تكفون عطوني رايكم بجدولي م 4 ضرووري لاهنتو ...خاصة سطام الشتوي

[شيخ الزين]

يسعدلي ايامكم

اتمنى ان الجميع تكون بصحه وعافيه


انا نزل جدولي هاليوم

محاسبة حكوميه 231

اللغه العربيه 2 على فكره انا حملت لغه عربيه 1 اكثر من مره لاني مااهضمه ابداااا

قانون اداري230

مبادي الاقتصاد الجزئي هذي حملتها من الترم اللي فات

مباديء العلوم السياسيه


كيف طريقتها وعن ايش وهل هي صعبه والا سهله ترى والله ماعندي وقت للمذاكره لكن بحاول ابدا بدري واذا فيه مواد سهله عطوني اياها عشان احذف واضيف
لان معدلي 2 وشوي وابي ارفعه 2 ونص وفوق بعد
ابي مواد اداريه بحته يعني مثل مادة ادارة عامه وكذا يعني تتعلق بالاداره مو في اللغه العربيه والرياضيات وهالخرابيط ابي مواد تخصص سهله تكفووووون

[شيخ الزين]

للرفع

[شيخ الزين]

اكيد اللي مروو مايعرفون صح

حبايب قلبي الله يسعدكم

اللي يمر لو عنده معلومه عن ماده وحده بس صعبه ومعقده من جدولي يعلمني الشكوى لله

عشان احذفها لاني ضروري ارفع المعدل اخاف اتدبس في مادة تلعب فيني

تهي تهي ابي اتخرج بسرعه لي 23 سنه وانا ادرس مافيه جامعه الا دخلتها ولا كليه الا درست فيها

<< يستعطف حبتين

[يآرب مآخآب من ترجآك]

كيف طريقتها وعن ايش وهل هي صعبه والا سهله ترى والله ماعندي وقت للمذاكره لكن بحاول ابدا بدري واذا فيه مواد سهله عطوني اياها عشان احذف واضيف لان معدلي 2 وشوي وابي ارفعه 2 ونص وفوق بعد

للاسف ماراح يمشي حالك لان موادك صعبه:)
كلها يبي لها شده حيل ..

شوف انا ودي اساعدك والله بس ماقلت لنا وش ممكن تاخذ غيرهم يعني اكتب كل المواد الممكنه عشان نختار لك

بالنسبه لقانون اداري ترى اصعب من القانون الاول حبيتن يبيله شده حيل
العربي 2 اسهل
العلوم السياسيه سهله ممتنع يعني تشوفها مويه بس لماتتختبر تتدبس

ماابي اخوفك بس انتبه من طي قيد:) بالعربي الطرد معدلك نازل ومنت ناوي تذاكر !!!!

اللي اقدر انصحك فيه انك تاخذ دين وتحاول تشد حيلك جدا فيه يعني تاخذ aممكن يرفع لك معدلك شوي !

[شيخ الزين]

الله يعطيك العافيه اخوي

الا والله ناوي اشد حيلي ان شاء الله وانا اصلا اذاكر قبل الاختبارات بفتره

طيب المحاسبه الحكوميه ؟


ابي اصعب ماده بحذفها واخذ بدالها ثقافه اسلاميه .

مااعرف المواد والله لو اعرف اختار هههههههه مااشغلتكم