نَحْنُ وَثقَآفَــة الحِـــوَآر (لمآذآ عندمآ نختلف في الآرآءِ نفتــرق ؟!)

[بحر الحرية]

الأخت فاقدة والأخ هاي كلاس:

نبدأ بالأخ هاي:
زعلان عشان ما جبنالك من القرآن والحديث يعني؟!
ولا يهمك وحااااااااااااااااااااضر من عيوووووني نجبلك منها:

نفس الأمثلة اللي ذكرتها لكن استبدل قول الشافعي رحمه الله بقوله تعالى:
"وكان الإنسان أكثر شيء جدلا"

ولاحظ المعنى: إنك تقولهاا للي يتحاور معاك على أساس إنك الصواب!
وانتاا تتحاور معاه، بس ما تتفقواا ف النهاية، ف بعد ما تخلص ما تنسحب وتقله أحترمك على رأيك، لا، تجي وتقله استهتارا فيه هذه الآية، وكلام الله تعالى أكبر من أن ننزله في هذه المواضع.

ومن الحديث:
تتحاور مع إنسان ووتجادل معاه ونفس الشي، تجيب أدلتك ويجيب أدلته، لكن ما تتوصلوا لنقطة اقناع، لا هواا يقنعم ولا انتاا تقنعه، لكن انتاا طبعاا زي ما قلتلك تشوف نفسك الهادي على الصراط المستقيم فتجي تقله:
قال صلى الله عليه وسلم: " ماأوتي الجدل قوم إلا ضلوا"
"بيت في ربض الجنة لمن ترك المراء وإن كان محقا"

لاحظ الأوصاف اللي وصفتهاا اللي يتخاطب معاك؛
ضال - كثير كلام، مجادل بالباطل وأنا المحق!!

يا عالم يا ناس بالله عليكم لمن أجي أتحاور مع إنسان وبعدين أقله:
إنك ضال تتوقعواا إني أكون أحترمه بهذي الكلمة؟!!

أتمنى يا أخ هاي كلاس ما تجيني وتقلي وتطول الكلام وتلفه ألف لفه ولفله:
بس احناا ما قلناا انه ضال!!

أجل ليش تقله هذا الحديث وانتاا تتناقش معاه أو تشوف اثنين يتناقشواا؟!

طبعا حاجة لازم أشرحها عشان نقطع الكلام عنها:
كلامي هذا ما ينتقص من الحديث ولا الآية القرآنية، لكن احناا نستخدمهاا استخدام خاطئ، وننزلهاا ف غير منزلهاا، وسبق وقلت: لو كان هذا الكلام، وسبق وبينت ف الرد رقم 41، إنه في مواضع نستشهد فيها، لكن هذا الموضوع أنا أشوف خطأ نستشهد فيه كذا، لأني أنا لمن أقولها أنتقص من قدر الشخص اللي قاعد أتخاطب معاه وأشوف نفسي عليه، وهذي كلها ما تعتبر احترام لا للنقاشات ولا للمتناقشين.

لاحد يطلعلي ويقلي: انتاا تسخر من القرآن ولا من الحديث وتبغاناا نلغي الآية، وانتاا تشوف القرآن ما يحترم الآخرين والحديث ما يحترم الآخرين، خلاص عشان لاحد يجي ويتفلسف فيه: أبدا الآية ما تنتقص من قدر احد ولا الحديث ينتقص من قدر أحد، لكن احناا ننتقص من قدر الأشخاص باستخدامنا الخاطئ لها، مثالها:
يجي دكتور في الجامعة، ويصيح على الطلاب ف الكلاس، يقوم يجي طالب فيلسوف غبي ويقله:
يا دكتور يقول الله تعالى:
"إن أنكر الأصوات لصوت الحمير"

اقسم بالله ليصقعك الدكتور f وانتاا تضحك!!

الأخت فاقدة:

وإذا كان كذلك فأتمنى في المرات القادمة أن تضع رداً - على قدر عقولنا- يناسب ثقافتنا البسيطة وفهمنا المتواضع!

كان الأجدر فيكي انك ما تكتبي دي العباارة =)

عموما:
بصراحة الآن بديت أشك ف نفسي..

يعني لا الكلام الأول اللي أشوفه انا واضح فهمتوه..
ولا شرح الكلام الواضح فهمتوه..
ولا التقييد ولا الألوان ولا التخطيط ولا التعب اللي تعبته استفدت منه ف شي..

ف مو معقول راح يكون الخلل فيكم..

عموما أخ هاي والأخت فاقدة..

الآن وصلنا لنقطة اتفاق، إنه كللللللل الخلل في جزئية:

أيضا: وفي مرات كثيرة نجد من لا تعجبه فكرة نقاش لا ينسحب بهدوء، وإنما يبدأ بالهجوم الديني برأيي عن طريق ما قاله الله تعالى أو ما ذُكر في حديث النبي عليه الصلاة والسلام أو أقول المشاهير ونحوهم في ترك الحوار، واستخدام هذه الأيات والأحاديث على كل حوار يخالف رأيهم، وهذه برأيي عدم احترام للأطراف الأخرى مطلقا!

شرحتهاا من كل قلبي، والله تعبت وبح صوتي لكن النتيجة: طلعت مكابر ومبرر متهرب!

للتنبيه بس:
ترى ما استخدمت الآيات والأحاديث متعمد، لكن خلاص ضربنا لكم الأمثلة فوق!

الآن:
أبغى الكل يعتبر بحر الحرية مكابر على الحق، وأبغى الكل يعتبر بحر جبار ما يعترف بخطؤه حتى لو أخطأ، وأبغى الكل يعتبر بحر متهرب من كل خطأ يثبته عليه غيره!

لكن أبغاكم توقفوني عند حدي بالحق!!

وسبق في الرد إني قلت:
إن فهمتواا هذه الجزئية الوحشية الغريبة الألفاظ والمعاني؛ فالحمد لله.
وإن ما فهمتوها فالحل:

"..فابعثوا حكما من أهله وحكما من أهلها إن يريدا إصلاحا يوفق الله بينهما.."

أنا راضي بأي إنسان يقرأ كلامي يكون حكم:

هل أنا أقصد بكلامي الاستشهاد بالآيات الأحاديث لا يكون احتراما للطرف الآخر في كللللل المواضع؟!
ولا بس في ترك الحوار بحسب الكلام اللي كتبته؟!

ولا:
زي ما قالت الأخت فاقدة والأخ هاي كلاس إنه المفهوم من كلامي العموم، وكل ما واحد جاا يستشهد بآية ولا حديث سار غير محترم للطرف الآخر وإنه عبارة "في ترك الحوار" ما تعتبر تقييد في الاستشهاد؟!!

ياريت اللي يدخل الموضوع يقرأ كلامي ويقلي!!
بليز لاحد يقراه بدون ما يعلق لأني قررت الانـ.... ولا خلاص بعدين أقلكم..

بانتظاااااركم..
...