اكثر الشعب السعودي لا يعرف ها القرار

[أبو رآكآن]

الله يعافيك يالصقر على نقل الخبر المفيد

أخوي يعني طلب رفع الراتب إلى 50 % يتطلب إجراءات أو شيء من هالقبيل أو شروط معينه !
أنا من مرتادي المصلحة العامة وأقول الله لا يعينهم الراتب الشهري للأهل متوقف لأكثر من 3 شهور وكل شوي يأجلونه لي ولا أستفيد من روحتي لهم غير راجعنا بعد أسبوع أو أسبوعين ..

أنا بودي اللي يقول الشعب ما يطلع على القرارات ويجرب يداوم له فتره عند المحصلة ويشوف المرمطة اللي يتمرمطون فيها الشعب عشان حق له ولاهم سائلين فيه

وضع المتقاعدين صعب والله وخصوصاً أن بعضهم يكون كبير في السن ولا له من يراجع له عن أمور مرتبه كل شوي
والراتب هو الشيء الوحيد اللي عايش عليه بعد أمر الله

أنا شفت منظر مره لإمرأة كبيره في السن والله أن منظرها لا يسر عدو ومحزن و الموظفين ما قدروا عجزها وكبرها ويقولون راجعينا بعد فتره يا عمه ومن ضمن اللي سمعته أنه مرتبها له 6 شهور ما صرفوه لها ..

غير بعيني شفت منظر لشايب يبكي قدامهم يقول يا ولدي أنا ماني محصل ريال أشتري لعيالي نعمه يأكلونها ولي شهور ما صرفوا لي شيء وش أسوي أروح أسرق وإلا أتسلف ولا نزل راتبي راح كله سلفيات ..

الحمد لله على كل حال وليت هالمصلحة تهون على الناس أمرهم ..