يتزوج عليها .... شي طبيعي؟

[طالبة.مجتهدة]

الا كلامك صح نيران...
لأن الحرمة قبل ما يتزوج عليها زوجها تخيلي ايش تسوي ترفع البيت ولا تتنتبه للعيال ولا تضيف ولا تروح تشوف أهلها ولا تتزين لزوجها وتفضاله تبعا وهو مسنتر في البيت....
لكن لو تزوج عليها تقدر تسوي دي الأشياء كلها وهو مو في البيت وعلى ما يجي عندها تكون رتبت نفسها ومستنيته....
كمان الحرمه لو زوجها تزوج عليها دا يعني في حرمة ثانية في حياته لازم تطلع نفسها احلى منها صح ولا لأ؟؟؟
الغيرة ياقلبو لها دور...
وفي شي ثاني كمان انو الحرمة تصير مع ضرتها تمام كيف؟؟؟
في البداية الزوجة تحقد وتعصب ومري وش تسوي لكن في النهاية تعرف دا مو من مصلحتها ترجع تصادقها وتصير تمام معاها ....



دي الحياة والرجال في الأول والأخير ما يتزوج ثانية الا لسبب ما وبكدا يصير هوا الكسبان عدل من حرمته صح ولا....


مشكورة عالموضوع اللي حمسني ارد عليه...