صبايا الي يعرف الاستاذة حنان آشي يدخل

[لميس سعيد]

صبايا انا اخدت مادة الرأي العام مع الاستاذة حنان آشي ابغى اسألكم اذا
هيا كويسة ولا لأ وكيف التكليف انا خايفة مرة ردولي ياصبايا

[سُلاف 10]

هيا كووويسة بس مو مرة

الدوريات حقتها من 20
الدوري الاول كان مقالي وشويا خبصنا
الدوري الثاني كان موضوعي بعد ما قلنا لها طبعا تخليه موضوعي وجبنا درجات حلوة
تكليفها كان شوي يبغاله وكان بحث عن اي شي يعني مثلا التأثيرات النفسية للاطفال عند مشاهدة التلفاز
نسوي استبيان على عينة من 100 شخص ونفرز الاستبيان ونسوي بحث على اساس الاستبيان يعني شغله مره
النهائي لسى ما اختبرناه بس كل الكتاب معانا

بس انا افضل لكـ استاذة مهيتاب صحبتي كانت عندها تقول مره كويسة تحدد وتحذف
وبحثها بسيط مره هذا اذا كان فيه بحث اساسا

الحقي سجلي عندها قبل لا تقفل الشعبة ^_^

بالتوفيق لكـ يا عسل

[ام البطلات]

بالنسبه لحنان آشي أنا أخذت عندها رأي عام وجبت فيه٩٩ للأمانه مذاكره كويس
اعطتنا ملزمه نذاكر منها اذا تبغيها راح انزلها لك
شرحها عادي تقرأ الكتاب قراءه بس أسئلتها في النهائي حلوه مع انها شوي دقيقه
الواجبات مره مهلكه تبعها بس اشوف انها تراعي كثيييير للبنات
هذا اللي لاحظته من خلال تدريسها لي وبس

[mashaeel]

تبغين ترتاحين
لا تاخذي معها مرررررررررررره
لاسباب لا حصر لها ههههههههههههه
بتوفيق خيتوو :)

[حنين الغربة]

حتى انااا مرررره ما انصحك ,,

مع احترامي الشديد كلاساتها كانو مقهى هرج ماتقدر تسيطر ع الوضع
وكل الكتاااب معاك ولا نص كلمه محذوفه !!
وغييير انها تجيبلك حاجات اضافيه -_-

في الاخير الخيار لك
موفقه
^_^

[لميس سعيد]

مو موجود عندي غير شعبتها شكلي ححذفها ويوم السبت اشوف اذا اقدر اخد مع الاستاذة مهيتاب
أما لا صراحة ابغى ارفع معدلي وماابغى اصعب على نفسي كفاية السيمستر الي فات (( أنا اتبهدلت بهدلة))
واذا مررررررة ضاقت عليا اضيف مادة تانية والله يعين بس



بس عنجد ياصبايا عنجد انا اشكركم للنصائح الثمينة ماخليتوني على عمايا عنجد انتو عسولين والله يوفقكم يارب