اضراب طلاب وطالبات الانتساب من مدينة الرياض

[الدلوعة]

اولا: السلام عليكم ورحمة الله وبركاته


شباب وبنات الرياض


بخصوص اختبارات الاترام الجايه والمعاناة اللي عانيناها هالترم وسالفة الامطار اللي بغينا نغرق فيها الاشوي والاترام اللي قبل


وش رايكم نضرب عن اختبارات الترم الجاي لين يطلعون لنا قرار اختبارات المناطق بصراحه جامعة الملك فيصل مو احسن مننا مسوين اختبارات الانتساب في كل مناطق المملكة


احنا جالسين نخسر على هالاختبارات اكثر من اللازم يعني الواحد يوصل اخر سنه له وهو خاسر رسوم + سكن + سيارة + اكل وشرب تقريبا اكثر من 30 الف ريال لا والف لا ياجامعة الملك عبد العزيز.
بهالمبلغ الواحد يقدر يشتري له شهادة من برا لا وبعد معها شهادة ماجستير هدية ، بصراحة الوضع ماينسكت عليه جالسين ندفع كل هالخساير غير ان رسومها صايرة اكثر الجامعات رسوم في السعودية 3500 على ايش لا محاضرات منقولة ولا شي ولا حتى انهم يكتبون وش ملخص الدورة التأهيلية ، والا هم محتاجين هالمبلغ عشان الجامعة طال عمرها تصلح مبانيها وتبني مباني جديدة .
بعدين فيه كثير حالات سفرتها لجدة مو سهله ابد ابد يعني الناس عندها التزامات عمل والتزامات عائلية يعني اللي عندهم اطفال ويدرسون قولولي وش يسووى فيهم يتركون عيالهم اللي يدرسون بالرياض ويروحون هم جدة ؟؟



بعدين اللي قاهرني انهم قدرو يخلون اختبارات المناطق بس للسنة التاهيلية !!!!! ليه يعنى ااحنا عيال البطة السوداء والا عيال البطة السوداء ؟؟؟ انا مفروض اني متخرجه يعني مخلصه اكثر من 4 سنوات وداخله في الخامسة وباقي لي السادسة والحسابة بتحسب هالخساير لـ 6 سنوات

نبي اختبارات مناطق للكـــــــــــــــــــــــــــــــــــــــــــــــ ـــل

من يحط يده بيدي ونرفع فيها خطاب رسمي لمدير الجامعة ، وإلا عاد يتحمل هو مصاريفنا والا يرجعون لنا فلوسنا وندرس في ديرتنا
لا عادها الله من دراسة ماتسوى علينا

[طلعت الشهري]

وش عندها
الدلوعة البوعزيزي
ههههه


ماشاء الله عليك لوفيه اتحاد الطلبة المنتسبين
رشحتك رئيسة وتستاهلين


بالتوفيق وصدقيني
مشوار الألف ميل يبدأ بخطوة
ارسلي ايميل لمدير الجامعة و الدكتور مشاط
واستمري في المطالبة و لاتيأسي
فلا يأس مع الحياة
ولا حياة لمن تنادي

[كان قلبي طيب]

السلام عليكم ورحمة الله وبركاته

اختي الدلوعه انا معك قلباً وقالباً بس احسك شاربه ريد بول وتحمست وانطلقت بمفردات الموضوع ,,
كلامك صحيح بس مانقدر نوصل لمرحلة الاضراب لان الواحد مايصدق متى يخلص من السنوات اللي عنده نقوم نسوي اضراب وياليل ما اطولك على الاستجابه وشوفي كم ترم بيروح من عمرنا بالجامعة ,,

في حلول ثانيه وتؤدي نفس النتيجة فيها مصلحة الجميع بدون مانوقف دراستنا على ماهم يستقبلوا الموضوع ,يستوعبوه, يحطوه بقائمة الخطه 777 , يدرسوه, يحطوله ايجابيات وسلبيات , يتواصلوا مع الجهه المنفذه , اتخاذ القرار , تعميمه , تطبيقه هذا كله ياخذ 14587 سنه

ليش ما نرشح شخص يمثلنا قدام الجامعه بطلب بهالشي يضم جميع الموافقين على هالطلب بارقامهم الجامعيه والاسباب ونلتمس بهالطلب الاسباب المذكوره ونرسله للعميد او الشخص المسؤول المتعارف عليه تجاوبه مع مراسلات الطلاب والطالبات ..

وهذه وجهة نظري ممكن ماتعجبك بس اتمنى اذا في احد يشوف غير كذا يعطينا رايه لانه تعبنا والاسلوب المتبع بالسياسات الدولية الحاليه مارح تمشي مع الجامعه ..

[هلالي1]

الدلوعه انا معك وايد صوتك لان فيها ظلم لطلاب والطالبات لان المصارف يتعدى 150 الف ريال في الدراسة للمنتسبين مع اني لو ادرس في غير السعودية في الدول

المجاوره بها المبلغ كان شريت شقة وانا ادرس

الجامعه لا تـنظر الي الطلاب باسقاط الرسوم 3000 ريال لتخفف عن معانات الطلاب

( غير الخساير في الانفس والاموال ) غير ان الجامعه غير مؤهلة في استقبال الطلاب لانها لايوجد بنية تحتية

ونطالب نحن الطلبة . اما بان تحذف الرسوم 3000 ريال لطلا ب الانتساب أو ان يشال مدير الجامعه

ارجوا ان يحس ادارة الجامعه باطلاب لانهم في معانات مع المصاريف

[عميد الجامعة]

انا معك واؤيد بقوة
لكن وش الحل والله تعبنا
انا وصلت البارح من جده
وبكره رااااجع عندي اختبار بديل
المفروض يسون لنا مثل اخواننا المنتظمين ويكون اختبارنا مع بداية الفصل الثاني
لكن لاحياة لمن تنادي المشكله الحين ماحصلت حجز على السعودية
وبلموت حصلت على شركة ناس والله يستر لانتعطل
تقبلو تحياتي

[تـــركـــي]

مدير الجامعة كلمني ويقول لكم ...
رددوا يالليل ماطولكـ ....
وش رايكم نضرب عن الطعام ؟

[الاسيف]

الاخوة والأخوات

السلام عليكم ورحمة الله وبركاته ،،

أنا معكم لنجعل الأختبارات في المناطق

نريد التالي :

1- عدد من الأصوات
2- تجميع ايميلات ايميلات الدكاترة والعمادة باكمالها
3- نحدد يوم البدأية
4- نتعهد بالإرسال يومياً لهم
5- نخاطب الصحف مثل صحيفة سبق لو شافت أن فيه عدد يشتكون من ذلك سينزلون الخبر وغيرها
6- في حالة الرفض نطالب بالاسباب
8- نناشد الملك عبر وسائل الأعلام

ومن لديه إضافة يضيف

من المهم أن نتحلى بالاسولب الطيب وعدم التعدي على أحد و العمل المنظم يكون ذو نتائج مرضية

يا أخوان لا تستهنون في شيء رب كلمة تفعل الأعاجيب

ولكن لا نريد :
1- السب
2- التلفظ بالكلام الغيرلائق
3- عدم التعدي على الأخرين حتى لو عارضونا
4- الملل

وغيرها

[ابوعبدالمجيد]

آه وألف آه

من هذا الوضع

كله كوم وقلة أدب الأساتذة والموظفين في كوم ثاني

لاحياة لمن تنادي

وبعدين لازم يكون هناك مفقودين ومتوفين ومصابين من غير أبناء جدة .... مفهوم

تحياتي,,,

[دروووب]

آلله يقويكم

مآضآع حق من ورآه مطآلب

: )

[مباركـ حمدانـ]

اخوي الاسيف ذكر عدة نقاط جدا راقيه وجميله لو تم تفعيلها بشكل جيد سوف نجني منها ثمار كثيرهـ

اما موضوع الاضراب فـ مع احتراماتي لصاحب الفكره فهذه طريقه غير مجديه ولا تمت لنا بصله

نحن كـ طلاب جامعيين نثق بلغة الحوار والتفاهم وطرح الآراء وبإذن الله سوف تصبح الأمور في جامعتنا

اكثر تطورا وتفهماً لمطالباتنا جميعاً .. والله يوفق الجميع