استاذه رهف المرزوقي من يعرفها؟؟؟؟؟؟؟؟؟

[ღ احسـاس طفلهـღ]

المشاركة الأصلية كتبت بواسطة سمــــاء سلام عليكم ورحمة الله كيفك يـا سكـــر حبيبتي انا عندي استفسار لك حاولت ارسلك رسالة خاصة بس عشان مشاركاتي ماتتعدى المية مارسل فاضطريت اكتب فموضوعك واسفة لو اني داخلة عرض بس الموضوع ضروري بالنسبة لي حبيت اخذ رايك فجدولي من ناحية المواد اذا كان اقدر ادرسها كلها مع بعض والا صعبة علي اخذت محاسبة 1 استثمار ادارة موارد بشرية ادارة عمليات نظم معلومات تحليل وتصميم نظم معلومات اشرايك اقدر اخذها كلها مع بعض والا احذف حاجة منهاا وانا اسفة مرررررررة على الازعااااج الله يسعدك ياارب ويوفقك ان شاالله وتلقي احد يجاوب على استفساراتك.. الف شكر لـــكـ

اهلين ياعسل
بالنسبه لجدولك انا في السمستر الخامس اخذت نفس موادك باستثناء المحاسبه اخذت بدالها ادارة اعمال بالانجلش

هو صحيح كان شويه ضغط لكن الحمد لله عدى على خير يعني يبغالك تشدين حيلك شوي زي موارد بشريه ماده دسمه ومليانه يبغالها مذاكره اول باول لان المنهج كبير

وعلى فكره مررررررره حلو لو تاخذين نظم معلومات مع تحليل وتصميم في نفس السمستر لانهم يتشابهون كثير وفي فصل كامل في نظم معلومات يتكلم عن التحليل والتصميم فما حتتعبي في المذاكره ان شالله

بس شدي حيلك في المحاسبه هي سهله بس يبغالها تركيز وحضور على طول يمكن لو غبتي محاضره وحده يفوتك كثير وانا مستغربه انك اخذتي مالية شركات بدون محاسبه؟؟؟ الي اعرفه انه محاسبه متطلب لمالية شركات
والاستثمار اسهل من مالية شركات لكن زيه من ناحية انه يتطلب انك تعرفين اسس محاسبيه وانتي تقولين انك عديتي في مالية بدرجة كويسه يعني ان شالله راح تعدي في الاستثمار كمان

وعالعموم ياعسل لو شديتي حيلك ونظمتي نفسك إن شاء الله ماراح تنضغطي