استشارة .. (مستوى 6) لأهل الخبرة .!!

[فيصل.]

المشاركة الأصلية كتبت بواسطة Tamim يعتمد على مسارك التخصصي لان مثل ماتعرف بعض المواد تكون اختياريه في مسار والزاميه في مسار اخر ... ولكن لنفترض انك مسار تنظيم و تطوير اداري اذا تبي نصيحتي ومن واحد مجرب فانا انصحك تاخذ مادة ادارة العلاقات العامه ماده سهله جدآ وملخصها بسيط وصغير او مادة ادارة الجوده ولكن فيها حشو وكلام كثير وفيه بعض الاخوان اخذوا مادة القياده الفعاله ويمدحونها كثيرآ ... المهم انك تهتم بالدكتور اللي يدرس الماده لهذا الترم وانصحك انك ماتفوت اي ماده من اللي ذكرتهم مع الدكتور الرائع عبدالعظيم شمسان او الدكتور فهد الحركان ... وبالتوفيق لك ...

نعم أنا تنظيم وتطوير إداري ..
خل نفصفصها .. وزي ما قالوا أهل الساحل الغربي ;) .. حبه حبه

ادارة العلاقات العامة pad 461.. كتابها اتذكر مصور يا تميم سبق وحذفتها .. والمذكرة اذا تخليك تجيب درجة حلوة دلني عليها الله يرحم والديك ..

[Tamim]

هلا والله ...

ادارة العلاقات العامه قديمآ كان كتابها عباره عن مذكره صغيره للدكتور محمد اسعد ولكني سمعت انهم كانوا يخططون لتغيير المقرر فلابد قبل كل شيء اخوي تأكد من المفردات لانه احتمال تغير مقرر الماده ويمكن يكون لها كتاب معين ...

وانصحك تذاكر من المذكره او من ملخص عند مكتبة خوارزم مرفق نماذج اسئله قديمه ...

[فيصل.]

بارك الله فيك اخوي تميم .. ثقلت عليكم واتعبتكم

مرة ثانيه اجدد شكري .. ومجدي وعلاء واحمد وكل العيله بمصر ..

[غاوي دراسه]

المشاركة الأصلية كتبت بواسطة فيصل. . . . . . السلام عليكم ورحمة الله وبركاته .. جدولي كالتالي .. حبيت أسأل من درس المواد الموجودة بالجدول . مدى صعوبة المواد .. كذلكـ نوعية الدكاترة لكل مادة .. أيضاً أرغب في إضافة مادة اختيارية .. لأن ما سبق لي أخذت مادة اختيارية .. فأي المواد الإختيارية -حسب خبرتكم-أسهل .. وعند من (الدكتور) ..؟ [motr] مع الشكر الجزيل لكمـ .. [/motr]

أخي الكريم ... أهلا و سهلاً

لا تستطيع الجزم بما تُريد الى حد اكتمال قائمة الشعب الدراسية و امتلائها بأسماء اساتذة المواد

لكي تستطيع أختيار موادك بالشكل الصحيح وفقاً لما تريدة

و هذة نبذة مختصرة عن موادك

التحليل التنظيمي ===> ليست ضمن خطتي الدراسيه

نظم معلومات أدارية ===> مادة تتعلق بالمعلومات الحاسوبية المتصلة بالشبكة الأدارية اذا كنت ملماً بمكونات الحاسب الألي فلن تستصعبها كثيراً

اما عن بقية المواد ===> تفضل على هذا الرابط + تفضل على هذا الرابط الأخر

أما عن المواد الحرة و الأختيارية يفضل أن تدعها الى أخر المشوار و عليك البدء في الخلاص من المتطلبات و المواد الأساسية

أخذت مادة أختيارية فقط و هي العلاقات العامة كما هو موضح في أحد الروابط المعطاة

الكلام هنا لم ينتهي لنا عودة مع أكتمال عقد قائمة الشعب

و أي استفسار أخر أنا برسم الخدمة

موفق بأذن الله ... لك مني أجمل التحايا

[فيصل.]

غاوي دراسة


بيض الله وجهك .. الله لا يحرمك الأجر

[ادارة مستشفيات]

بحوث وعمليات سهل جدا ركز على مذكرة الطيار فقط لاغير واي مدرس يشرح لك يكون من المذكرة البقية ما اخذتها بتوفيق اخوي

[فيصل.]

المشاركة الأصلية كتبت بواسطة ادارة مستشفيات بحوث وعمليات سهل جدا ركز على مذكرة الطيار فقط لاغير واي مدرس يشرح لك يكون من المذكرة البقية ما اخذتها بتوفيق اخوي

كلامك عين الصواب، توكلت على الله وأخذت مدرس ومذكرة "الطيار" ممتازه جدا .. شاكر لك تجاوبك .. الله يوفق الجميع