ضروري بخصوص خطاب تقادم الشهاده

[khalid_999]

السلام عليكم ورحمة الله وبركاته

صباح الخير

حاب استفسر عن الخطاب لان هو اللي مأخرني والا كان مرسل اوراقي من يومين على الاقل .

النوذج اكتب فيه الاسم ورقم الطلب وسنة التخرج هذي مفروغ منها

والشرح والاحاله هذي للجامعه يعني اتركها فاضيه .

طيب وين اكتب عذري !!!

هل بنفس الورقه او ارفق معها ورقه خارجيه واكتب العذر فيها .

مع اني اتوقع الشغله بسيطه وانا جالس الف وادور على نفسي

مشكورين مقدما

[mr_anwar]

حبيبي لاتتاخر بارسال اوراقك الترم هذا القبول مفتوح على الاخر ارسل اوراقك بسرعة واذا جاك رفض بالنظام
اتصل على الرقم 026952222 في موظف يسجل لك طلب استثناء ويرفعة ويجيب لك العلم خلال ايام بسيطة
امس انا سددت لواحد وضعة نفس وضعك والان هو طالب منتسب :)


بالتوفيق للجميع

[khalid_999]

المشاركة الأصلية كتبت بواسطة mr_anwar حبيبي لاتتاخر بارسال اوراقك الترم هذا القبول مفتوح على الاخر ارسل اوراقك بسرعة واذا جاك رفض بالنظام اتصل على الرقم 026952222 في موظف يسجل لك طلب استثناء ويرفعة ويجيب لك العلم خلال ايام بسيطة امس انا سددت لواحد وضعة نفس وضعك والان هو طالب منتسب :) بالتوفيق للجميع

جزاك الله خير وبارك الله فيك ..

راح ارسل الاوراق اليوم بمشيئة الله بس ودي كل شي يكون كامل عشان كذا انا استفسرت وماودي

اعتمد على احد يخلص لي شي دامني اقدر عليه والا الشباب فيهم الخير والبركه ان شاء الله .

بالتوفيق للجميع .

[ع الشمراني]

اخوي لو ارسلت النموذج مع اوراقك يكون افضل
الاخوان يقولوا مفتوح التسجيل والى الان مافي خبر اكيد

لي واحد من اقاربي له شهر الى الان وباقي ماجاه رد ومايدري ينقبل ولا لا
من ناحية العذر مايحتاج تكتب اي عذر لان العذر واضح ان شهادتك قديمه

[khalid_999]

المشاركة الأصلية كتبت بواسطة ع الشمراني اخوي لو ارسلت النموذج مع اوراقك يكون افضل الاخوان يقولوا مفتوح التسجيل والى الان مافي خبر اكيد لي واحد من اقاربي له شهر الى الان وباقي ماجاه رد ومايدري ينقبل ولا لا من ناحية العذر مايحتاج تكتب اي عذر لان العذر واضح ان شهادتك قديمه

لاهنت يالغالي ومشكور على جهودك ومساعدتك وجعلها

الله في ميزان حسناتك .

[مدوخ النمل]

يا شمراني الله يستر منك
يقول الرجال مفتوحة على الاخر

انا خريج عام 1409 وقبلت وسددت

[ع الشمراني]

المشاركة الأصلية كتبت بواسطة مدوخ النمل يا شمراني الله يستر منك يقول الرجال مفتوحة على الاخر انا خريج عام 1409 وقبلت وسددت

وش المانع لو ارسل خطاب استثناء مع اوراقه مجرد احتياط فقط لاغير

والامر يعود لصاحب الشأن وانا ارى انه يرسله على اقل تقدير لو ماصار وفتح التسجيل لاصاحب الشهائد القديمه يكون خطابه عندهم جاهز مع اوراقه


وبعدين انت تقول انك انقبلت وانا اقول انك صادق

لكن انا لي واحد من اقاربي شهادته عام ( 1415 - 1416 )
والله الى الان ماجاه رد ومازال ينتظر وقبوله من عدم قبوله في علم الغيب

على العموم موفقين بإذن الله

[@@ النادر @@]

الله يوفقك اخوووي