محفظتي ضاعت في الجامعة ادخلوا الله يخليكم

[solaaa]

الحمدلله اليوم روحت الصباح انا وصحبتي ربي يسعدها تعبتها معايا

وسئلنا الأمن اللي في نفس البوابة واخدت مننا المواصفات وقالت انو في بنتين جابولها هيا <<بنات حلال الله

يسعدهم ويديهم اللي في بالهم

وقالتلنا روحوا الامن والسلامة وادا مالقيتوها روحوا شؤون الطالبات

روحنا الأمن والسلامة غرفة رقم واحد وكلمتهم اخدوا المواصفات تاني وادوني هيا بعد ماوقعت اني استلمتها

والله من كتر فرحي كونت ابا احظن الحرمة بركة انوصحبتي كانت جنبي حضنتها بكل مافيا والله قلبي ارتاح

الحمدلله ورجعت البيت ونومت نومة هنية والله جامعة كويسة وعندهم أمانة لو مكان تاني كان ماعمري شوفتها بعد

اللحظة ديكا وكمان الحلال مايضيع ...~

الله يعطيكم العافية ويوفقكم ويحقق احلامكم كلكم على تفاعلكم معايا ودعائكم ليا والله مره مبسوطه حسيت انكم

من جد اخواتي واخواني ^^

نصيحة قبل مااغلق كلامي يابنات انتبهوا تضيعوا محافظكم اوبطايقكم ؛ البطاقة وحطوها جوا كرت في شريطة

وعلقوها على رقبتكم زي الجوال ولاتاخدوا الهوية الاصلية بس صورة منها ولاتحطوا صور واشياء مهمة جوات

المحفظة انا من بكره حطبق الشي دا .

معليش رجيتكم معايا وطولت عليكم ~~~

تقبلوا تحيتي يااغلى اعضاء

^_^