سجل حظورك/بهمس على ذوقكـ

[راما666]

لا تصحـي ياغيـابـه ذكريـاتـي المهمـلـه
ولاتجي لي مثل"ومضه" تشعل عيون الضريـر




احتياجي كـان كذبـه ترتـدي ثـوب الولـه
واحتماله لإندفاعي وإبتعادي كـان "غيـر"..!



بس..لو يدري عن اللي في عيونـي أشعلـه
وعن جواب الحال بعده كيف صاير "مو بخير"




إسألو ذيك الرسايـل عـن شعـور أتجاهلـه
وكل حرفٍ إحتواها كيف يعني لي كثيـر ؟!




لانتهيت الـوارد ارجـع ابتـدي بــ المُرسَلـه
وأضحك لطول أنتظاره كيف يرضى بالمصير !

أعترف إني ولا أذكر وش سبـب هالمشكلـه
وليه أصـلاً انتهينـا وارتمينـا بالسعير !!



وابتدت لحظة سكووون تعيد ذكـرى البهذلـه
يومها قال :" افترقنا ..واصلي..دوني المسير"



أفترقنا ..! ليه يرجع؟ ما هي لعب المسألــة !!
كيف نرجع ؟..كيف نبدا..؟ من نهايات الأخيـر



يمكن آتساقط إهانـه والخضـوع أستسهلـه
ويمكن أكسب في رجوعي نعمة "القلب الكبير"



بس أكيد الوضـع هـذا ..شي..مـا أتحملـه
لأني اعرف كيف اقدر بــ إنكساراتي أطيــر



وياعيوني جاوبينـي قلبـي مـن يستآهلـه ؟!
مو انا "السندريـلا" وقلبـي يستآهـل أميـر!