مرحبا:)

[saraya]

شكر لك اخوي بحر
انت متخرج ممكن تخبرني ايش تخصصك

[xo_ox]

السلآم عليكم ..

انا اللي اعرفو تخصص ادارة مستشفيات من احسن التخصصات ومرغوووووب فيه بالمرآ ولو توظفت إن شاء الله بعدين رواتبهم حلوه .. ودا كلام واحد من قرايبنا صيدلي

وكمان في بنت جيرانا متخرجه بانتساب وتخصصها ادارة مستشفيات ومعدلها ماشالله مرتفع وطلبوها في جده في المستشفى براتب 9000 بدائي

وفي الاخير انتي تختاري الشئ اللي بتميليلو وحتمشي فيه إن شاء الله والله يوفقنا ويوفقكي

[saraya]

مشكورة اختي

[زوينة]

انا تخصص ادارة خدمات صحية و مستشفيات ،،،
التخصص مرررة حلو و ممتع بس حتكون دراستو بالانقليش في السنوات القادمة ان شاءالله و دا كلام وحدة من الدكاترة اللي درسوني و الله اعلم ،، و كوظيفة دا المجال مرغوب فيه و مضمون الحمدلله ،،، و ازا في اي استفسارات تانية انا حاضرة ،،، بالتوفيق ان شاءالله للجميع

[mr.sami]

الله يسعدك يازوينه طمنتى قلبي

كنت ناوي السبت اغير التخصص

بس خلاص

حاستمر على التخصص

[مطلق العنزي]

بالنسبه للشباب اللي يقدريدخل موارد بشريه هي المطلوب
اما البنات فعذرا لاعرف المسارات المتاحه

[saraya]

شكر على مروركم جميع
سؤال اخير اللي يتخصص مسار عام
ايش وظائف الموجودة فيها

[T@RIQ]

هلا اختي ،،، انا ماني عارف انتي بتسألي عن التخصصات او المسارات ،،، لكن انتي بتقولي انك اخترتي تخصص ادارة عامه عشان كذا انا حجاوبكي على مسارات الادارة العامه مع الشرح ،،، المسارات ثلاثه ،،، ادارة عامه مسار عام ، ادارة عامه مسار الخدمات الصحيه والمستشفيات ، ادارة عامه مسار التطوير والتنظيم الإداري .

وبخصوص ايهما افضل ،،، هذا الاختيار لكي وانتي اللي تقرري ،،، لكن بعطيكي معلومات عامه عن المسارات :
اول شي لازم تعرفي ان قسم الادارة العامه يخرجكي على الوظائف الادارية الحكومية في القطاع العام ،،، وبنسبة قليله في الشركات الخاصه في القطاع الخاص .
وهذا معناته دخولك لايه مسار ماحيفرق من ناحية القطاع ،،، لانها كلها بتخرجكي على القطاع العام الحكومي .
الحاجه الوحيده الي حتفرق معاكي هي مجال عملك ،،، يعني لو اخترتي مسار الخدمات الصحيه والمستشفيات حتكون وظيفتكي في مجال الصحه في القطاع الحكومي من مستشفيات وغيرها ،، ولو اخترتي مسار التطوير والتنظيم الإداري حتكون وظيفتكي في قسم التطوير او التنظيم او التخطيط مثلا في اي ادارة حكومية في القطاع العام ،،، يعني مسار التطوير والتنظيم الإداري مايربطكي في مجال معين زي مسار المستشفيات الي يربطكي بمجال الصحه ،،، ولكن مسار التطوير والتنظيم الإداري يربطكي في الاقسام الاداريه اللي ذكرتها قسم التطوير او التنظيم او التخطيط مثلا ،،، اما المسار الاخير وهو العام تكون وظيفتكي اداريه في ايه مجال وفي ايه قسم في القطاع الحكومي ،،، يعني لايربطكي لا في مجال كالصحه ولا في قسم كالتطوير وتستطيعي العمل به في ايه قطاع حكومي .
وانتي شوفي نفسك ،،، اذا حابه انك تعملي في مجال الصحه اختاري مسار المستشفيات ،،، واذا حابه تعملي في قسم التطوير وغيره اختاري مسار التطوير ،،، واذا حابه تسيبي الشغله مفتوحه بدون تخصص اختار مسار عام .
باختصار اختي مسار عام شامل ،،، اما المسارين التطوير والمستشفيات متخصصه
تحياتي اخوك طارق

[saraya]

مشكورة جدا لك اخوي t@riq انك فهمتني مسار زين
يعطيك الف عافية لان خلاص دخلت في رأسي مسار عام شكر

[T@RIQ]

المشاركة الأصلية كتبت بواسطة saraya مشكورة جدا لك اخوي t@riq انك فهمتني مسار زين يعطيك الف عافية لان خلاص دخلت في رأسي مسار عام شكر

بالتوفيق اختي ،،، وفعلا المسار العام في تخصص الادارة العامه افضل لمن ليست لديه رغبه قويه في مجال الصحه لمسار المستشفيات او في اقسام معينه كمسار التطوير ،،، رغم ان التخصص في مجال معين مطلوب ولكن اذا لم تتماشى المسارات المتخصصه مع رغبتك واقصد بها المستشفيات والتطوير فالافضل المسار العام لشموليته جميع الوظائف الاداريه في القطاع الحكومي ومنها الصحه واقسام التطوير ،،، ولكن تذكري في حالة تقدمتي لوظيفة في مجال الصحه وانتي مسارك عام ويوجد متقدمين مسار مستشفيات فسيتم تفضيلهم عليكي وبنفس الطريقه لمسار التطوير ،،، واذا كان عندك سؤال في غير ماذكرت انا حاضر ،،، تحياتي