اي وحدة في خطة أ تجـي تسآعدني باللي تقدر عليه عندي كذا استفسـآر تعالـو..!

[أم هبة]

حبايبي انا عندي كذا سؤال واللي بتورني وتفيدني ماراح انسـآها من الدعاء لانه سآعدتني..

* بالنسبه للعربي الوحدة الخامسه معانا اولا ماسمعت الاستاذ شرحها؟

اختي الوحدة الخامسة الاستاذة حقتنا قالت بس تكونوا عارفين اسماء المعاجم يعني من صفحة 241 حتي صفحة 247 مو طريقة البحث فقط الاسماء

نجـي لمحاضرات السنترا انا ماضبط معايه الاقريب وماحضرت غير محاضرات الثلاثا والاربعا هيه اللي قدرت احضرها.

* مدري راح تتقفل السنترا وماراح اقدر ارجع اسمعها ولا ايش بالضبط؟
لاني محتاجه اسمع للمحاضرات اللي فاتتني

ايوة اختي تقدري تفتحيها و تلاقينها في المحاضرات اسمها السابقة مو انتي لمن كان عندك محاضرات كان فوق في شيء اسمه الحالية اللي راح عليكي في السابقة تلاقيه.

* نجي لموضوع الشعب واماكن الاختبار هذي بالضبط فين راح القى الاماكن سواءالمبنى او القاعه لاني والله من برا جده وما ابغى اذا جيت الجامعه احوس واقلق يكفي قلق الاحتبار وكمان رياضيات اول يوم

اختي الشعب لحتي الان ما نزل جدولها و لا شيء عن الاماكن انتي تابعي هنا و ان شاء الله كا بيصير معك الا كل خير

* كمان الجدول الللي في صفحتي الادوس اطبعو من الحين واشيلو معايا انا سمعت انو مهم جدولي يكون مطبوع وما ادخل الاختبار اللي فيه..

ايوة هذا اريح حاجة ليكي و حتحتاجيه في الاختبارات

اخر حاجه ويمكن تكون مضحكه

* حضور الجامعه ودخول الاختبار يكون بعبايه او بنطلون او تنورة يعني تعرفون لزوم ايش اخذ معايه في شنطتي

شوفي اختي اللبس لبنات الانتساب عادي بنطلون و بلوزة او تنورة بس عباية لا حيخلوكي تشيلينها المشرفات و ممنوع تدخلي الاختبار فيها بس حابة انبهك علي شيء هاتي معك جاكيت لانه التكيف مركزي و بخليكي تبردي و من شدة البرد ما تركزي في الاختبار خصوصا لو كانت شعبتك في مبني 420 انا جربته

اتمنى التفاعل ياصبايا والله بيكون معاكم اذا فكيتو حيرتي..

والف شكر للجميـع..