بالنسبة للإعفااااء من الرسوووم هااااااام للجميع‏

[لماذا اسلم للبحر امري؟]

المشاركة الأصلية كتبت بواسطة حربي مسالم لما اسلم للبحر امري مع علمي أن هالمنتدى تعليمي وليس منتى عام او منتدى سياسي ومفروض ما ندخل بمواضيع سياسية بالمنتدى فضلا على اننا نمدح دوله ما عشنا على ترابها وما كلنا من خيراتها... والله بحكم اني طالبه جامعه وادرس اشياء لها علاقه بالسياسه مفروض اني افكر فيهاا واتناقش فيها بأي مكان ومع أي شخص وبالعكس هنا الحوار راح يكون انضج لاننا بنفس المستوى الدراسي ,,, ما احب المعلومه تدخل في راسي عشان انثرها في ورقه الاختبار النهائي وبعدها تتبخر ولكن من باب التوضيح فقط ابقووول: الملك يدري عن كل صغير وكبيرة ومو لأننا ندرس بفلوس يعني الملك ما يدري لا مو كذا المسألة المسألة انه الله يطول بعمره عرف بالشي هذا وأمر بالإعفاء وأمر بتحمل وزارة التعليم العالي رسوم الدراسة للطلاب اللي ما حصلوا لهم مقاعد في الجامعة بنظام الإنتظام ولكن فعلا وزارة التعليم العالي مقصرة ومليون مرة اقولها مقصرة ونص وعلى رأسها معالي الوزير اذا دور الرقابه مفقود ولا كأنه سوا شي بعدين مو ضروري يجي الملك أي شخص من الأسره الحاكمه الي يطول بعمرهم يشوفون وش الوضع ورا هالوزرا الي ماكلين حلال الشعب مو مسئولية الملك ينزل للجامعات ويشوف حنا سددنارسوم او ندرس ببلاش مو مسئوليته ينزل يشوف كم دخلك وراتبك ووين تصرفه وكان عندك عجز عطاااك ملك عندة اكثر من 15 مليون مواطن كلكم راع وكلكم مسؤول عن رعيته اذا مو مسؤوليه الملك اجل مسؤوليه مييين تتوقع؟ بنزل 15 مليون مرة للشارع على قولتك ويشوف اوضاع الشعب بالطريقة هذي !!! عمر الحكم ما كان بالطريقة اللي تتصورونها ولا بالبساطه ذي !! وبالنسبة لأخوننا في الإمارات على عيني وراسي من فوق بس هم يتشكون اكثر مننا والله، ادخلي منتدياتهم وشوفي.. ادخلي وشوفي كيف يتشكون من ارتفاع الأسعار من الفساد عندهم من سيطرة الأجنبي عندهم على كل شي... اذا مواقف السيارات بالشوارع العامة عندهم بفلوووووووس وش ينفع زود الراتب اذا بيدخل من هنا وبيطلع ضعفة من هناك أنا ماعندي مشكله تكون مواقف السيارات بفلوس بس بشرط أخذ راتب مثل الإماراتي وتأمين وبيت من الدوله ولا ادفع حق الايجار وادرس مجانآ بداية الموضوع جيدة جدا والمفروض فعلا نوصل صوتنا للإعلام وهو بدورة يوصله للمسئولين وعلى رأسهم خادم الحرمين الشريفين ووقتها راح يعرف ابو متعب وش نبي وان شاء الله ما يقصر مع ابناءة وعلى فكرة ( انا شديت حيلي السنة التحضيرية وجبت معدل 4.16 بفضل من الله عز وجل وقدمت على الإعفاء بالجامعة وكملت باقي الشروط واللي اهمها المعدل ما يقل عن 3.5 وكملت كل الشروط واتحدى مدير الجامعة براسه يقول عندي شرط ناقص ومستعد اراهن على كذا ولكن يجي الرد بكل برودة برسالة على الجوال يقول " عزيزي الطالب نعتذر عن قبول طلب الإعفاء نظرا لمحدودية المقاعد ") مع ان الأمر الملكي ما قال مقاعد محددة لكن حسبنا الله على اللي يكيفون ويعدلون بالقرارات زي ما يبون والله لا يسامحهم ولا يوفقهم

انا من يوم ماعرفت الجامعه وانا اقدم اعفاء والواسطه محد قالي عنهاا شفتهاا بعيني انا عارفه الواسطه شر لابد منه بس وين الرقااابه ليش ماتجي وحده من الأميرات ويكون لها زياره بالداخل واهتماااام شوي ياخي شوف دول الخليج أميراتهم وشيخوهم فيه اهتمام بالشعب والشارع ينزلونه بدون تصوير واعلام وبدون حتى محد يدري من الشعب احنا قبل مايشرف صاحب السموو تكون الجامعه منزله اعلان قبله بشهر عشان يستقبلونه يعني جاي يلقي علينا محاظرة ويروح وش الفائده من محاظرته اذا ماجلس مع الطلبه وشاف اش عندهم واش ماعندهم!!


تحياتي برب مذاكره