سؤال ماعرفت احلو في الرياضيات

[fatona.sweet]

كيفكم كيف المذاكرة ان شالله تمام الله يوفقنا ونجيب احلا الدرجات انا كنت حابة اسأل سؤال كدا في الرياضيات ما عرفت حلو فرجاء اللي يعرف يحلوا وهو جا في السنة دي الترم اللي فات سؤال غبي بس ان شالله تحلوا


اذا كان رسم دخول احدى مدن الملاهي لرجل وطفلين 44 ريال بينما رسم دخول رجلين وثلاثة اطفال هو76 ريال فإن تكلفة الدخول للرجل الواحد ؟

22 20 12 25

طيب لو طلب مني احسب رسوم دخول الاطفال كيف الحل؟

[فراشة جدة]

اول حاجة ياحلوة نرمز للرجل بــ س وللطفل بـ ـص

بعدها نترجم المسأله رجل وطفلين يساوي 44
س + 2ص = 44
ورجلين و3 اطفال يساوي76
2س+ 3ص = 76
طيب بعدها نهط المعادلتين تحت بعض
س + 2ص = 44 نضرب هنا بــ -2 عشان نتخلص من س
2س+ 3ص = 76

رح تصير
-2س -4ص = -88 طبعا هنا نحذف -2س مع 2س
2س + 3ص = 76
ـــــــــــــــــــــــــــــــــــــ تبقى
-1 ص = -12
ص= 12
ص= 12 يعني رسوم الدخول لطفل واحد
دحين نبغى نجيب س اللي هي رسوم الدخول لرجل واحد
نروح نعوض بقيمة ص في اول معادلة اللي هي
س + 2ص = 44
س + 12*2 = 44
س+24 =44
س=44-24
س = 20
اذن س =20 رسوم الدخول لرجل واحد


ان شاء الله اكون افدتك

[إحساس ناجح]

أختي الكريمة أنا حمودي أتمنى أحلو لك بس أنا في الجامعة لكن أنا قدرت أذاكر %90 من الرياضيات عن طريق الآلة من دون تعب وخلال ثواني والحمد لله إنو أنا تخرجت من مدرسة الفتح راح أعطيكي الجواب في الليل أو بكرة الصباح بس أعطيني إسمك علشان أحل المسألة في موضوع خاص تحت عنوان إسمك ويارب يوفقك

[*SunShine*]

شوفي رجل = x
وطفل y

رجل و طفلين= 44
نحولها معادله
x+2y=44

رجلين وثلاث اطفال = 76
حوليها معادله تصير
2x+3y=76

حليها عادي كانك بتحلي نظام معادلات بطريقة الحذف
x+2y=44
2x+3y=76

اوجدي x عشان تجيبي تكلفة الرجل الواحد
وبعدها اوجدي y عشان تجيبي تكلفة الطفل الواحد

[fatona.sweet]

الله يسعدكم يا بنات ويوفقكم ان شالله يارب تجيبو 100% في كل المواد قولوا امين

[كارزيما]

المشاركة الأصلية كتبت بواسطة فراشة جدة اول حاجة ياحلوة نرمز للرجل بــ س وللطفل بـ ـص بعدها نترجم المسأله رجل وطفلين يساوي 44 س + 2ص = 44 ورجلين و3 اطفال يساوي76 2س+ 3ص = 76 طيب بعدها نهط المعادلتين تحت بعض س + 2ص = 44 نضرب هنا بــ -2 عشان نتخلص من س 2س+ 3ص = 76 رح تصير -2س -4ص = -88 طبعا هنا نحذف -2س مع 2س 2س + 3ص = 76 ـــــــــــــــــــــــــــــــــــــ تبقى -1 ص = -12 ص= 12 ص= 12 يعني رسوم الدخول لطفل واحد دحين نبغى نجيب س اللي هي رسوم الدخول لرجل واحد نروح نعوض بقيمة ص في اول معادلة اللي هي س + 2ص = 44 س + 12*2 = 44 س+24 =44 س=44-24 س = 20 اذن س =20 رسوم الدخول لرجل واحد ان شاء الله اكون افدتك

ماشاء الله عليك يافراشة جدة برفيسوره في الرياضيات

راح اسميك الفراشة بنت الخوارزمي

وبالنسبة للمسألة هاذي من كثر ماذاكرتها حفظت جوابها صم

ولاتخافي ماراح يطلب منك الا رسم دخول الرجال لأنهم مايجون الملاهي كثير زي الاطفال

[فراشة جدة]

المشاركة الأصلية كتبت بواسطة كارزيما ماشاء الله عليك يافراشة جدة برفيسوره في الرياضيات راح اسميك الفراشة بنت الخوارزمي وبالنسبة للمسألة هاذي من كثر ماذاكرتها حفظت جوابها صم ولاتخافي ماراح يطلب منك الا رسم دخول الرجال لأنهم مايجون الملاهي كثير زي الاطفال

هههههههههه بنت الخوارزمي ههههههه كتر منها
لا برفيسورة ولا شي ههههه تصدق اصلا نسيت انو الرياضيات درسنها بلانجليزي ههههههه
طيب بما ا نك حافظهم صم ان شاء الله حلي صح