(((هنا نقبل التهاني بمناسبة التخرج))))

[لا تحـــزن]

اللهم لك الحمد حتى ترضى ولك الحمد إذا رضيت ولك الحمد بعد الرضا

أشكر جميع الإخوان والأخوات في هذا المنتدى على جهودهم ومفهوم حب الخير للغير كما تشرفت بمعرفة الكثير من الشباب الطيبين عن طريق هذا المنتدى دون تحديد اسماء لكثرتهم الذي لهم الفضل بعد الله في تسهيل المذاكرة ومعرفتهم أعتبرها تاج على راسي .

ونتحفكم بقصيدة كتبت قبل سنة من احد الزملاء ورديت عليها وكان موضوعها عن الجامعة

جتك الرسالة بالغلا يا ابن حمــاد عبر الفضى توصل لجدة وتنصاك
فيها تحيـــــــة وافية يابن الأجواد تنقال للغاليــــــــن مثلك وشرواك
مضمونها شوق وهدفها تنشـــــاد عن الذي وداك جدة وعنـــــــــاك
عساك تكسب كل مطلوب ومراد وتحصد نجاحك والشهادة بيمنــاك

رديت عليه :

جلست بالشاطــــيء وسويت براد من دون سكر يا حلاته بطريــــاك
رحنا نبي الأرقام وصرنا بالآحـاد ومن يطلب العليا تحداه الأشـواك
أول دراستنا مع السين والصــــاد وأحلى دراستنا عن علوم الأفلاك
وآخر دراستنا سطرلاب ومنضاد والبحث يبغا له مراجع مع إدراك
سقنا من الآلاف وديون وأقصــاد ما ينفعك في ذا الزمن غير يمنـاك
عبيت أنا كتابي قصايد توجــــــاد يسألني كتابي يقول أنت وش جاك
شبهت حلمي بالبحر غير ما فــاد البحرميت والسبب موت الأسماك
حلمي يابو ظافر غدت ناره رماد عهدٍ علي لأحققــــه عهد وعفاااك

[نـسـيـم الـبـر]

الف مبروك


والله يوفقك يارب ويجعلها اولى خطوات ابواب الخير لك بالدنيا والاخره



وصح لسانك على القصيده ، ،حقيقه رائعة ومعبرة

[ماهر الوافي]

ألف مليوووووووووون مبروووووووك يالغالي

وعسى الله يوفقك دنيا وآخره

تستاهل كل خير

[ماجد التميمي]

100.000الف الف مليون ترليون مبروك ابو حماد على التخرج وعقبال الدراسات العليا
ولا اوصيك على ابو شعيل سندك الايمن وين ماتروح خله يمك وابشر بالي انت خابر
وقصيدك رائعه رغم انك سمعتني ايها اكثر من مره
محبك /ابـــــــو طلال

[المنصوب2008]

الف مبروك لك اخوي

المهم انت تخرجت وحنا بأول الطريق عاد الله لايهينك خلك متواصل معانا تخبر يمكن نبي مشورة او راي.

قصيدتك جزله ومافيك حيلة وتنتقل معنا للتخرج ان شاء الله

[ALGNTL]

الف مبروك التخرج وصراحه قصيده حلوه صح لسانك

[يالبى قلبي]

الف الف الف الف مبروووووووووووووووووكـ
وعقبال الماستر والدكتوراهـ

وعقبالنـــا حنا بعـــد بالتخرج

وهذا ردي لكـ ياخووووي :

لا تقول حلمك غدى ناره رماد === دام حققت عهدك لابو ظافر بيمناك
خلنــا نفرح ونشبك السين بالصاد=== والقافيه تسعد بسعد طرياك
ابارك لك بالتخرج يا ابن الاجواد === عسى التوفيق فالك ولشرواك


مبرووووك مررررة ثانيه ... وان شاء الله نستفيد من خبراتك :)
دمــت بود
اختك: يالبى قلبي

[لا تحـــزن]

بيض الله وجيهكم جميع وماقصرتوا وصحت أبدانكم

المشاركة الأصلية كتبت بواسطة يالبى قلبي الف الف الف الف مبروووووووووووووووووكـ وعقبال الماستر والدكتوراهـ وعقبالنـــا حنا بعـــد بالتخرج وهذا ردي لكـ ياخووووي : لا تقول حلمك غدى ناره رماد === دام حققت عهدك لابو ظافر بيمناك خلنــا نفرح ونشبك السين بالصاد=== والقافيه تسعد بسعد طرياك ابارك لك بالتخرج يا ابن الاجواد === عسى التوفيق فالك ولشرواك مبرووووك مررررة ثانيه ... وان شاء الله نستفيد من خبراتك :) دمــت بود اختك: يالبى قلبي

هلا وغلا بالشاعره كليتي الجو على قصيدتي

قصيدتك أجزل من قصيدتي

شكرا يا لبى قلبك

[ناصر2009]

الف الف الف مبروك اخوي لاتحزن وان شالله يعطيك من خيرها ويوفقك الله

[مَـهَـاو]

الـــــــــــــــــــف مــــــــبـروك الـتخـرج ويــوفقـك يـارب