تخصصي انجلش وافكر احول علم نفس

[جيسكا]

المشاركة الأصلية كتبت بواسطة goood man حياك الله اختي الكريمة اختي واضح من كلامك انه عندك الاستطاع عن تحولي علم نفس ولكن محتارة وحقيقة لا ارى مبرر للحيرة واضح لديك ميول ورغبة كبيرة لقسم علم النفس وهي من العوامل الرئسية لنجاح وابداع وتفوق اي طالب او طالبة في التخصص الذي يميل اليه.. استخيري وتوكلي على الله بالتوفيق لك وللجميع

ا

شكرك اخي العزيز على ردك
اسعدني كثيرا مرورك
وتمنياتي لك وللجميع دوام التوفيق والنجاح

[جيسكا]

المشاركة الأصلية كتبت بواسطة الدانــــة الله يوفقك يارب دامك تخصصتي انقليش توكلي على الله وحاولي تأقلمي نفسك فيه واذا منتي قادره روحي للقسم الي تميلي له الله يكتبلك الي في الخير

اختي دانه والله اني احاول اتأقلم لكن تدرين موعد الدوره قرب وماني عارفه احول ولا اتأقلم
لكن شكرا على نصيحتك

[جيسكا]

المشاركة الأصلية كتبت بواسطة مزون عابرة اولآ محد له شغل برغبتك انتي الي بتدرسي لكن اذا انتي ودك تشتغلي اخصائيه وزوجك مثلا ماراح يخليك تشتغلي فـ لا تدخلي وتتحطمي بالنهايه روحي قسم يرضو لك تشتغلي فيه ( في حال اصلا تبغي تشتغلي)

مزون عابره بالنسبه للشغل مافي اي مشكله لكن زي منتي عارفه التشجيع والتحطيم له دور على نفسية الانسان وقراره

[جيسكا]

المشاركة الأصلية كتبت بواسطة عازفة الكيبورد مشكله ضغوطات الاهل ..< عانيت من نفس ضغوطاك / لاكن ماسمعت كلام احد .. اخترت الرغبه اللي انا حاسه انها مستقبلي وكل ماارتفع معدلك كل ماكانت لكي اولويه في التوظيف .. وتقدري تكملي ماستر في علم النفس وتزيدي ثقافتك النفسيه وتقوي معلوماتك.. / انا دخلت التخصص اللي ارغب فيه مو اللي يرغبوا اهلي فيه لاني انا اللي بدرس مو هما اللي بدرسو / وبصراحه عندي مبدا .. اذا حبيتي الشي راح تحبي محتواه ..يعني اذا انتي رغبتك علم نفس اتوكلي ع الله وحولي / واذا صعب تحويلك ومااتوافقت شروط التحويل اعرفي انها خيره من الله ... وانه مكانك انجلش وان شاء الله ربي يكتبلك الخير وين ماكان / داومي على الاستخاره .. مو شرط تحسي براحه او لاء .. بس لو خير لكي علم النفس راح تتسهل معاكي والعكس صحيح / ربي يوفقك ويكتبلك الخير ياااااااارب

مشكوره ياقلبي على كلامك وتشجيعك والله حمستيني
الله يوفقك يارب وتتخرجي بأعلى الدرجات

[جيسكا]

المشاركة الأصلية كتبت بواسطة ايات الحفني هاي ياجيسكا انا مصدومة قصتك زي بالضبط عارفة ايش صار معايا دخلت اداب انجلش 3 سنين وحولت علم نفس عارفة ليش لاني كنت كل يوم اقنع نفسي وماني قادرة والحمداللة اول ترم تحويل ومبسوطة مع اني رجعت تعليم سنترا واهلي كلهم معارضين بس سويت اللي في راسي بكرة إن شاء الله هاتبدعي في مجالك اللي تحبي مو شي ماتحبي انجلش حقى الحمداللة مرة كويس مايستاهل 4 سنين دراسة هدا راي وبالتوفيق ونصحتي حولي

ان شاء الله دوووووم مبسووووووطه بس ياايات ماقلتيلي كيف حولتي يعني في مجال الحين احول قبل موعد الدوره وياريت تقولي كيف الطريقه

[N0NA]

انجلش ومو رغبتك ولا قادرة تتحملي تشوفي الكتب!! مررا صعب خصوصا في تخصص الانجلش الحقي نفسك قبل ماترسبي وحولي اللي تميلي له ولو عالوظيفة فكل شي بالواسطة حتى لو شهادتك ثانوي وبالنسبة عن مجالاته فهي في المدارس الاهلية << لنا احنا المنتسبات لحل وتوجيه الطلبة وفي المستشفيات وخاصة قسم الحوادث وحتى في قسم الولادة لتخفيف الالام وما اشبه ذلك وفي الشرطة النسائية او في مصلحة السجون وفي قسم شؤون اجتماعية وفي مراكز عديدة جدا وحتى في المصانع المتطورة والانتاجية وذلك لزيادة الانتاج المميز والمتقن. وطبعا تقدري تطوري نفسك بدورات او تكملة الماستر،المستقبل انتي اللي تصنعيه لنفسك بذكائك مهما كان تخصصك مو كلام الناس ورغباتهم وتحطيمهم

[جيسكا]

المشاركة الأصلية كتبت بواسطة طهر الطفولة والله انتي مثلي اهلي كلهم قالو لأ وش تبين فيه الإنجليزي احسن لكن بعد ما ماما و بابا آمنو بالله من إلي جاني وانا فيه وانا كنت لي 3 سنوات فيه رحموني و قالو سوي إلي تبين حولت كلية إقتصاد منزلي مرة تقرف -_- بس طلبات و اقمشة وقرف -_- كل الخلق خريجات معهد مهني إلا انا زيي الأطرش بالزفة ^_^ وقعدت اترجى ماما و حولت بالأخير علم نفس إنتساب لأني مرة احبببببببه والحمدلله يارب والله مرة مرتاحة إني دخلت إلي ابيه و مايهمن اي احد اهم شي رضا الله ثم والديني لا يهمك احد و توكلي على الله ^^

ربي يريح قلبك ويسعدك ياطهر الطفولة وتنالي اعلى الدرجااااات يارب

[goood man]

لي عودة ان شاء الله


لإيضاح بعض الامور

حول مستقبل القسم ؟؟



وكيفية التحويل ؟؟

ولكن بداية ماهو سبب اعتراض الأهل

هل هو فقط رؤيتهم بان القسم ليس له مستقبل وضيفي ؟؟

اما ان هناك اسباب اخرى وان كانت خاصة طبعا لاداعي لذكرها؟؟

[عبادي$]

والله ياختي جيسكا انا كونت انجلش سنه ونص او سنتين !

وحولت علم نفس لانو كانت ليا رغبه وكونت حاب شي اسمو علم نفس ..

وبالنسبه للاهل فهميهم انك تحبي القسم دا وانتي حتبدعي فيه ان شاء الله وماعليكي من كلام الناس ابدا ..

اما بالنسبه للمستقبل صح انو عندنا في السعوديه مو زي برا ! لكن ان شاء الله مع الوقت حيسير له مستقبل زاهر ان شاء الله

وكل شي بيد رب العالمين هو اللي موزع الارزاق ولو الله اراد لكي الخير صدقيني حتاخديه حتاخديه ..

لاتنسي تستخيري وان شاء الله حتتوفقي

[يكفي أني رجل]

سؤال
هل انتي من اللي يبي يتوظف بعد الجامعه
أم خلاااص يالله الجامعه وتكبري المخده في البيت
اذا الهدف الأول أنصحك إنقلش ( مستقبل وظيفي أكبر )
والهدف الثاني أنصحك علم نفس ( مستقبل تربوي للأبناء أفضل )
والقسمين يختلفو عن بعض كثيير
ويبقى الرأي الأخيييييييييير لك
بس اهم شيء لا تفسري الصدمة النفسية في بدايت دراستك أنو عشان ماعندك رغبة في القسم
لااااااااااااااا
هذي الصدمة النفسية قد تاتي للبعض من بداية الدراسة وبعدين تتلاشى شيئا فشيء