سؤال للبنات اللي بينتظرو لبداية الترم عشان يتخصصو e

[رغد محمد]

المشاركة الأصلية كتبت بواسطة @ هفوات @ بناات انا رحت الجامعه امس وليتني ما رحت قابلت وحده من الدكتورات ناسيه اسمها وبجد احبطتني انا بصراحه مستوايا مو مررره في الانجليزي يعني مش ولابد وحابه اتخصص انجليزي عشان اتعلمه واطور نفسي فيه لكن احبطت يوم قالت اصلا احنا ما نقبل غير التوب في الانجليزي لان انتو انتساب يعني لازم تكون خلفيتكم جدا عاليه عشان تعتمدو على نفسكم واهم حاجه الريدنق والرايتنق وقالت اذا درجاتكم مش ولا بد في الاليكا وهوا المفروض تجيبي فيه تسعين من غير مذاكره اش راح تسوون في النقد الادبي وشكسبير فأنا قلتت لها ان اللي بيتعلم شي يبدأ من الصفر ولو اني توب في الانجليزي ماكان دخلته كان شفت لي شي ثاني انا داخله انجليزي عشان اتعلمه بصراحه طلعت من عندها وانا مخنوووووقه وودي ابكي من الاسلوب مع اني كنت في قمه الذوق معاها والاحترام لكن هيا بصراحه اسلوبها ما اقدر اعلق عليه حسستني اني جااااهله واني مستحيل اتخصص بما اني ما جبت درجات عاليه في الشي التافه الاليكا سووووري مررره طولت بس والله الموضوع مرررره مضايقني والله يكتب لنا الخير وين ما كان وييسره لنا

ياقلبي ...
ربي ما يقفلها من مكان إلا يفتحها من مكان ثاني ...صدقيني ...
توكلي على الله وراح تشوفي الخير قدامك ..إنتِ بس توكلي عليه ..وإذا على كلام الدكتورة ..خليكِ منو ولا كأنك سمعتيه أو حتى مر عليكِ ..طيب ..شوفي هذه العبارات المشجعة :

جون تشارلز سالاك:
( لا يصل الناس إلى حديقة النجاح دون أن يمروا بمحطات التعب والفشل واليأس، وصاحب الإرادة القوية لا يطيل الوقوف في هذه المحطات )...

*

فى مقابل كل شى يستحق الحصول..على الواحد منا دفع ثمن له.....

والثمن عادة ما يكون ..العمل..الصبر..الحب... التضحيات...

علشان كذا ياعسل ..حاولي المستحيل ولا تخلي أي كلام يأثر على عقلكِ وقلبكِ ..مهما كان هذا الكلام سلبي ..قولي لنفسك ِ دائمًا...

أنا أقدر ومافي شي مستحيل ابدًا ...

الله يسهل أمورك ِ ياعسل ..ولو تامري على شي انا في الخدمة ...

رغوووووووودة ..