لماذا تدرس الجامعة انتساب (( نقاط مهمه ))) قبل فوات الاوان

[faisal aljrees]

السلام عليكم
اعتقد نقاط الموضوع هي اجتهاد شخصي وتجاهلت نقطة مهمه وهي التدرج في المستوى العلمي مابعد شهادة الانتساب كالماجستير والدكتوراة و ايضا الدبلوم العالي (اكمال دراسات عليا) وهو السبب الرئيسي ضمن اسباب اخرى كالترقية واضافة النقاط الوظيفية .

لذلك اتمنى اضافة هذه النقطة

تحياتي وتقديري

[..ALBADR..]

المشاركة الأصلية كتبت بواسطة نواف العنزي اذا تبي تدرس علشان وظيفة جديده اقول لاخواني واخواتي واني والله لكم من الناصحين لاتضيع فلوسك لان الانتساب ماله مستقبل في جميع تخصصاته(عدى تخصص لغة انجليزية) لو طب انتساب انسى وظيفه

ممكن سؤال؟؟؟

هل انت تقول هالكلام من علم وتجربه ومعرفه ومرت عليك نماذج كثير من طلاب تخرجوا ولا استفادوا اي شي من الشهاده ؟؟
_____________

ولا هذا الكلام اللي كتبته مجرد توقعات من عندك ؟؟؟؟؟

يا ليت تفيدنا عشان نستفيد من خبرتك

[thowab]

مساء الخير أخوي نواف.
من قال لك ما فيه مستقبل للأنتساب؟

فيه أكثر من شخص تخرجوا من جامعة الملك عبدالعزيز
وقدموا على وزارة التربية والتعليم وأنتظروا أكثر من سنه
والآن هم مدرسين.

[Tamim]

كل النقاط اللي ذكرتها مهمه جدآ

بالنسبه لي دخلت الجامعه للرغبه في زيادة المعرفه والعلم وبالتحديد في تخصص تطوير وتنظيم اداري اللي احب التعمق في مجاله ، وبالاضافه الى هذا الشيء وبامانه فالشهاده الجامعيه لها صدى اجتماعي افضل عند الناس افضل من مجرد شهاده ثانويه ومو عيب ابدآ انك تحسن من مستواك التعليمي

اما بالنسبه للعمل فاكيد حصولي على الشهاده بيزيد من احتمالات الترقيه او المنافسه على وظائف الاخرى او الحصول على مميزات ماليه والاهم من كذا بعد التقاعد اذا اطال الله في عمرنا بيكون فرص الحصول على وظائف اخرى افضل مع الشهاده الجامعيه

[خرجاوي]

حبيبي تعال انا مخالف معك في نقطه تقول الانتساب ماله مستقبل وظيفي في اول كلامك

انا اعرف اكثر من شخص معرفه قويه درسوا انتساب نفس النظام وتخرجوا وحصلو وظائف غير وظائهم اللي مدني تغيرت وظيفته واللي عسكري تغيرت وظيفته

وفيه شخص وصلتني اخباره انه منتسب اداره عامه وتعين مدير شؤون الصحيه بس مدري وين قال فيه لكن ثقه اللي علمني

وفيه وفيه الكثير اللي تغيرت وظائهم وحياتهم كلها بعد ماخذو الشهاده وعن طريق الانتساب المشكله اشوف بعض المواضيع والردود تجيب للواحد هم وغم ونفسيه للناس والمشكله ماعنده شي يثبت ذالك

ياخوان احمدو ربكم انكم بهالمرحله والله ان فيهم غيركم يصيح يبكي يبي محلكم يبي يدرس بس ماباليد حيله ياشهادتهم قديمه جدا او ظروف خاصه

الامل قدامكم جميعا واتمنى لكم التوفيق والسداد

[نواف العنزي]

المشاركة الأصلية كتبت بواسطة faisal aljrees السلام عليكم اعتقد نقاط الموضوع هي اجتهاد شخصي وتجاهلت نقطة مهمه وهي التدرج في المستوى العلمي مابعد شهادة الانتساب كالماجستير والدكتوراة و ايضا الدبلوم العالي (اكمال دراسات عليا) وهو السبب الرئيسي ضمن اسباب اخرى كالترقية واضافة النقاط الوظيفية . لذلك اتمنى اضافة هذه النقطة تحياتي وتقديري

بارك الله فيك احسنت
نعم نقطه على بالي ولاكن غابت وقت الكتابه

[شيماء الرياض]

أنا وأخوي مسجلين مع بعض أخوي عسكري بالامن العام يقول عكس اللي تقول عن العسكريين مثل بدل شهاده وترقيه أول واحد يكون بالترشيح طبعاً كل سنه ياخذها يرفعها وهو دخل جندي على وشك جندي أول يعني دخل المستوى الاول ترقى والان عريف يقول بعد الله ثم الشهاده بسرعه ترقى ماتأخر مثل أخوياة ..ويقول إذا حب الواحد يبحث عن وظيفة وهو على رأس العمل عشان أنا وياه تخصصنا إدارة مستشفيات ...
بالنسبة لي أنا تطوير وظيفياً وذاتياً ومادياً يعني من جميع الجوانب ولله الحمد والمنه وبعد كذا ماجستير خارج المملكه على حساب العمل ..وإحتمال بعد البكاليوريوس أدرس لغة خارج المملكة سواء على حسابي أو على حساب العمل كلها تمشي وأيضاً الماجستير على حساب العمل أو على حسابي.. بصراحة الواحد يتأخر ليش عشان ينتظر دورة يجيه وهذي طموحاتي ..وأشكركم على الموضوع المهم جداً..

[نواف العنزي]

المشاركة الأصلية كتبت بواسطة ..albadr.. ممكن سؤال؟؟؟ هل انت تقول هالكلام من علم وتجربه ومعرفه ومرت عليك نماذج كثير من طلاب تخرجوا ولا استفادوا اي شي من الشهاده ؟؟ _____________ ولا هذا الكلام اللي كتبته مجرد توقعات من عندك ؟؟؟؟؟ يا ليت تفيدنا عشان نستفيد من خبرتك

المؤهلات التى احملها
بكالوريوس== وهذا الثاني وكنت ابي اطلب ماجستير ورفضوا المعادله لي في هذه الجامعة
دبلوم لغة انجليزي مكثف === دوره حكومية
دورة ادارة عامة تاسيسيه
رخصة القيادة الدولية اكاديمية الفيصل العالمية
هندسة برمجيات وتصميم قواعد بيانات ===معهد الادارة العامة بالرياض
3 دورات حاسب الى === جهات حكومية
ودورات متفرقه مثل مهارات القيادة -التدريب العملي
هذي هي تجربتي بالحياة - وعلى ارض الواقع اكلمك
يبدولي ان بعض الاخوان فكر في الجهه اليسرى من العقل وهو التفكير السلبي
لكل واحد هدف من دراسة الجامعه ولا يوجد من هو فاضي لدراسة وانما لتحقيق رغبة والرغبات حاجة لاتدرك
سؤالي ماهو الهدف من الدراسة لك ولجميع الاخوان
ونرى اختلافات بالأراى وهدفي ان بعض الاخوان لهم اهداف نتجاهلها من عسكريين ومدنيين ووظائف نسائية هناك انظمة لانعرفها اي تخفى على المواطن من حيث التوظيف او الحصول على نقاط في الترقيه او افضليه بالنظام
وانا ضد الاخت الى تقول الواسطة انا معك فيه واسطة لاكن بالنظام يعني ماتقدر توظف واحد بشهاده اقل من المطلوب =الناس خايفه على مناصبها
واذا انت افضل يحق لك المطالبه
بالنسبة للخريجين ماودي اطول لاكن ماحدث معي يوم الخميس الماضي وهو اخر اختبار مادعاني لكتابة هذا الموضوع وهنا نوعين سلبي وايجابي ((((خلونا نكتب بطرق علمية )))
سلبي
كنت طالع من الرياض لختباري يوم الخميس ومن مطار جده اخذت تاكسي وتبادلنا الحديث طلع متخرج من الجامعه وقلت ماحصلت وظيفه قال شوفت عينك بحثت ولم اجد كلهم يرفضون واغلبهم يطلبون خبره وانا راجع بعد الاختبار والله نفس الموقف مع شخص اخر ويقول والله مصوا فلوسي وتحسفت اني درست قلت ياخي هذا علم يكفي انك مثقف الان قال خلها تنفعني الثقافة الحين
ايجابي
احد الاخوان ممن اعرفهم له خبره طويله في المجال الامني تقريبا خدمه 20 سنه وخلص من الجامعة قبل سنه تقريبا وقدم على احدى شركات الطيران الان براتب 30 الف غير الراتب التقاعدي
والسبب الخبره والشهادة ويحمل بكالوريوس
وهناك الكثير ولضيق الوقت اختصر
حنا نبي الهدف الان والسبب والنظام حتى يعرف الجميع تفكير غيره ونتبادل الافكار
وشكرا

[۩ MąM ۩]

اول شي عشآن يقولون معي شهآده :p

ثآآني شي ضمآآن للمستقبل .. لآني حتوظف عند الوالد الله يخليه

على قولهم حطها على الرف لوقت الحااجه ..

كل شوي يجي واحد ويقول ليش تدرس إنتسآب وآلآنتسآب مآلو مستقبل !

وتحسسوني إن الانتظام في السما والانتساب في الارض

اسمحلي .. إحنآ بالسعوديه مو بأمريكا

عندك واسطه ! .. كل شي حيمشي

يآمآ عآلم آتخرجت من الانتظام ومآعندهم واسطات .. وإلى يومك هذا يبحثو عن عمل !

زي مآقآلت آلآخت جآمعيه .. الواسطه ثم آلآنتساب آو آلآنتظآم

يعني لو مآمعك وآسطه .. إتكلم على الآنتظآم وآلآنتسآب ..!!

لكن معك واسطه .. حط في بطنك بطيخه ..

[نواف العنزي]

المشاركة الأصلية كتبت بواسطة شيماء الرياض أنا وأخوي مسجلين مع بعض أخوي عسكري بالامن العام يقول عكس اللي تقول عن العسكريين مثل بدل شهاده وترقيه أول واحد يكون بالترشيح طبعاً كل سنه ياخذها يرفعها وهو دخل جندي على وشك جندي أول يعني دخل المستوى الاول ترقى والان عريف يقول بعد الله ثم الشهاده بسرعه ترقى ماتأخر مثل أخوياة ..ويقول إذا حب الواحد يبحث عن وظيفة وهو على رأس العمل عشان أنا وياه تخصصنا إدارة مستشفيات ... بالنسبة لي أنا تطوير وظيفياً وذاتياً ومادياً يعني من جميع الجوانب ولله الحمد والمنه وبعد كذا ماجستير خارج المملكه على حساب العمل ..وإحتمال بعد البكاليوريوس أدرس لغة خارج المملكة سواء على حسابي أو على حساب العمل كلها تمشي وأيضاً الماجستير على حساب العمل أو على حسابي.. بصراحة الواحد يتأخر ليش عشان ينتظر دورة يجيه وهذي طموحاتي ..وأشكركم على الموضوع المهم جداً..

تسلم اخوى على ماتبدي من وجهة نظرك واحب افيدك ان السنة الدراسية بالجامعة تفضلك عن غيرك
والسنة الدراسية بالجامعة 21 ساعة تحسب لك سنة دراسية وهذه تعادل لك فيها نقاط في ترشيح الترقيه بالنسبة للافراد والطريقه خطاب من جهة العمل موجهه للجامعه بعد كذا الجامعة رايح يردون لجهة العمل عن طريق البريد ولا يسلمونها شخصيا خوف من التزوير بعدد السنوات لاكن بعد 21 ساعه وتوضع في ملف الفرد وتحسب له نقاط في الترقيه وكثير يدرس سنه ويترك الجامعة يبي نقاط لترقيه فقط
ثانيا = ماهو المطلوب للماستر اخي ؟بما ان هذا هدفك وشكرا