د عبد الله سالم

[عذاري جده]

المشاركة الأصلية كتبت بواسطة alrawabe مع كمال في الخدمة المدنية ما في مقالي والاختبار كان من اسهل الاختبارات لي جاتني في الجامعة بس مشكلتوا ما يصحح ورق الاختبارويحط لكل البنات 60 في اختبار الخدمة المدنية سوا كدة وانا كنت اختبرت معاه وحطلي 60 وبعدين طلعت الجامعة وكتبت خطاب ورسلته وراجع زوجي في قسم الأولاد لين تعدلت الدرجة وصارت 91 يعني بس من مقبول للممتاز واتخيلي كيف يكون المعدل بعد كدة

الله يوفقك ياارب ايش الإجراااءات اللي اتخذها زوجك؟

يعني لو فرضنا أخذنا 60 في التطوير ايش لازم نعمل؟

كيف يكون الخطاب وأي قسم عند الأولاد نرااجع؟

[alrawabe]

المشاركة الأصلية كتبت بواسطة عذاري جده الله يوفقك ياارب ايش الإجراااءات اللي اتخذها زوجك؟ يعني لو فرضنا أخذنا 60 في التطوير ايش لازم نعمل؟ كيف يكون الخطاب وأي قسم عند الأولاد نرااجع؟

انا اول شيء رحت قسم السكرتارية في كلية الإارة والإقتصاد قسم الإدارة العامة عندنا في الجامعة
وبعدين طبلت اعادة تصحيح الورق وقالولي اكتبي خطاب واشرحي فيه الموضوع واكتب كل بياناتك واحنا نرسلوا للدكتور كمال بالفاكس..وانا باكتب تفاجأت بأعداد كبيرة من الطالبات معايا جين لنفس المشكلة فبعد ما كتبت الخطاب والعدد من الطالبات كان احتشد عند الغرفة والكل بطالب بإعادة التصحيح
طلب قسم السكرتارية من البنات كلهم يوقعوا على نفس الخطاب ومع توضيح جميع بياناتهم
وتم ارساله بالفاكس وعلى اساس نراجع يوم السبت بالموضوع..
وبما أني أنا من خارج جدة طلبت ارقام هواتف الجامعة وكل التحويلات عشان اراجع بالموضوع من برة جدة
وطبعا بعد مررور يوم السبت وانا على احر من الجمر وربي ما كان بيجيني نوم أول مرة أشوف الدرجة هاذي وانا متأكدة أني ما خدة ممتاز
طبعا أتصل ما احد يرد ولا بأي تحويلة ولا خليت أي طريقة ما حاولت فيها ما في فايدة وعدت 3 أسابيع على دا الحال كل أحاول
وطلعت جدة مرة تانية عشان اراجع عدنا بقسم البنات وما حد اعطاني وجه وكل يلي قالوه احنا رسلنا وما جانا رد
طيب ادوني رقمه انا اكلمه ....لا طبعا
وجبت رقمه وكل تحويلاته برضوا ما في فايدة لا يرد والتحويلات كلها في الجامعة ما ترد
راح زوجي قسم الأولاد برضو مبنى الإدارة قسم الإدارة العامة قسم السكرتارية
وتكلم معاهم وطبعا فرق سبحان الله بين قسم البنات يلي ما يعطونك وجه وقسم الأولاد يلي بكل ترحيب كان
وقالولو الدرجة اتعدلت وزوجتك ما خدة 91 كمان بس قسم البنات ما عندهم خبر وكل البنات وفيهم 3 من صاحباتي يلي وقعوا معيا في الخطاب كلهم تعدلت درجاتهم
الحمد لله هذي قصتي مع الخدمة المدنية يلي أخذتها المستوى الرابع الله لا يعيد الأيام هذي
والترم يلي راح ما أخذت تطوير عشان هو يلي كان بيعطيها
هذي قصتي باختصار....
وانا مثلكم محتارة اخذ المادة ولا لاء