بأوصل مشاكلنا على قناة الرايه في برنامج الاحلام للدكتور فهد العصيمي .. بس يله ساعدوني

[عادل 14]

السلام عليكم ورحمه الله وبركاته/
أنا اتوقع هو لادكتور ولاشيخ هو مفسر احلام بعدين حتى لو سوينا الفكره حقتك أعتقد بيقول السؤال اللي بعده وش دخله فينا وفي الجامعه انا مره ماني عارف كيف تفكرون معقوله في ناس تتدرس جامعه ومايفرقون من الشي الصح والمعقول وبين الخيال والاحلام..
نصيحه للجميع/ لو فيه ظلم او اخطاء روح لشخص او مسؤول معني بأمور الجامعه وعلى شي يستاهل ومو كل حاجه تسوون زحمه عليها هذي الدراسه وهذي جامعه مو دوره حاسب الي يعني لازم التعب ولازم المعاناه ورسوم 3000 ريال تقولون غاليه انا الود ودي مو يخفضونها ودي ببلاش بس هذي امور خاصه للجامعه مو عاجبك في غيرها جامعات انا اعرف ناس تتدرس في جامعات اهليه والسنه يدفع ويخسر مايقارب15000ريال فكروا بالاشياء المهمه مثلا المذاكره وقت الاختبار التعب مو رسوم وظلم ومدري وش باقي في اشياء بسيطه انتوا كبرتوها وعطيتوها اهم من حجمها ..وهذي حلات فرديه يعني الكثير مكمل دراسته ومرتاح وكثير على وشك التخرج وفي اشياء مفروض الواحد يتصدى لها باللي يقدر عليه.. وبأختصار الجامعه والدراسه حلاتها بالتعب والكد والجهد علشان في الاخير تحس انو خذيت حاجه تستاهل تعبت لها .. والله اتمنى لكم التوفيق وماارضى اشوف مهتمين في اشياء ثانويه ولا جاء الجد في الدراسه مثلا ماتشدون حيلكم وماتذاكرون وفالحين بس في الشكوى ولازم يصير وبنسوي وبنفعل ؟؟ والله أعلم بماتخفى الانفس..