أفيدوني الله يوفقكم لاتخلوني

[خالد الفقيه]

المشاركة الأصلية كتبت بواسطة aziz8008 اخي الكريم انت ذكرت انك بسبب ان هذا القسم غير موجود حاليا سوف احول الى كليه ثانيه ؟؟ ممكن تقولي وش فيه قسم افضل من ادارة اعمال لطلاب الانتساب ؟؟ اتوقع مافيه وهو يعتبر افضل قسم لطلاب الاتساب من جميع النواحي عموما ابغاك تتحملني في السطور التاليه وتركز معي عشان توضح لك بعض الامور الكليه يوجد بها طلاب انتظام وطلاب انتساب نجي نتكلم عن الكليه واقسامها بالنسبه للانتساب بما انك انت طالب منتسب كلية الاقتصاد والاداره لطلاب الانتساب يوجد بها قسمان : الاول : اداره عامه . الثاني : ادارة اعمال . نجي للقسم الثاني وهو محور حديثنا وهو قسم ادارة الاعمال ولا يعتبر كليه كما ذكرت قسم ادارة الاعمال يوجد به 4 مسارات ... طبعا بتقولي وشو المسار ؟؟؟ انا بقولك وشو المسار ؟؟ المسار هو تخصص فرعي من قسم ادارة الاعمال وجميع طلاب قسم ادارة الاعمال يدرسون نفس المواد ويختلفون فقط في مواد المسار وعددها 7 مواد وكل ماده 3 ساعات مجموعها 21 ساعه بمعنى اخر جميع المسارات يدرسون نفس الخطه ويختلفون فقط 21 ساعه ويبدأ الطاب بدراسه مواد المسار من المستوى الخامس المسارات هي : 1- مسار الموارد البشرية 2- التسويق 3- ادارة اعمال دوليه 4- ادارة العمليات والجوده طبعا دفعه 09 وماقبلها يدرسون هذه المسارات ولكن دفعه 10 ومابعدها ( طلاب وطالبات رابغ ) فلا يوجد لهم متاح الا مساران فقط وهي ( موارد بشرية و تسويق ) ومن الممكن مستقبلا فتح مسارات جديده انت الان مستوى ثالث والترم الجاي راح تكون مستوى رابع السنه الثانيه جميع المسارات تدرس نفس المواد يعني ماعندك الى الان اي مشكله وان شاء الله تعدي السنه الثانيه من قسم ادارة الاعمال على خير وبنجاح وبعد ماتخلص السنه الثانيه ممكن تكون الجامعه فتحت المسار اللي تبغاه وتقدر تحول له وبالتالي انحلت مشكلتك طبعا اذا الجامعه مافتحت المسار بعد انتهاءك من السنه الثانيه ووقتها انت لا زلت تبغى مسار ادارة العمليات والجوده فأنت امام امرين : الامر الاول : تدرس مواد المستوى الخامس والسادس ( السنه الثالثه ) وتحذف مواد المسار وخصوصا انها ماده واحده فقط في المستوى الخامس وماده وحده فقط في المستوى السادس ووقتها ممكن ان شاء الله فتحت الجامعه المسار وبعدها تقدر تحول له الامر الثاني : تدرس مواد المستوى الخامس والسادس نفسها بدون ماتحذف اي ماده من مواد المسار ولما يفتحون المسار وقتها تقوم بالتحويل وتعادل المادتين اللي درستها من المسار السابق بمواد اختياريه من المسار الجديد وبالتالي ماضاع عليك شيء ( وانا شخصيا أؤيد هذا الرأي ) طبعا كل طالب خلال فتره دراسته في الجامعه وهذا الشيء موجود في خطه كل طالب لابد من دراسه 3 مواد اختياريه و2 مواد جره طبعا اذا الجامعه مافتحت مسارات جديده فالشكوى لله كمل في مسارك اللي اخترته سواء ( موارد بشريه او تسويق ) وان شاء الله يحالفك التوفيق طبعا انت في الاول والاخير صاحب الشأن والقرار بيدك وهذا الكلام يعتبر وجهه نظري الشخصيه واذا لم تعجبك طنشها واضرب بها عرض الحائط ولا عليك منها ههههههههههههههههههههههههههههههه تمنياتي لك بالتوفيق والنجاح

بارك الله فيك ,, ونفع بما قدمت ,,