الصراحة انا فيا شوفة نفس =-=-=-=-=-=- اشوفهم اقل مني ..انا كدا

[rubi]

السلام عليكم ورحمة الله وبركاته

كيفكم

منيحين..؟

مرة دخلت على منتدى وشفت موضوع عن >>انا ما احب اتعرف او اتصاحب مع وحدة مو سعودية

وكتبت انها عارفة كويس ان لا فرق بين عربي واعجمي الا بالتقوى بس تقول :

مادري .. انا كدا وخلاص

والغريب ان اغلب الردود وافقوها الراي

ولمن بعض الردود سالوها عن السبب.. وعارضوها

قالت :
كدا انا فيا الصراحة (شوفة نفس) عليهم ولا اعرف اتعامل معاهم

وكتيرين نفس تفكيرها

وانا حابة اقول للي تفكيرهم كدا ان اوول ذنب ارتكب في الكــــون

الكبـــــر

لمن تكبر ابليس على ادم لانو مخلوق من نار وادم من طين

وكلنا عارفين اللي سار

بس ما انتبهنا ان اول غلطة .. اول خطا فالكون كلو كان .. الكبر

تخيلو يا جماعة ان الجنة ريحتها تنشم من مسار 500 عام

تخيلو ان اللي في قلبو ذرة كبر .. لا يشم ريحتها

ايش تسوي لو كنت انت دا الشخص فعلا..

ممكن تتخيل ان دحين انت رايح للنبي محمد الكريم عند حوضه .. عطشاااان من وقفة يوم القيامة .. تبغى تحضنو .. وتقلو انك اقتديت بيه وانك صليت وصمت وصليت عليه كتير..

وتبغى النبي يرحب بيك .. انت من امته.. ونفسك تشرب من يد النبي الكريمة..شربة لا تظما بعدها ابدا

فتجري للنبي .. فيقولك .. سحقا سحقا بعدا بعدا

ايش تحب ينقال لك؟

ـــــــــ

وقت الحشر يوم القيامة .. المتكبر في حديث للنبي ( في معناه) ان المتكبر يصبح حجمو كحجم النـــــملة .. يدوسهم الناس.. يغشاهم الذل

وانتا نفس شكلك كانسان لكن حجمك كالنملة.. تخيل الموقف.. تخيل الناس اللي كنت انت تتكبر عليهم وتشوفي نفسك عليهم

ايش يقولو عليكي .. وكيف نظراتهم ليكي وانتي زي النملة يدعسك الخلق ..يغشاكي الذل

اهي البنت دي اللي كنتي تتريقي عليها وشايفة نفسك موهوبة اكتر منها وما تطيقي تتكلمي معاها.. اهيا معاها حسناتها وملائكة حسن الوجوه يطمنوها لانها كانت متواضعة وصالحة اكتر منك

اما انتي يغشاكي الذل .. شوفي كلمة يغشاهم الذل>>يغطيهم الذل .. زي ما تغطي جسمك بالبطانية.. يغطيكي الذل .. وقدام مين ؟.. قدام جميع الخلق من جميع الامم .. والاهم .. امام ربنا

او تخيل العكس..

تخيل لمن تكون متواضع فالدنيا ويوم القيامة تكون متطمن قلبك .. لانك خفت من ربنا فالدنيا واتقيت .. بالتالي ربنا ما حيخوفك فالاخرة

واللي ما يخاف ربنا فالدنيا .. لازم يخوفك فالاخرة

ــــــــــــ

ايش تحب يحصلك..؟؟؟
اللي حتختارو .. هوا اللي حيسير يوم القيامة باذن الله

زي ما تختار حيحصل

اللي تقررو فالدنيا على حسب مزاجك .. حتشوف نتائجو فالاخرة

ـــــــ

فالنهاية احب اقول انك مو شرط تتعلمي كيف تتعاملي معاهم .. لكن ماتشوفي نفسك عليهم.. لان مافي قانون فالكون يمنع انهم فيوم من الايام يكونوا احسن منك

مافي شي يمنع انك فيوم تحتاجي مساعدتهم




...
ان بدر خطا مني فارجو تنبيهي ..
دعواتكم

rubi

[صوت الفجر]

مافي فرق بين سعودي واجنبي كلنا سواسيا اهم شي عملنا الصالح.. صح سعوديه بس مالي حق اشوف نفسي على خلق الله ...اكره ماعليا الانسان المغرور...

يسلمو اختي ،،,,،،

[rubi]

الله يسلمك صوت الفجر


نورتي الموضوع وكمان اول رد ياسلااام ههههه

[عطر القصيد]

المشاركة الأصلية كتبت بواسطة rubi كدا انا فيا الصراحة (شوفة نفس) عليهم ولا اعرف اتعامل معاهم

حلوهـ هذهـ ..ما أعرف أتعامل معهم ..!
ما كأنهم بشر
عجيب والله .

المفروض الشخص يتعامل مع الناس بناء على إنسانيتــهم .
متناسياً ..الجنسيات والأعراق ’
والذي يحدد مدى التعامل مع أي شخص كان " سلوكهـ وأخلاقهـ "

والله يبعدنا عن الكبر وأهلهـ ,’

شكراً روبي على الطرح .’

[rubi]

المشاركة الأصلية كتبت بواسطة عطر القصيد حلوهـ هذهـ ..ما أعرف أتعامل معهم ..! ما كأنهم بشر عجيب والله . المفروض الشخص يتعامل مع الناس بناء على إنسانيتــهم . متناسياً ..الجنسيات والأعراق ’ والذي يحدد مدى التعامل مع أي شخص كان " سلوكهـ وأخلاقهـ " والله يبعدنا عن الكبر وأهلهـ ,’ شكراً روبي على الطرح .’ [/center]

اهلا عطر

تصدقي في ناس فعلا كدا من جد

اللهم اجعلنا نرحل عان الدنيا قبل ان تلوثنا الدنيا ونلقاك بقلب سليم يارب امين

نورتي عطر

[مصره على قراري]

الكبر دليل على فراغ العقل
ورغم اني سعوديه ومن قبيله تستحق الفخر
الا انوا جنسيتي وقبيلتي ليست سبب لحتقار الاشخاص الاخرين
لان الله وحد من يفاضل بيننا يوم القيامه بأعمالنا ورحمته الواسعه
وليس لنا حق في مفاضلة انفسنا على الناس لاننا اقل من ان نتدخل في حكمة ومشيئة الخالق
وبعيدا عن هذا كله يكفينا عقاب المتكبر يوم القيامه فهوا كافي لردع النفس الاماره بالسوء عن ذالك
وشكرا اختي الكريمه على هذا الطرح
وتقبلي مروري المتواضع على موضوعك الرائع

[rubi]

المشاركة الأصلية كتبت بواسطة مصره على قراري الكبر دليل على فراغ العقل ورغم اني سعوديه ومن قبيله تستحق الفخر الا انوا جنسيتي وقبيلتي ليست سبب لحتقار الاشخاص الاخرين لان الله وحد من يفاضل بيننا يوم القيامه بأعمالنا ورحمته الواسعه وليس لنا حق في مفاضلة انفسنا على الناس لاننا اقل من ان نتدخل في حكمة ومشيئة الخالق وبعيدا عن هذا كله يكفينا عقاب المتكبر يوم القيامه فهوا كافي لردع النفس الاماره بالسوء عن ذالك وشكرا اختي الكريمه على هذا الطرح وتقبلي مروري المتواضع على موضوعك الرائع

اهلا مصرة على قراري

صراحة انا كمان سعودية لكن ماقبلت اني اعرف المعلومات دي وما افيد غيري بيها

وكمان انا احزن عالمتكبرات لان حالهم فالاخرة صعب ومحد حيتعذب فالاخرة بسبب كبرهم الا هما وقد يدخلو النـــــار والعياذ بالله بسبب كلمة <<<فيا شوفة نفس والكلمة دي انتشرت


نورتي الموضوع

[rubi]

ــــــــــ

[فاقدة أبوها]

أما عليهم تفكير!!!

وايش يعني سعودية حتدخلي الجنّة من أوسع أبوابها!

من جد يقهرني اللي يفكر كذا يعني انتي اللي خلقتي نفسك سعودية عشان تشوفي حالك على خلق الله!

أستغفر الله العظيم وأتوب إليه وأعوذ به من الكبر وأهله,

ومشكورة حبيبتي على التنبيه ولله الحمد لي اصدقاء من مختلف الجنسيات حتى غير العربية.

[وفاء جدة]

بصراحة اللي تفكر كذا تفكيرها جدآ سطحي ...الناس مخابر وليس مظاهر
أهم شئ أخلاقها تكون طيبة ولا يهم بنت مين أو سعودية ولا غيرها..

قال الله عز وجل : الكبرياء ردائي ، و العزة إزاري ، فمن نازعني واحدا منهما ألقيه في النار
الراوي: أبو هريرة المحدث: الألباني - المصدر: السلسلة الصحيحة - الصفحة أو الرقم: 541

شكرااااا روبي على طرح الموضوع...