نجحت واعلن انسحابي من الجامعة لغياب التخصصات المطلوبة

[مشعل العجمي]

أخوي ابو حياة ... صحيح جامعة الملك فيصل ما فيها سنة تحضيرية والتخصص مباشر .... بس يخصصونك على حسب درجتك في الثانوية يعني مو على كيفك تختار ... لا تستعجل فكر مزبوط ...

بالتوفيق..

[مشآرِي ..]

اخوي ! خلك مثلي انا مقرر ادرس الترم الثاني اذا مافيه موارد بشريه بحول فيصلـ وان شاء الله يكون موجود واذا ماحصل خلك معي نحول سواااااا ونشوف شروط التحويل مع بعض بس بسالك انت معدلك مرتفع ؟

[مشآرِي ..]

وعلى طاري هالسالفه .. التخصصات الادبيه كلها سيئه .. سيئه جدا .. وقسم الاداره العامه شطب من جامعه الملك سعود لضعف هذا القسم مافيه الا قسم اللغه الانجليزيه حلو وقسم اداره الموارد البشريه وقسم التسويق .. وكل هالتخصصات هذي شايلينها الا الانجليزي ..؟ يعني وش المقصد يبون فلوس وانتهينا ؟ فرضا خذيت شهاده لغة عربيه ماقدر اصير مدرس ليش معطيني الشهاده ؟؟ اداره عامه نسبه وظائفها 1% ؟؟؟؟

مافيه الا الموارد البشريه والتسويق هي الي دخلنا على شانها وماراح نتخصص غيرها وبعد الترم الثاني اذا مافيه هالتخصص لنا كلام ثاني ..

[ابو حياة]

ارسلت معاملة الكترونية ننتظر ونشوف
الله يعين.
واعتقد اذا الغيت التخصصات الجيدة ستخسر الجامعة تتدريجيا حتى وسيتجه الطلاب لجامعات اخرى

[عبدالله 7z]

ابوو حياة من الحين اعطيك الرد على معاملتك اللي ارسلتهاا <<< الرجاء مراجعة عماده القبول والتستجيل على الرقم وويعطوونك رقم غلط بعد .

[روْح الوفآ |~]

^^

رحمت نفسي

كل ماقلنا فرجت ,, تضيق اكثر

=(

استخير وانا اختك

وسوي اللي ترتاح له

[نجوله>>]

وشرايك اني انا من دفعه 9 ومسجله على اساس قسم الموارد البشريه وكان من ضمن التخصصات المتاحه
وقت التسجيل يعني سجلت والتخصص موجود والحين يحذفونه ولايعبرونا رغم ان القانون معانا بس حكم القوي على الضعيف ومابيدي حيله واكلت تبن ودخلت تنظيم اداري والله مابيه بس صعب اترك الجامعه وش اقعد اسوي بالبيت حسبي الله على الي كان السبب

[ابو حياة]

المشاركة الأصلية كتبت بواسطة نجوله>> وشرايك اني انا من دفعه 9 ومسجله على اساس قسم الموارد البشريه وكان من ضمن التخصصات المتاحه وقت التسجيل يعني سجلت والتخصص موجود والحين يحذفونه ولايعبرونا رغم ان القانون معانا بس حكم القوي على الضعيف ومابيدي حيله واكلت تبن ودخلت تنظيم اداري والله مابيه بس صعب اترك الجامعه وش اقعد اسوي بالبيت حسبي الله على الي كان السبب

اقسم بالله مؤلم وغبن

[بياض الندى]

الخيرة فيما اختاره الله
امكن حذفو هدا التخصص على وقتنا لحكمة لا يعلمها الا الله
امكن ادا درست عربي او انجليزي تفتح بعد 4 أو 5 سنوات مدارس جديدة ويطلبو معلمين حديثي التخرج
الفكرة
لا ترسم حياتك كلها بطريقة وحدة
وتغمض عينيك عن كل شيء
اكيد ميولك لتخصص ثاني بس رافض تفكر في قسم غير
راجع حساباتك وفكر بهدوء

[الحالمه بمستقبل جميل]

اذا بتحول حول الحين لانها لو حولت اخر السنه ما رح يعادلون لك كل المواد ويروح عليك ترم لانه ما يعادلوا تقريبا غير 16 ساعه فقط
فنصيحه حول الحين اذا عندك نيه او اجلس لا تضيع ترم من حايك بين هنا وهناك تحياتي
انا كنت بحول العام ما رضيوا يعادلوا غير كم ماده وانا كلها امتياز ولكن الخير فيما اختارها الله وجلست هنا
لانه ما فيني اعيد ترم انا ابغى اخلص بسرعه وكانت خيره لي ولله الحمد