أوبرا تتحدث عن السعوديات

[soma al7elwa]

أوبرا امرأة عظيمة و يا ليتها بس تقول لا إله إلا الله

يسلمو بؤك عسولتي

منجد ناقصها بس انها تسلم

اااااااااه يا شيخه لو تسلم راح تتحسن صورتنا في العالم كلو وربي

على ايه عظيمه ؟؟..على تبرعاتها التي تقوم بها واغلبها للاسر اليهوديه ..او على كلامها عن بلادنا هذه الكاااافره

كيف عرفت انو اغلبها للاسر اليهودية؟؟؟

واذا كان كذلك هي بتساعد اهل بلدها من مسيحين ويهوديين وملحدين

ايش تستنوا منها؟؟

تجي تدور عالمسلمين عشان تساعدهم؟؟؟

أولاً - والله هذه القبيحة لا تساوي ذرة عند العقلاء لأن كلامها معروف وقديم إلا على الجهلاء فهو جديد

هدا هو اللي مو داخل مزاجكم عشانها

عشان هي امرأة غامقة اللون وليست جميلة بالدرجة الاولى

لكن شخصيتها هي اجمل شخصية مذيعه غربية او عربية عرفتها في يوم من الايام

حليمة بولند ومذيعات قنواتنا العربيات هدول ما عليهم كلام صح؟؟؟

لاننا عمرنا ما اهتمينا بثقافة ذيعاتنا قد ما اهتمينا بمنظرهم الخارجي

والعقلاء عمرهم ما راح تكون دي ردة فعلهم على رمز امريكي له شعبية كبيرة عند العالم كلو

والعاقل راح يعرف انو احنا السبب في دي الصورة وما راح يلومها عالكلام اللي اتقال عننا

اصلا من قراء سيرتها الذاتيه وعرف ماضيها انها اغتصبت من عشرات الرجال واولهم اباهاا فكيف اسمع لانسانه هي مريضه هي في الاساس وتحتاج لعلاج

اول شي هي معترفة انها اتعرضت للاغتصاب وحاولت تكافح جرائم الاغتصاب فامريكا

ومرات كتيرة اتكلمت عن دا الموضوع

واهم شي ما تشعر بالعار لانو صار له شي خارج عن ارادتها

طبعا عالعكس من عندنا فدايما نسمع عن البنت المغتصبة يلحقها العار لاخر يوم في حياتها كأنو الموضوع صار بارادتها

هدا طبعا اذا كانت عايشة بعد ما يعرفوا اصحاب الشرف والنخوة والشهامة رجال العايلة الكريمة

وطبعا الفاعل يروح ولا كأنو سوا شي ولا يلحقه لا عقاب ولا غيره الا من رحم ربي

ولا تقول انو الحل انو نحبس البنات ولا نخليهم لا يدخلوا ولا يرجوا لانو ترى زنا المحارم موجود فمجتمعاتنا واكتر من جرائم الاغتصاب من الاغراب

بس احنا متكتمين خوفا من الفضيحة

وهذا الكلام يصدر من جامعيين مثقفين؟؟

اومال الكبار واهل القرى ايش يقولوا؟؟؟


بالنسبة للكلام اللي قالتوا عن السعودية هي اتكلمت عن اللي وصلها

واحنا اللي خلينا كدا تصير سمعتنا وشوهنا صورتنا عندهم وزيادة على كدا شوهنا اطهر الاديان على وجه الارض

فياليت بدل الكلام الفاضي اللي جالسين نقوله اللي ما راح يودي ولا يجيب واننا نستهزأ بعلم من الاعلام الامريكية المشهورة والكبيرة وذات الشعبية العالمية واللي وصلت لدا المستوى بتعبها مو بالواسطات وغيره

نوضحلها كيف نظرة الاسلام للمرأة وكيف نظرته للمجتمع وللاسرة المسلمة ونظرته لاصحاب الديانات الاخرى ونحاول قبل كل دا انو احنا نفهم ديننا ونفهم نظرته للمرأة بدل ما نجلس نفتي من عقلنا " النساء ناقصات عقل ودين"

وبالنسبة لقضية رانيا الباز ما اعتقد انو اللي سواه زوجها شي معقول مهما كان ذنبها

الاسلام لما قال "واضربوهن" عنى الضرب التأديبي وليس الترهيبي ويكون بطرف الثوب او بالسواك كما سمعت من الشيخ سلمان العودة

عنى الايذاء المعنوي لما يكون زوجها حنون وطيب ويحبها ولا يقدر يتحمل يشوفها متضايقة وقادر على انو يحميها ويجي بس يكشر في وجهها راح يحز في نفس اي امرأة لو كانت حجر راح يوجعها قلبها

كيف لما يوعظها ويهجرها في المضجع او في الاخير يضربها بالسواك؟؟؟

احنا اصلا مو لاقيين دا الزوج الا من رحم ربي فتلاقي الزوجة صار عندها برود عاطفي ما يهمها زوجها زعل ولا رضي

وشي طبيعي اي انسان في الدنيا يتعدى على امرأة بدا الشكل زي ما صار مع رانيا الباز مهما كانت ديانته ومهما كانت عقيدته ومهما كانت جنسيته راح يصير نفس الصدى ونفس الكلام

بس لانو الاسلام اصلا صورته مشوهة عندهم والسعودية بلد محافظة جدا بالنسبة لهم وبعيدة عن افكارهم واعتقاداتهم ومو فاهمين ايش سبب ارتداء الحجاب وايش سبب عدم قيادة المرأة للسيارة عندنا وكيف حياتنا ومجتمعنا

يعني كل اللي قالته احنا السبب فيه

المفروض نفهمهم كيف حياتنا ومجتمعنا

وبعدين احد شاف الحلقة اللي جات فيها الملكة رانيا؟؟

احد شاف الحلقة اللي جات فيها المرأة الكويتية ؟؟؟

شفتو كيف اوبرا كانت تتكلم وتتناقشهم معاهم بكل احترام ؟؟

في حلقة الويتية سألتها اوبرا انتو ما تشوفوا انو منعكم من الانتخابات ظلم لكم؟؟؟
قالت الكويتية لا بالعكس احنا مبسوطين وعايشين حياتنا عادي

يعني هم مستعدين يسمعونا ويفهموا مننا بس يستنوا احد مننا يوضحلهم ديننا ويوضحلهم الامور اللي فاهمينها غلط عننا

ترى في ناس هناك مفكريننا لساتنا عالخيم والجمال

كيف تتوقعوا صورتنا حتتحسن عندهم واحنا كل يوم بنشوهها زيادة؟؟؟

انا بشوف انو نستاهل كل شي اتقال عننا لانو احنا السبب في تشويه سمعة بلدنا وسمعة ديننا