~~ ثمـآن , سنين أجي نفس المكــآن بحزة المغرب ...

[د.كيــف]

عـلـى المـوعـد بلهـفـه جـيـت لا مـانـع ولا تأخـيـر
لفيـت مـن العصـر هايـم مـع ان الموعـد المـغـرب

وجتني بس انـا مـدري شعـرت الجيّـة هـذي غيـر
وهي تقرب من عيوني شعـرت ان الممـات اقـرب

وقـلـت الله يهوّنـهـا عـسـى فــي جيّـتـك لــي خـيـر
انـا مـن شفـتـك أقبلـتـي وانــا خـايـف ومستـغـرب

علـى كـثـر الحـكـي مــدري كـأنـه خانـهـا التعبـيـر
وقـالـت لــي جـمـل وأشـيـاء لا تُكـتـب ولا تـُعــرب

هـدَت فجـأه.. تطالعنـي وأنـا فـي حـاجـة التفسـيـر
لجل نحكي بهدوء اكثر سألت: الحلوة وش تشرب ؟

فصاحـت بـي أنـا أحبـك ولـك فـي هالحـشـا تقـديـر
وتـدري ان المـثـل فيـنـا وفــي احساسـنـا يُـضـرب

صحيح انّك وفـي وانّـك بـري مـن تهمـة التقصيـر
ولـكـن ذي عوايـدهـم مـــن ايـــام وزمـــن يـثــرب

تكـون البنـت لابـن العـم ورغـبـات الكـبـار تصـيـر
وتدري الاقربون اولى .. مـع انـك للخفـوق أقـرب

وتــدري لـلـقـدر كـلـمـة.. لـعــادات الأهـــل تـأثـيـر
لــذا أرجــوك تتركـنـي وانــا مــن دنيـتـك بـاهـرب

شـعـرت بحكيـهـا كـنّـه قـصـاص وامــر بالتـعـزيـر
شعرت الدنيا ضاقت بي من المشرق ليـا المغـرب

مشـت خلّـت وراهـا طفـل مـا يــدرك وش التدبـيـر
يحسـب ان الغـرام اشعـار شاعـر واغنيـة مطـرب

ضحكـت وماقـدرت انــي ألاقــي لضحكـتـي تبـريـر
مـن اللـي بوقتنـا مـرّه ضحـك مـن لدغـة العـقـرب

رفضت أستوعب اللي صار ولا استسلمت للتغييـر
ثمـان سنيـن اجـي نفـس المـكـان بـحـزة المـغـرب

بـرغـم ان الثـمـان سنـيـن جــرح وكلّفتـنـي كـثـيـر
أنا لليوم اجي وادعي.. تجي يارب .. تجـي يـارب