فائض من النسوة علينا رميه للموت!

[soma al7elwa]

معالي الوزير ..

خليني اخد كلامك حبة حبة ..

أول شي أجاوب على سؤالك

اقسملك بالله لو كان فيه هدا المجال كان دخلته بدون أي تردد ..

مو شرط أكون انا وفلان زميلي لوحدنا

ممكن نكون عدد من 4 او 5 افراد

وماراح نكون فسيارة نفرفر فالشوارع زي كأننا فتاكسي

حنكون في مركز وبس يطلبونا راح اركب مع الفريق الطبي دا واروح

فين المشكلة؟؟؟

انا مو رايحة اصيع .. انا رايحة انقذ ارواح بشر

ومين قلك انو الشرع لايسمح؟؟

اقولك هي بصريح العبارة .. لو كان شرعا مايحق لي ان اعمل بوظيفة تنقذ ارواح البشر وتستر على بنات الناس بسبب العذر المعتاااد الاختلاط والخلوة

فأنا اخالف الشرع .. لأني عارفة في قرارة نفسي اني مابعمل شي غلط

واستفت قلبك وان افتاك الناس وافتوك

خلوة وحلها سهل .. اما انو ممنوع شغلة زي كدا عشان اختلاط

فمعليه .. يعني خاطب الناس على قدر عقولهم يامعالي الوزير

اما العلماء والمستشارين ومجلس الشورى ..

كل واحد فبيته بدل السواق الواحد تلاتة واربعة وخمسة

واقسملك بالله ولا يحسوا بربع معاناة الشعب ونساء البلد دي

واللي يدو في الموية مو زي اللي يدو فالنار

صح ولا لا؟؟؟