة المفاجأه اللي سببها الحقيقي معصية من فلم او مسلسل وغيرة وغيرة من المعاصي وتطلع اثارها بعد فترة على الانسان وتشوفون الانسان حاس بضيقة ومايدري شنو سبب هالضيقة, مايدري ان هالضيقة سببها الحقيقي معصية من فلم او مسلسل او معصية عملها ويمكن شخص يسال المسلسلات والافلام يسببون ضيقة؟ اجل منين جت الضيقات الا من الافلام والمسلسلات اللي اربع وعشرين ساعة شغاله بالتلفاز وين تبون يروح اثر هالافلام والمسلسلات ؟ اكيد اثرها على الانسان اللي يتابعها

اخواني اعملوا طاعات لله راح تحسون انكم مرتاحين في بيتكم وفي عملكم وفي نومكم وفي كل شي اذا راح ينام من يغمض عيونه يحس انه نام بسرعة وهو مرتاح

واللي يعمل معصية بعد فترة راح يحس بضيقة ولا يحس بالراحه بالبيت او في مكان العمل او عند النوم يقوم يتقلب ساعات لين تجيه غفوة وهذا كله من سبب المعصية

هذا شي من الله عز وجل جعل بالمعصية ضيقة, وجعل بالطاعة سعادة

اخواني عسى ربي يبعد عنا الضيقة والهم والحزن وصدقوني ان اللي طائع ربه حياته كلها سعادة وراحة بعكس اللي عايش بالمعاصي مايقعد يومين على بعضهم الا وهو متضايق او ماله خلق او نفسيته تعبانه يمكن يحس براحه يوم وباقي الاسبوع ضيقة وهم لكن المطيع حياته في استمرار راحه واخذوها من مجرب
اكرر يااخواني المعصية يصاحبها ضيقة, والطاعة يصاحبها سعادة

[عطلجية]

لا اله الا انت سبحانك اني كنت من الظالمين

[وحي القلم]

ارفع راسك

صدقتي بكل كلمة

بارك الله فيك

للطاعة حلاوة وجنة الدنيا ونعيم الاخرة

ومن اعرض عن ذكري فان له معيشة ضنكا .... الضنك هو الضيق

تقبلي مروري واكثر الله من امثالك

موضوعك اكثر من قيم

[إحسـاس هــادئ ..]

سبحـــان الله ..
هــذا من رحمــة الله بنـا..
لأن الإنسـان يبـحث دائما عن الـطمأنيـنة والارتــياح النفـسـي..
وعنما يجـد هــذه الضيــقــة ..
فإنــه يهــرع الى مـا يــزيلهـا ..
وهــذا لا يكــون الا بالطاعات ..

[الشــامخ]

سبحـــان الله .. هــذا من رحمــة الله بنـا.. لأن الإنسـان يبـحث دائما عن الـطمأنيـنة والارتــياح النفـسـي.. وعنما يجـد هــذه الضيــقــة .. فإنــه يهــرع الى مـا يــزيلهـا .. وهــذا لا يكــون الا بالطاعات

كنت حقول نفس الكلام

انا تجيني الضيقه وقت المغرب