طلاب وطالبات نظم معلومات ادارية عندي استفسار عن هالمواد

[a7la wrdah]

السلام عليكم

عيدكم مبارك :)

حبيت اسالكم عن هذي المواد من مسار نظم معلومات

تجارة الكترونيه
مواضيع متقدمه في نظم لمعلومات
قواعد البيانات وتطبيقاتها
لغات البرمجه

ابي اعرف كل ماده عن ايش تتكلم؟
افضل استاذ لها؟
ايش نوع تكاليفها؟
تقييمك للماده سهله صعبه ؟

انا عارفه كذا كذا لازم اخذها بس احب قبل مااخذ الماده اكون عارفه عنها كل شي ومااتفاجا

[my hero]

تجارة الكترونيه مع الدكتور محمود الزيود
المادة حلوة من اسمها وغالبتها اشياء احنا عارفينها عن الانترنت والتسويق عبر الانترنت وكيف استخدام الايميل وووو واسئلته نفس اسئلة اخر كل فصل من الكتاب ما يغير فيها ولاحرف والمادة كلها 5 او6فصول دوري اول فصلين ودوري 2 فصلين ولا في مشروع ولا شئ بس يطلب بحث من النت ....


مواضيع متقدمه في نظم لمعلومات انا اخذتها برضه مع محمود الزيود يعطينا البوريوينت وبس انذاكر منه ما يتجاوز 50 صفحة في النهائي المادة حلوة وسهلة

قواعد البيانات وتطبيقاتها اخذتها مع ريم المشاط كل المادة اساسها انك تتعلمي برنامج الاكسس وتسوي عليه مشروع وفيه جزء نظري بسيط بس نصيحة انك تاخذي دورة اكسس في معهد قبل ما تاخذي المادة لان شرحها مو قد كذا بس اسالتها حلوة ..

لغات البرمجه مالك غير ناصر شطوان مافي احسن منه اياكي تاخذيها مع كمال الخوالدي مررررره سئ المهم كل المادة اساسها انك تتعلمي برنامج الفجوال بيسك والاكواد حقتها برضه لو تاخذي دورة في هذا البرنامج يكون احسن المادة بصراحة صعبة ومقرفة بس االحمد لله الدكتور ماقصر واعطى غالبية الشعبة 90 مع اننا جايبين العيد في الاختبارات لان اسالته صعبة وطبعا برضه يطلب منك تسويين مشروع بالبرنامج ..

اي سؤال انا حاضره بالتوفيق ^^

[a7la wrdah]

يعطيك العافيه

[a7la wrdah]

رفع الموضوع للافاده

[الورد الفوشي]

بالتوفيق يارب
بس حابه اسال انا الحين ابغى احول كلية الاداره والاقتصاد هذي السنه
وحابه قسم نظم معلومات اداريه او محاسبه
للحين مفتوح القسم في فرع السليماانيه ولا خلاص نقلوه لرابغ ؟؟؟؟

[Bnota lzeza]

صبــــاح الخيـــــــر

my hero..ممكن تديني رايك في جدولي انا حاخد 5مواد تخصص :

اداره عمليات +سلوك انساني+ماليه شركات+تسويق اش تنصحيني باستاذات لهدول المواد وكمان ابغا معاهم ماده خامسه محتاره بين اداره اعمال بالانجليزي او نظم معلومات او اداره موارد بشريه

الله يوفقــك ويسعدك

[n.k]

افيدوني بهذه المواد لو سمحتوا

مين الاستاذات الكويسات :

ادارة الاعمال الانجليزية
تسويق
مالية شركات
ادارة العمليات
ادارة موارد بشرية
نظم معلومات ادارية

وبالتوفيق للجميع ....

[Bnota lzeza]

الله يخليكم ساااعدوني

[Bnota lzeza]

الله يخليكم ساااعدوني

[a7la wrdah]

ايش هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا سالت في موضوعي عن مواد محدده الي حاب يسال يفتح موضوع مستقل