اختلاف كبير بين الرياض والشرقيه

[عبووود القريات]

بسم الله الرحمن الرحيم
السلام عليكم ورحمة الله وبركاته
بداية وبدون مقدمات انا بالترام الأول اختبرت باللجنة المعقودة بالرياض بصراحة كانوا المراقبين يتعاملون بأسلوب ممتاز للغاية ويحاولون بقدر الإمكان الابتعاد عن استفزاز الطلاب وتوفير أجواء هاديه لطلاب كما وقاموا بتوفير أشياء صحيح أنها تعتبر أشياء ليست ذات قيمه لاكتها تعني لطالب الكثير تشعره بالاهتمام وهي أقلام الرصاص ومياه الشرب بالمجان هذا الشيء افتقدته كثيرا في اللجنة المنعقدة بمدينة الدمام هذا الترم حقيقة هناك استفزاز كبير من قبل المراقبين للطلاب وخاصة هناك ثنين من المراقبين في اللجنة كل شوي ينقز واحد فيهم للمايكروفون سوو ولا تسوون لا ترفعون ولا تنزلون لا تلتفتون ولا تكلمون تهديد بكل لحظه وحين بسحب الأوراق حقيقة أربكونا يعلم الله شتتوا تفكيرنا نبي نركز ما نقدر من هل مايك كل شوي يطلع واحد بكلام بس يبي يبن انه موجود المشكلة اذا نزل واحد منهم لصفوف فأكيد بيسوي مشكله لطالب إما يهدده ولا يسحب ورقته حتى لونه يعرك عينه هذا بالإضافة إلى بيع الأقلام وعدم توفر مياه الشرب الذي افتقدته في تلك اللجنة مع العلم أني لم احتاج ولله الحمد لا لقلم ولا لماء بل احتجت للتركيز الذي افتقدته في تلك اللجنة .
مفارقه عدد لجنة الرياض تفوق لجنة الدمام أربع إضعاف اقل شي .
وتوبة لن أعود إلى لجنة الدمام رغم ان والدي يسكن هناك وسوف أضل في لجنة الرياض ففيها أجد الراحة والتركيز

منقووووووول وانا صاحب الموضوع الاساسي ونقلته لعله يقع تحت عين مسئول
ودمتم بخير

[كارزيما]

الله يهديهم ويصلحهم

كثرة التنبيه اللي يسوونه كل شوي في القاعة ماله داعي

[بروفشنل]

ياخي صاحب الموضوع والله انك جبتها على الجرح انا بصراحه اختبرت بالرياض والمكان ممتاز جدا جدا وتنظيم اكثر من رائع والمشرف الاكاديمي اخلاق ومتعااون مع الجميع ويعطيك اهتمامه على انه في ناس تقل ادبهم وترفع صوتهم ويستقبلهم بكل اريحيه من جد لجنه المرسله من قبل الجامعه قمه في الروعه اما النقطه اللي ابي اتحدث عنها هي عن مندوبين العالميه الشركه المنظمه للاختبارات اولا انا ما اعم ولكن اخص كل اختباراتي كانت في مكان واحد في بلك واحد وكنت كثير مرتاح مع نفس المشرفين على البلك من موظفين العالميه عدا اختبار الاحصاء تاخرت وتغير مكاني وماده الاحصاء تحتاج تركيز قوي للاجابه وكان هناك مرفقه عدد 2 ورق ابيض هامش لعمل المعادلات وتهمش عليها لحد ما توصل للاجابه وتم التنويه بالميكرفون عن غرض هذي الاوراق البيضاء وبعد التنويه بعشر دقايق بدات ودخلت جو الاسئله وانا متحمس جدا في الحل واهمش واحسب وينط لي موظف العالميه احتفظ باسمه ويقول لي وبكل وقاحه الورقه البيضاء هذي ما تكتب فيها شي لو تبي تكتب اكتب على ورقه الاسئله والله العظيم بهذا النص يعني هل من المعقول ان يعطوننا ورق ابيض ونرجعه ابيض باي منطق هذا وغير كذا تم التنويه على ان الورق الابيض للهوامش واقوله يابن الحلال تاكد وبعدين تعال قال ماتسمع انت من وين تبي الواحد يركز في الحل لكن ما اقول الا حسبي الله ونعم الوكيل وتشتت ذهني على شان انسان مايفهم ولا يستوعب ايش جالس يصير في القاعه ولا يعرف غرض الاوراق ولا يعرف يسمع من المشرف الاكاديمي ياخي قبل ما تجي تتفلسف علي روح واسال المشرف الاكاديمي ولو كنت مخطي ابد تعال بس توقف على راسي وتقعد تبربر بدون اي مبرر وتسوي انا اللي فاهم هنا اخخخخخخخخخ بس الحمد لله مرت بكل سلامه واسف على الاطاله

[عبووود القريات]

كارزيما
اشكر لك مرورك وتعليقك ودمت بخير

[wolf of najd]

خلاص ما راح تختبر في الرياض ولا الدمام ما فيه الا في جدة

[عبووود القريات]

بروفشنل
يسلمووووووو ع المرور واتعليق المميز بتميز حضورك
دمت بخير اخوي

[عبووود القريات]

المشاركة الأصلية كتبت بواسطة wolf of najd خلاص ما راح تختبر في الرياض ولا الدمام ما فيه الا في جدة

اولا يسلموووو ع امرور وللا عدمتك
وبعدين
ليه اخوي وش فيه جديد

[FLOOOWER]

الرياض بصراحه رائعين ومحترمين وفعلن يوفرون لك كل شي زي ما قلت جزاهم الله خير >>>>بعد 1000 ريال ولا يوفرون لنا مويه بريال وقلم رصاص ههههههههههههههه