الحل مع القانون الاداري 230

[Abaaaadi]

بسم الله الرحمن الرحيم

أخواني الله يرحم والديكم فاتح الكتاب من الصباح قريت لصفحة 27 والله العظيم أني أقرأ ولا ادري وش السالفة والمادة دسمة والملخصات ما هي مضمونة
وش الحل عطوني نصيحتكم يا مسلمين ضاق صدري وقلت ما لي إلا الله ثم أنتم
تكفون بارك الله فيكم الاختبار يوم السبت

[الكايف]

اخوي استعن بالله وادعه وبتتسهل إن شاءالله

تانيا اقراء الكتاب بتركيز او خذ ملخص جيد وبعدها اكتر من حل الأسئلة او نماذج سابقة لأنه إن شاءالله اغلب الأسئلة راح تتكرر



الله يوفقنا ويسهل علينا جميعا

[بدرناصر]

اخوي الله يعنا وياك على هالماده بس فيه ملخص منزله الاستاذ بالمكاتب انا اخذته من المنتدى عباره عن 37 ورقه.

ذاكرها وركز على الباب الربع من الكتاب وانتبه تحاول تحفظ اقرها كنك تقرا قصة وبعدين امسك اسئله وحلها


والله يوفقك ويفقنا

[مواويل الخرج]

أخوي الغااالي :
هذي هم من هموووم الدرآآســه شد حيلك وانا أخوووك ولا تقول يارب عندي هم كبير بل قل ياااهم لي رب كبير
وأستعن بالله سبحاانه وان شآء الله انهاا تسهل عليك ..
وفيه ملخص لمحمد القحطاااني بمكتبة دار حافظ .. 37 ورقـة.

وعسى الله يوفق الجميع ان شآآآء الله .

[مصدر مسؤل]

ربك يسهل علينا جميعا
بالنسبة لي قريت المذكرة قبل حوالي 10 ايام والحين بابدا في اعادتها مع التركيز والتخيل ومن ثم اتجهة بسرعه وحط رجولك للاسئله مع التكرار وصدقني بتظبط معاك
تحياتي لكم وبالتوفيق

[Abaaaadi]

المشاركة الأصلية كتبت بواسطة بدرناصر اخوي الله يعنا وياك على هالماده بس فيه ملخص منزله الاستاذ بالمكاتب انا اخذته من المنتدى عباره عن 37 ورقه. ذاكرها وركز على الباب الربع من الكتاب وانتبه تحاول تحفظ اقرها كنك تقرا قصة وبعدين امسك اسئله وحلها والله يوفقك ويفقنا

أبو ناصر بارك الله فيك وين أحصل الملخص بالمنتدى ليتك تحط الرابط لا هنت

[المشتـاق]

شد حيلك فية وقت ان شاء الله

[alzaeem]

تبغى تفهم


افتح الكتاب وحطه قدامك وافتح الملخص من الاب توب وامش معه خطوه خطوه وراح تفهم ويصير الكتاب عندك واضح وسهل


واكتب بيدك بورقه خارجيه الخصائص والمزايا والتعاريف راح تلصق بذاكرتك

والله يوفقك يابطل

[SaudiStar]

الملخص وين ألقاه واذا له رابط يا ليت تشوفونه لنا

[المهندسكو]

المشاركة الأصلية كتبت بواسطة alzaeem تبغى تفهم افتح الكتاب وحطه قدامك وافتح الملخص من الاب توب وامش معه خطوه خطوه وراح تفهم ويصير الكتاب عندك واضح وسهل واكتب بيدك بورقه خارجيه الخصائص والمزايا والتعاريف راح تلصق بذاكرتك والله يوفقك يابطل

نعم هذه هي اسلم وأحسن طريقة ، وهي التي اقوم بها الآن والحمد لله وصلت إلى صفحة 87 من الكتاب
ولعلمك بأنك يوم تصل إلى المركزية واللامركز وخاصة في النظام السعودي راح تنبسط لإنني أشوفه
سهل جداً ، والله يوفقك