أنا طالبة بالسنة التحضيرية وحابة إنكم تفيدوني ممكن؟

[Ήєβa]

السلام عليكم ورحمة الله وبركاته..أسعد الله صباحكم ومسائكم بكل خييير..
أتمنى إنكم تكونوا بأفضل حال...
أنا طالبة أول سنة تحضيري علمي..حابة أسأل كم سؤال وأتمنى تجاوبوني لو مافيها كلافة..
1_قسم علم النفس فقط لطالبات الإداري؟؟يعني لو خلصت السنة دي مايمديني أدخل علم نفس؟؟
2_إيش النسب المطلوبة عشان أنقبل في هذا القسم؟يعني أدنى نسبة إيش؟؟
3_لو دخلت علم نفس وين راح أشتغل إن شاءالله لما أتخرج على خير؟؟
4_إيش مضمون المجال هذا وعن إيش يتكلم؟؟
5_الي يدرس فيه يقولي هوا كيف سهل ولا صعب ولا ممتع ولا عادي؟؟



أنا إنسانة طموحها تصير أخصائية علم نفس وحاطة في بالي فكرة إنو دا المجال يتطلب إنك تكوني إجتماعية وتحبي تتعاملي مع الناس وتفهميهم وتسمعي منهم وتفكري بأمورهم وتحاولي تلاقيلهم حلول لمشاكلهم أنا مرة مجنونة في دي الحاجات ومرة كان نفسي ادخل أدبي في الثانوي وإداري في الجامعة عشان بس علم النفس بس محد كان واقف بصفي وخفت لأن مو دايما رأيك وقرارك هوا الي ينجحك..