أرجووكم

[ولد قحطان]

السلام عليكم ورحمة الله وبركاته


يااخوواني في الله انا كنت راسب في مادة التحليل الكمي ويقولون ان الجامعة حذفت الماده

وحتى انا شفت في الاودس مواد التخصص ولا لقيتها


يعني الماده عديتها راحت ولاكيف؟؟؟


افيدوني جزاكم الله الف خير

[الشيخه نوره]

بالتوفيق اخوي

ان شاء الله يفيدونك الآخوان

[ضيدان]

التحليل الكمي Econ104
التحليل الاحصائي Econ105
مهارات البحث العلمي EARQ100

الغيت هذي المواد من الخطة ووضعت مكانها هذي المواد

الرياضيات للتخصصات النظرية Math111
الا حصاء للتخصصات النظرية STAT111
مهارات التفكير IS101


وهذا الكلام اللي قالوه لي الاخوان في نظام المعاملات الالكتروني
(نرجو منك مراجعة مشرف الانتساب بالكلية خلال فترة تواجدك بالجامعة)
ولما رحت له قال لي الكلام اللي فوق مواد الخطة القديمة والمواد البديلة بالخطة الجديدة

ونصحية راجع مشرف الانتساب راح يطلع لك برنت بالمواد اللي خلصتها والمواد اللي عادلوها لك من الخطة القديمة بمواد من الخطة الجديدة وراح يقول لك ايش المواد اللي راح تدرسها والساعات المطلوب تدرسها ويحطك بالصورة 100%


اذا انت درست المواد اللي فوق وعديتها فما له داعي تدرس المواد البديلة اما اذا ما درستها او ما عديتها تدرس المواد البديلة

يعني ما راح تدرس التحليل الكمي وراح تدرس يا رياضيات او احصاء ما ادري وش بديلها بالضبط على شان كذا لازم تروح تكلم مشرف الانتساب
والله يوفقك ويوفقنا ان شاء الله

[ثامر البراق]

يا عزيزي كل شي موضح بالنظام
اذا المادة محذوفه حتى من المسار
يعني أن الماده محذوفه نهائياً

والأصل .. من كلام الكثير من الطلاب
إن الماده انحذفت نهائياً .. ولن تختبرها مره أخرى

وبالتوفيق